ازاي تستخدمي عصير الطماطم لتلوين الشعر في البيت

ريهام محمود
ريهام محمود
في
شعر
1790

من وقت للتاني كلنا بنحب نجدد اللوك نجرب تسريحة جديدة او نغير لون شعرنا, ولكن المشكلة اللي بنبقى عاملين حسابها هي المواد الكيميائية اللي الشعر بيتعرض لها من الصبغة وبتسبب تلفه وبتضره, ولكن هل ده معناه اننا منغيرش لون شعرنا؟ اكيد لا في طرق طبيعية نقدر نستخدمها لتلوين الشعر وفي نفس الوقت متسببش اي ضرر, والطماطم واحدة من الحلول الطبيعية لتلوين الشعر من غير اي اثار جانبية, وعلى الرغم من انها ممكن تاخد وقت ولكن هي فعالة وتستحق التجربة, والنهاردة من خلال موضوعنا هنقولك طرق استخدام الطماطم لتلوين الشعر.

طرق استخدام الطماطم لتلوين الشعر:

1- وصفة الطماطم:

– هاتي الطماطم والكمية على حسب طول وكثافة شعرك, اضربيها كويس في البلندر.

– حطي عصير الطماطم على الشعر كله ولفيه بفوطة.

– سيبي الطماطم على الشعر طول الليل.

– تاني يوم اغسلي شعرك بشامبو خفيف وبلسم.

– الطريقة دي هتديكي اللون الاحمر, وممكن تحتاجي تكرريها اكتر من مرة لحد ما توصلي للون اللي انتي عايزاه.

طرق استخدام الطماطم لتلوين الشعر 1
طرق استخدام الطماطم لتلوين الشعر 1

2- وصفة الطماطم والعسل:

– هاتي ½ ثمرة طماطم وممكن تزودي حسب طول وكثافة شعرك اهرسيها كويس.

– ضيفي لها شوية عسل نحل, واضربيهم مع بعض في البلندر.

– حطي الخليط على الشعر وسيبيه لمدة 15 دقيقة.

– درجة اللون غامق او فاتح بيعتمد على المدة اللي هتسيبي فيها الخليط على الشعر.

– بعد الوقت المحدد اغسلي شعرك بشامبو خفيف وبلسم.

– الوصفة دي هتديكي لون احمر خفيف ما بين البني الغامق والاحمر.

طرق استخدام الطماطم لتلوين الشعر 2
طرق استخدام الطماطم لتلوين الشعر 2

3- وصفة الطماطم والبيض:

– هاتي ½ ثمرة طماطم وممكن تزودي حسب طول وكثافة الشعر, اهرسيها كويس.

– هاتي البيض كمان حسب كمية الطماطم, اكسريه وافصلي الصفار عن البياض.

– خدي بياض البيض بس وضيفيه للطماطم واضربيهم مع بعض كويس في البلندر.

– حطي الخليط على الشعر وسيبيه لمدة 30 دقيقة.

– درجة اللون بتعتمد على المدة اللي هتسيبي فيها الخليط على الشعر.

– اغسلي شعرك بشامبو خفيف وبلسم.

– الخليط ده هيديكي اللون المحمر.

طرق استخدام الطماطم لتلوين الشعر 3

4- وصفة الطماطم واوراق النيم:

– هاتي ½ ثمرة طماطم او كمية حسب طول وكثافة شعرك, اهرسيها كويس.

– جيبي كام ورقة من اوراق النيم “متوفر عند العطار” واهرسيهم كويس.

– وممكن كمان تنشفي اوراق النيم في الشمس لمدة يومين وبعدين تطحنيهم على شكل بودر.

– ضيفي اوراق النيم المهروسة او بودرة اوراق النيم للطماطم واضربيهم مع بعض في البلندر.

– حطي الخليط على الشعر لمدة 30 دقيقة.

– درجة اللون بتعتمد على المدة اللي هتسيبي فيها الخليط على الشعر.

– اغسلي شعرك بشامبو خفيف وبلسم.

– الوصفة دي هتديكي لون زعفران خفيف للشعر.

ودي كانت اكتر من طريقة لاستخدام الطماطم في تلوين الشعر اللي تقدري تكرريها وقت ما انتي عايزة من غير ما تضري شعرك, ياللا جربوهم وشاركونا تجاربكم.

طرق استخدام الطماطم لتلوين الشعر 4

فتحي شعرك بشكل طبيعي بالشاي..اعرفي معانا الطرق

تفتيح الشعر بالشاي
تفتيح الشعر بالشاي

مقالات متعلقه

5 طرق طبيعية لصبغ الشعر تقدري تعمليهم بنفسك في البيت

5 طرق طبيعية لصبغ الشعر تقدري تعمليهم بنفسك في البيت

نصايح مهمة لما تيجي تصبغي شعرك في البيت

نصايح مهمة لما تيجي تصبغي شعرك في البيت

اصبغي شعرك بطرق طبيعية تحافظ عليه من الضرر والتلف

اصبغي شعرك بطرق طبيعية تحافظ عليه من الضرر والتلف