Ankle Boots collection من دار أزياء Aldo للشتاء السنة دي
Aldo بتعتبر من أكتر براندات الشوز المحبوبة للستات في جميع انحاء العالم، وده بسبب شكلها الفخم ومنتجاتها عالية الجودة، عشان كده مافاتناش اننا نعرفك على الكوليكشن دي، اعرفي معانا مجموعة الـ Ankle Boots للشتاء من دار أزياء Aldo
Ankle Boots collection من دار أزياء Aldo للشتاء السنة دي
المميز في الماركة دي انها بتوفر الـ Ankle Boots بكل أنواعها زي الهيلز العالية والكعب اللي بيكون قطعة واحدة بحجم الشوز، وكمان بكل الألوان اللي ممكن تحتاجيها، وبتكون مريحة وعملية جداً، مناسبة لستايلات كتيرة ولأوفات مختلفة من اليوم طول الشتاء.
الكوليكشن دي من الـ boots كمان ممكن تختاري اللي يناسبك منها للمناسبات لو حبيتي، أنواع زي الـ velvet boots أو الـ sparkling boots ممكن تبقى مناسبة للأفراح أو لخروجات وسهرات بالليل.
تقدري كمان تلبسي النوع ده من البوت على الفساتين والجيب القصيرة، بيبقى شكلها حلو جداً وبتديكي لوك عفوي ومميز، مناسب أكتر لخروجات النهار أو لخروجاتك مع أصحابك، وممكن للشغل لو مش بيتطلب لبس فورمال، شوفي معانا صور أكتر من الكوليكشن دي تلهمك للوك الجاي..
ماتنسيش تقوليلنا إيه أكتر ستايل عجبك، واعرفي معانا كمان 6 ستايلات من الشوز الشتوي مش BOOTS تجربيهم الموسم ده تجددي بيهم من ستايلك وتعملي بيهم Looks مختلفة في كل مرة تخرجي فيها.
