طرق عمل تونيك لمنع تساقط الشعر وزيادة نموه تقدري تحضريه في البيت بسهولة

ريهام محمود
ريهام محمود
في
شعر
5346

التلوث وعوامل الجو المختلفة مش بس بتسبب تساقط الشعر ولكن كمان هي سبب في الشعر الباهت والمجعد والهايش والجاف اللي بتكون اطرافة منقسمة ومقصفة وقشرة الراس, وعشان تحمي شعرك من التلف والتكسر, انتي محتاجة استخدام المقويات الطبيعية اللي بتعزز فروة الراس والشعر, عشان كده النهاردة هنقولك على طرق تونيك لمنع تساقط الشعر وزيادة نموه اللي هتقدري تحضريها بكل سهولة في البيت.

طرق تونيك لمنع تساقط الشعر:

1- تونيك الجنزبيل والبصل:

المكونات:

قطعة جنزبيل طازة.

بصلة.

طريقة التحضير والاستخدام:

1- ابشري البصل والجنزبيل.

2- اضغطي على البشر في طبق لحد ما تستخرجي العصير بتاعهم, وممكن تحطيهم في شاشة وتعصريهم.

3- خدي العصير ادهني بيه فروة الراس والشعر.

4- اعملي مساج للفروة لمدة من 5 – 10 دقايق.

5- وبعدين سيبيه على الشعر لمدة من 20 – 30 دقيقة.

6- بعدها اغسلي شعرك بالمية.

استخدمي التونيك ده مرة واحدة في الاسبوع.

تونيك لمنع تساقط الشعر 1
تونيك لمنع تساقط الشعر 1

2- تونيك خل التفاح وزيت جوز الهند:

المكونات:

2 معلقة كبيرة من خل التفاح.

4 – 5 معالق كبيرة من زيت جوز الهند.

طريقة التحضير والاستخدام:

1- في بولة صغيرة اخلطي خل التفاح مع زيت جوز الهند وقلبيهم مع بعض كويس.

2- حطي الخليط على الشعر وفروة الراس.

3- دلكيه على فروة الراس لمدة من 5 – 10 دقايق.

4- سيبيه على الشعر لمدة من 20 – 30 دقيقة.

5- بعدها اغسليه بمية فاترة والشامبو العادي اللي انتي بتستخدميه.

استخدمي التونيك ده مرة واحدة في الاسبوع لافضل الننتايج, ولو باقي كمية منه بعد الاستخدام تقدري تحفظيه في مكان بارد وجاف لاستخدامه مرة تانية.

تونيك لمنع تساقط الشعر 2
تونيك لمنع تساقط الشعر 2

3- تونيك زيت الزيتون والعسل:

المكونات:

2 معلقة كبيرة عسل.

 معالق صغيرة من زيت الزيتون.

طريقة التحضير والاستخدام:

1- في بولة صغيرة اخلطي العسل مع زيت الزيتون وقلبيهم مع بعض كويس.

2- حطي الخليط على فروة الراس والشعر.

3- دلكيه على الفروة لمدة من 5 – 10 دقايق.

4- بعدين سيبيه على فروة الراس من 15 – 20 دقيقة.

5- بعدها اغسلي الشعر بالمية الفاترة والشامبو.

استخدمي التونيك  مرة او مرتين في الاسبوع.

تونيك لمنع تساقط الشعر 3
تونيك لمنع تساقط الشعر 3

4- تونيك القهوة وزيت الزيتون:

المكونات:

2 معلقة صغيرة قهوة بودر.

4 معالق صغيرة من زيت الزيتون.

طريقة التحضير والاستخدام:

1- اخلطي زيت الزيتون مع القهوة, واضربيهم مع بعض في البلندر لحد ما يبقى الخليط ناعم.

2- حطي الخليط على فروة الراس والشعر.

3- دلكية على فروة الراس من 5 – 10 دقايق.

4- بعدين سيبيه على الشعر حوالي ساعة او ساعتين.

5- بعدها اغسلي الشعر بالميية الفاترة والشامبو.

استخدمي التونيك مرة او مرتين في الاسبوع.

تونيك لمنع تساقط الشعر 4

5- تونيك اللبن وزيت اللوز الحلو:

المكونات:

¾ كوباية لبن.

4 معالق صغيرة من زيت اللوز الحلو.

طريقة التحضير والاستخدام:

1- اخلطي اللبن مع زيت اللوز وقلبيهم مع بعض كويس.

2- حطي الخليط على فروة الراس والشعر.

3- دلكيه على فروة الراس من 5 – 10 دقايق.

4- بعدين سيبيه على الشعر من 3 – 4 ساعات.

5- بعدها اغسلي الشعر بالمية الفاترة والشامبو.

استخدمي التونيك مرة واحدة في الاسبوع لعلاج جفاف وبهتان الشعر.

تونيك لمنع تساقط الشعر 5

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

طريقة عمل شامبو البيض الطبيعي المغذي للشعر في البيت

طريقة عمل شامبو البيض الطبيعي المغذي للشعر في البيت

طريقة العناية بالشعر في الشتا وفترة الرياح الموسمية

طريقة العناية بالشعر في الشتا وفترة الرياح الموسمية