حيل للعناية بالبشرة للبنات الكسولة اللي مش بتهتم ببشرتها كفاية
هل انتي كسولة وفي نفس الوقت عايزة بشرة صحية ونضرة من غير ما تبذلي اي مجهود؟ احنا هنا عشان نساعدك في المهمة دي عشان ونقولك شوية نصايح للعناية بالبشرة هتفرق مع بشرتك جدا, وهنعرف بعض الحيل اللي ممكن تعمليها لو انتي بتكسلي تهتمي ببشرتك بشكل كافي هتخليها مثالية.
نصايح للعناية بالبشرة:
1- الحيلة (1): امشي على نظام CTM كل يوم
دخلي نظام CTM في روتينك اليومي للعناية بالبشرة اللي هو C- Cleancing التنضيف بالغسول, T- Toning استخدام التونر, M- Moisturizing المرطب, ده يعتبر وسيلة رائعة جدا تقدري من خلالها تحافظي على صحة بشرتك.
اول حاجة اعملي تطهير للبشرة بغسول طبيعي عبارة عن معلقة صغيرة لبن مع شوية عصير ليمون, ودلكي بيهم البشرة لمدة دقايق الخليط ده هيزيل كل الشوائب من على البشرة.
بعد كده ممكن تقفلي المسام بمسح البشرة بمية الورد, عشان تعملي توازن لدرجة حموضة البشرة.
اخر حاجة ممكن ترطبي بشرتك بجل الصبار, هيساعد على ترطيب الجلد وهيمنع جفاف البشرة.
كرري الخطوات دي كل يوم الصبح وقبل النوم, عشان تحافظي على بشرة نضرة وصحية.
2- الحيلة (2): متنسيش واقي الشمس
حماية البشرة من اشعة الشمس الضارة ضروري جدا عشان تحافظي على بشرتك, لان اشعة الشمس ممكن تسبب اضرار لخلايا الجلد وانسجة الكولاجين في جلدك, وده هيأدي في النهاية لظهور التجاعيد, واسمرار البشرة, وحروق الشمس, والشيخوخة المبكرة.
ولكن تطبيق واقي الشمس بعامل جماية من الشمس فوق ال 30 هيحمي بشرتك من الاضرار دي.
افتكري دايما انك متخرجيش من البيت من غير واقي الشمس حتى في الشتا او في الايام اللي فيها مطر وغيوم, لانه بيحمي البشرة من عوامل الجو عموما.
3- الحيلة (3): استخدمي قناع الطين كل اسبوع
قناع الطين ممكن يلعب دور حيوي جدا في امتصاص كل الاوساخ والغبار والشوائب والزهم الزيادة من جلدك, وكمان بينضف المسام بعمق وبيخلي البشرة نضيفة وناعمة.
تقدري تجيبي ماسك الطين الجاهز, او تجيبي الطين من عند العطار وتعمليه مرة واحدة في الاسبوع بانتظام, هيدي بشرتك فوايد كتير جدا.
تقدري تحضريه بسهولة في البيت عن طريق خلط 1 معلقة كبيرة من الطين مع معلقة كبيرة من جل الصبار والعسل, حطي الخليط على البشرة بشكل متساوي ودلكيه لمدة 5 دقايق, وبعدين سيبيه على البشرة لمدة 10 دقايق كمان, بعدها اغسلي بشرتك بمية باردة.
ومتنسيش بعد ما تنشفي البشرة رطبيها بكريم مرطب عشان تمنعي جفاف الجلد.
4- الحيلة (4): حافظي على بشرتك رطبة
ترطيب بشرتك يوميا هي حيلة بسيطة وسهلة جدا للحفاظ على صحة ونضارة البشرة, وده تقدري تحققيه بشرب كمية كافية من المية يوميا, ده هيساعد بشرتك انها تفضل نضيفة ومترطبة طول اليوم, وكمان هتساعد على ازالة كل اشوائب والسموم من الجسم بسهولة جدا.
كمان تقدري تحضري ديتوكس بسيط للتخلص من السموم عن طريق خلط شرايح الليمون ومع شريحة خيار وعسل وتحطيهم في المية, وتشربي من الديتوكس ده بانتظام خلال اليوم.
بالاضافة ان المية هتحسن نسيج بشرتك جدا وتخليها مشرقة ولونها موحد.
أكتر 7 أخطاء في روتين العناية البشرة الخاص بيكي بيتسببوا في ان المسام تبان اكبر
