6 أسباب بتؤدي إلى تشقق الكعوب وازاي تعالجيها بطريقة سهلة وبسيطة

تشققات الكعب من أكتر الحاجات اللي بتضايق اي بنت أ ست، وده مش بس لانه شكلها بيكون مش حو ولكن كمان لأنها بتسبب آلام ووجع بنسبة كبيرة عند المشي والحركة، ورغم انك لو لاحظتي تشققات في كعب رجلك ده غالبا بيكون من الجفاف وقلة الرطوبة اللي بتكون في بشرتك ، بس برده ممكن تكون فيه أسباب غير الجفاف وده اللي هنعرفه في النقط الجاية، اعرفي معانا 6 أسباب بتؤدي إلى تشقق الكعوب وازاي تعالجيها بطريقة سهلة وبسيطة ..

6 أسباب بتؤدي إلى تشقق الكعوب وازاي تعالجيها بطريقة سهلة وبسيطة 

زيادة الوزن :

رجلك بتشيل جسمك كله فعشان كده كل ما بيزيد الوزن بتزيد الدهون تحت الكعب، حاولي  تمشي علي نظام غذائي وخدي بالك من السكر في الدم لأنه أصحاب مرض السكر ديما بيكون عندهم تشققات في الكعوب .

نقص الفيتامينات :

بشرتك ممكن تتعرض للجفاف والضعف لو موصلش لجسمك الفيتامينات والمعادن الكافية، عشان كده ديما كُلي أطعمه فيها معادن وفيتامينات زي فيتامين أ و سي و إي والزنك وأحماض الاوميغا .

الشوز الغلط :

الشوز الغلط من أكتر الأسباب الشائعة اللي بتؤدي إلى تشقق كعب الرجل، حاولي ديما تلبسي الشوزات المقفولة علي عكس الصنادل لانها بتسبب تشققات في الكعب .

سن اليأس :

بعد انقطاع الدورة الشهرية فيه أجزاء من الجسم بتكون معرضة للتشققات ومنها الكعب فممكن تستخدمي بعض المراهم العلاجية الغنية بالاستروجين بس لازم تستشيري الدكتور الخاص بيكي .

الوقوف لمدة طويلة :

وقوفك لساعات علي أرض صلبة ده بيسبب ضغط كبير علي الكعوب وبيضغط أكتر علي المنطقة دي عشان كده حاولي تتجنبي الوقوف لمدة طويلة فممكن تعملي تمارين بسيطة تساعدك في تقليل الضغط علي الكعب .

روتين الاستحمام :

فكرة الاستحمام لوقت طويل ده بيأذي بشرتك لأنه بيقلل نسبة الزيوت الطبيعية اللي بتكون في جسمك فده بيعرض بشرتك للجفاف والخشونة وبما فيهم الكعب ، عشان كده قللي وقت الاستحمام ، وامسحي رجلك بالفوطه المخصصه لها كويس ومتنسيش المرطب الخاص بمنطقة الرجل والكعب .

ازاي تعالجي تشققات كعب رجلك بطريقة بسيطة :

مطهر الليسترين هيساعد يخلصك من الجلد الميت اللي بيكون في الكعب هو مطهر بينضف البشرة وفي الوقت خفيف وآمن جدا، اخلطي كوب من الليسترين مع كوب من الخل 2 كوب من الماية وحطي رجلك فيهم لمدة ربع ساعة تقريبا وبعد كده افركي كعب رجلك بالحجر واشطفيها بماية دافية ونشفي كويس وحطي المرطب الخاص بيها وهتنبهري بالنتيجة.

اعرفي معانا كمان أكتر 7 أخطاء في روتين العناية البشرة الخاص بيكي بيتسببوا في ان المسام تبان اكبر