بالخطوات والفيديو: 5 تمارين لشد ترهلات الذراعين

بقلمريهام محمود فيتخسيس الوزن visibility480

بعد خسارة الوزن, او مع تقدم العمر الجلد بيبدأ يظهر ترهلات في اماكن كتير من الجسم ومنها منطقة الذراعين, ولكن مع بعض التمارين تقدري تتخلصي من المشكلة دي بسهولة, وده اللي هنشوفه النهاردة من خلال السطور الجاية هنتعرف مع بعض على تمارين لشد ترهلات الذراعين.

تمارين لشد ترهلات الذراعين:

1- تمرين Dumbbell Bent – Arm pull over:

1- نامي على كرسي عريض مسطح, بالجزء العلوي من الضهر مع دعم الكتفين.

2- امسكي دامبل واحدة بايديكي الاتنين.

3- وخلي ايديكي على منطقة الصدر والكوعين لبره شوية.

4- دلوقتي ابدأي رجعي ايديكي الاتنين لورا وانتي ماسكة الدامبل.

5- اتأكدي ان ايديكي فوق راسك ومواجهه للارض.

6- حافظي على الذراعين قريب من الاذنين واتني الكوعين شوية.

7- بعدها ارجعي للوضع الاول وارفعي الذراعين تاني فوق الصدر.

8- كرريه 10 مرات كل يوم, وزودي العدد ببطء يوم بعد يوم.

تمارين لشد ترهلات الذراعين
تمارين لشد ترهلات الذراعين

التمرين بالفيديو:

2- تمرين Tricep Dips:

1- اول حاجة ابدأي التمرين وانتي قاعدة على كرسي وضهرك مفرود, وممكن تستخدمي بنش او تعمليه على الارض.

2- خلي وضع الذراعين وراكي واسندي بيهم على الكرسي.

3- ابدأي انزلي بجسمك لتحت وحافظي على الضهر والكتفين والرقبة في شكل مستقيم.

4- كرري التمرين من 15 – 20 مرة كل يوم لنتايح فعالة.

والتمرين ده مش مفيد بس للذراعين ولكن كمان بيساعد على تخسيس الوزن من الجسم كله لان جسمك كله بيشتغل اثناء التمرين.

تمارين لشد ترهلات الذراعين

التمرين بالفيديو:

3- تمرين Lying Chest Fly:

1- نامي على ضهرك على الارض واتني الوركين والركبتين بزاوية 90 درجة.

2- امسكي دامبلز في ايديكي الاتنين.

3- ارفعي الذراعين لفوق في مواجهة السقف.

4- ولما ترفعي ايديكي خليهم مواجهين لبعض.

5- وبعدين نزلي ايدك تاني للوضع الاول جنبك بحيث الكوعين يبقوا بعيد عن الارض بحوالي 2 انش.

6- وبعدين ارفعي ايدك تاني لفوق في مواجهة السقف.

7- كرري التمرين كل يوم من 2 – 3 مجموعات كل مجموعة من 10 – 12 مرة, وتقدري تزودي المجموعات بالتدريج يوم بعد يوم.

تمارين لشد ترهلات الذراعين

التمرين بالفيديو:

4- تمرين Tricep Extension:

1- اقفي وامسكي دامبل واحدة بايديكي الاتنين.

2- خلي القدمين مفتوحين بعرض الكتفين.

3- ارفعي الدامبل فوق راسك, لحد ما الايد تبقى مفرودة على الاخر.

4- اتني الذراعين ويكونوا قريبين من الراس, والدامبل تكون في وضع عمودي ناحية الارض ورا راسك.

5- دلوقتي ارجعي للوضع الاول برفع الدامبل لفوق.

6- كرري التمرين 10 مرات يوميا لنتايج فعالة.

التمرين ده هيركز اكتر على الجزء الخلفي من الذراعين, وكمان بيحدد شكل الجسم كله.

التمرين بالفيديو:

5- تمرين Reverse Planks:

1- اول حاجة اقعدي على الارض والساقين في وضع مستقيم.

2- حطي ايديكي جنب منطقة الوركين وابدأي ارفعي جسمك لفوق.

3- واتأكدي ان جسمك كله في خط مستقيم.

4- ارفعي الصدر لفوق بزاوية 45 درجة تقريبا, وخلي ايديكي اوسع شوية من عرض الكتفين.

5- اثبتي على الوضع ده لمدة 15 ثانية تقريبا, وبعدين ارجعي للوضع الطبيعي.

6- في البداية حاولي تثبتي على الوضع ده لمدة 15 ثانية وبعدين زوديه بالتدريج لدقيقة واحدة.

7- واثناء ما انتي محافظة على الوضع ده في ال 15 ثانية خدي الشهيق والزفير.

8- كرري التمرين كل يوم حوالي من 2 – 3 مجموعات وكل مجموعة 10 مرات.

تمرين البلانك يعتبر من اكتر التمارين الفعالة في تخسيس الجسم كله وتقوية العضلات, بالاضافة ان ليه فوايد صحية كتير جدا للجسم غير تقليل الوزن.

التمرين بالفيديو:

طرق طبيعية لتخسيس منطقة الأذرع

طرق طبيعية لتخسيس منطقة الأذرع
طرق طبيعية لتخسيس منطقة الأذرع