ستايلات توب لازم تكون موجودة في دولابك
في قطع ملابس المفروض تبقى موجودة في دولاب كل بنت, عشان تخلي الدولاب بتاعها دايما متجدد وعلى الموضة, والنهادرة من خلال موضوعنا هنقول لكل بنات ستايلات توب لازم تكون موجودة في دولابك.
ستايلات توب لازم تبقى في دولابك:
1- ال Statement sleeves:
التوب بستايل الاكمام ال Statement من الحاجات الموضة جدا للموسم ده.
2- ال Crop tops:
ستايل التوب ال Crop كمان من الستايلات المميزة الموضة جدا للموسم ده, مريح وانيق في نفس الوقت, وبيكون حلو جدا لو نسقتيه مع Distresses جينز.
كمان تقدري تنسقيه مع الجينز السكيني, والجينز ال High waist للوك كلاسي وانيق.
3- ال See through tops:
وهو ستايل التوب الشفاف اللي بيتلبس تحتيه قطعة تانية, والستايل ده بيكون مناسب جدا مع الجينز, وتقدري تخرجي بيه بعد الضهر او بالليل او للشوبينج يعني مناسب لكل الاوقات.
ممكن تلبسي تحته بادي حملات للوك ستايلش, وبيطلع حلو جدا كمان الجينز الرجل الجرس, او ال Boot cut jeans للوك مودرن.
4- ال Tunic tops:
التوب التونيك من اكتر القطع الرائعة والستايلش جدا, وكمان التونيك دريس من القطع التريندي للموسم ده, ولما هنتكلم على التونيك دريس من اكتر الستايلات الموضة فيه هو الستايل ال plus size تونيك ومناسب لاي بنت.
5- ال Ruffle tops:
التوب مع الكشكشة كمان من القطع اللي المفروض تكون موجودة في دولابك.