أكتر 7 أخطاء في روتين العناية البشرة الخاص بيكي بيتسببوا في ان المسام تبان اكبر

مهم جداً ان يكون عندك روتين عناية خاص للاهتمام ببشرتك، لكن مهم كمان انه يكون بدون أخطاء عشان يبقى مفيد مش مضر، خصوصا انه أخطاء روتين البشرة ممكن تتسببفي ان المسامفي وشك تكون أكبر او نها تتسد بشكل كامل، معروف ان اكتر العوامل اللي ممكن تسبب في انسداد المسام هي الأوساخ وخلايا الجلد الميتة فشكلك هيبان أكبر وبشرتك تبان مرهقة، الاسراف في العناية بالبشرة بيسبب أضرار كتير إحنا في غني عنها ، فيه عوامل كتير بتسبب ضرر البشرة وسد المسام وبهتان البشرة والجلد وده بيكون ضمن حياتنا والعوامل الخارجية في يومنا الطبيعي، في المقال ده هنقولك أكتر 7 أخطاء في روتين العناية البشرة الخاص بيكي بيتسببوا في ان المسام تبان اكبرعشان تعرفيم وتتجنبيهم 

أكتر 7 أخطاء في روتين العناية البشرة الخاص بيكي بيتسببوا في ان المسام تبان اكبر

1- محاولة التخلص من الرؤوس السوداء أو الحبوب بشكل مفرط :

محاولة إنك تنضفي وشك من البثور أو الرؤوس السوداء دي حاجه كويسه طالما بأمان ومن غير مايكون فيه أي عنف لأنك لما تحاولي تضغطي علي حبوب ده بيأثر علي البشرة وبينقل البكتيريا للطبقات الداخلية في بشرتك فده هيسبب أثر كبير علي مسامك ويسبب ندوب .

2- تقشير البشرة العنيف :

أفضل الطرق اللي بتساعد علي إزالة الجلد الميت والزيوت الزيادة اللي بتسد المسام هو تقشير بشرتك ، وده لازم يحصل من مرة لمرتين في الأسبوع مش أكتر من كده لأن الافراط في التقشير هيسبب جفاف لجلدك والمسام تتفتح فالتراب وأي عامل خارجي هيأثر علي بشرتك بشكل كبير .

3- ترك البشرة بدون ترطيب :

دايما متخليش بشرتك تتعرض للجفاف لأنه بيسبب تجاعيد وسنك هيبان أكبر والبثور أوسع، عشان كده ديما اشرب كمية كافية من المايه واستخدمي مرطب خاص بيكي يوميا.

4- استخدام منتجات بتسد المسام :

فيه بعض المنتجات بنستخدمها للعناية بالبشرة ممكن تتسبب في سد المسام، فلازم تاخدي بالك وانتي بتستخدميها لوشك لأنها ممكن تسيب بشرتك رطبة وناعمة بس هتسد مسام بشرتك وهتكون جواها اوساخ وبكتيريا وتسبب الحبوب والبثور ودي بتكون زي زبدة الكاكاو وزيت جوز الهند ، فالأفضل إنك تستخدميهم لجسمك فقط.

5- تجديد المكياج كل شوية: 

تجديد مكياجك مطلوب من وقت للتاني،ممكنتحتاجي تعملي كده مرة او مرتين بشكل خفيف جداً، لكن تجديد المكياج كل شوية هيتسببفي تراكم المكاج والاوساخ والزيوت الطبيعية اللي بتفرزها بشرتك في المسام، وده بالتالي هيخلي المسام دي تتسد وتبان أكبر وكمان هيتسبب في ظهور الرؤوس السوداء والحبوب.

6- الطعام المُضر:

الأكل اللي بيكون فيه نسبة عالية من السكر، منتجات الألبان، والمقليات من أكتر الحاجات اللي بتسبب ضرر كبير للبشرة ويسبب حب الشباب فبالتالي هيكون فيه ضعف بالغدد الدهنية وبصيلات الشعر، عشان كده ديما حافظي علي نظامك الغذائي لأنه هينعكس علي بشرتك .

7- عدم استخدام الصن بلوك :

تعرضك للشمس بشكل مبالغ فيه له أضرار كتير اوي لأنه بيسبب الجفاف في الجلد ويزيل من بشرتك الكولاجين والماية ، عشان كده الصن بلوك بيحميكي وبيستفيد من أشعة الشمس المفيدة لجسمك ويمنع تعرضك لأي أضرار تانية.

اعرفي معانا كمان ازاي تستخدمي التمر للحصول على بشرة نضرة وصحية وخالية من العيوب