اسهل وصفة حلويات: ترافل الشوكولاتة بالحليب المكثف بمكونين اتنين بس
لو عايزة وصفات حلويات سهلة وسريعة, النهاردة هنقولك اسرع واسهل وصفة حلويات ممكن تعمليها بمكونين اتنين بس وهي وصفة ترافل الشوكولاتة بالحليب المكثف, هنشوفها مع بعض بالخطوات والفيديو, وهنشوف كمان طريقة تانية للترافل بالشوكولاتة النوتيلا.
وصفة ترافل الشوكولاتة بالحليب المكثف:
المكونات:
240 جرام حليب مكثف.
100 جرام كاكاو.
طريقة التحضير:
1- حطي الحليب المكثف في حلة على نار متوسطة وسيبيه لحد ما يغلي مع التقليب المستمر.
2- ارفعي الحليب المكثف من على النار, وضيفي له الكاكاو بالتدريج وقلبيهم.
3- قلبي الحليب مع الكاكاو لحد ما يمتزجوا كويس جدا.
4- ممكن كمان تعملي الحليب على البارد من غير ما تسخنيه على النار.
5- هاتي قالب حطي فيه كيس بلاستيك الخاص بحفظ الاكل وصبي خليط الشوكولاتة في القالب وساوي الوش بتاعه.
6- حطي الشوكولاتة في التلاجة لمدة ساعتين.
7- طلعي الشوكولاتة من القالب وقطعيها مكعبات صغيرة في حجم مكعبات الشوكولاتة, او اعمليها على شكل كرات صغيرة.
8- رصيها على طبق ورشي عليها كاكاو من فوق.
الطريقة بالفيديو:
ترافل الشوكولاتة النوتيلا:
المكونات:
250 جرام جبنة كريمي اي نوع.
2 كوباية سكر بودرة.
1 ½ كوباية نوتيلا.
معلقة كبيرة قهوة مركزة.
كاكاو للتغطية او شوكولاتة مبشورة او مكسرات.
طريقة التحضير:
1- في طبق كبير اخلطي الجبنة مع السكر البودرة, وقلبيهم مع بعض لحد ما الخليط يبقى هش.
2- ضيفي للخليط الشوكولاتة النوتيلا وقلبيهم كويس, وبعدين ضيفي القهوة وقلبي تاني.
3- غطي الخليط وحطيه في التلاجة لمدة سهل, او لحد ما يتماسك ويبقى تشكيله سهل.
4- شكلي الخليط على شكل كرات متوسطة الحجم, وقلبيها في الكاكاو لحد ما تغطيها كلها او في الشوكولاتة المبشورة او المكسرات.
5- حطي كرات الترافل في التلاجة مرة تاني شوية وقدميها باردة.
