4 فوايد ليه لعب الأولاد بره البيت هو أفضل نشاط ليهم وإزاي تستعدي له
كل مره بتشوفي أولادك بيلعبوا بره البيت وهدومهم بتتبهدل وبيتعرضوا للأوساخ أكتر بتكوني مضايقه وبتفكري تمنعيهم، لكن جه الوقت اللي تعيدي فيه التفكير، لأنه اللعب في الخارج بيخلي الأولاد يكتشفوا الطبيعة وده جزء مهم أوي في تطوير وتنمية الطفل بغض النظر عن الأوساخ اللي بيتعرض لها، وزيادة على كده هنقولك كمان 4 فوايد ليه لعب الأولاد بره البيت هو أفضل نشاط ليهم وإزاي تستعدي له
4 فوايد ليه لعب الأولاد بره البيت هو أفضل نشاط ليهم وإزاي تستعدي له
المحافظة علي أجسامهم:
الجري والتنطيط من الألعاب اللي بيلعبوها بره البيت زي عسكر وحراميه أو الاستغمايه هي تقريبا تعتبر تمارين جسدية طبيعية جدا بس بالنسبة لطفلك وده لأنها بتخلي عضم وعضلات جسمهم تكون أقوي وبتقلل فرص زيادة وزنهم.
بيحسوا بشجاعة أكتر:
الأطفال ديما بيكونوا عندهم ثقة أكبر لما يستكشفوا اللي حواليهم بدون تقييد وأوامر، تعليمهم للألعاب الجديده زي السباحة وركوب العجل وسباقات الجري ولعب الكورة بتساعدهم في زيادة ثقتهم في نفسهم، عشان كده ديما ساعدي طفلك إنه يلعب بكل حرية بس بأمان عشان يقدر يتعلم إزاي يواجه أي مخاطر ويطور مهاراته.
بيكونوا مُبدعين :
لعبهم بالألعاب والمكعبات وإنهم يبنوا مباني مثلاً، أو أي نشاط تاني بيعملوه بره البيت في الهواء الطلق ده بيساعد طفلك إنه يطور خياله بطرق كثير عن العاب الكمبيوتر والتكنولوجيا . لو كان بيلعب لوحده أو مع فريق، النشاطات دي بتوسع من الخيال وبكده يطوروا من نفسهم وحلهم لأي مشكله بابتكار وذكاء .
تطوير ودعم صحتهم :
لعب الأطفال بره البيت بيساعد ان أجسامهم تحصل علي فيتامين د من الشمس، وده مش بس بيطور طاقتهم، لكن كمان بيدعم ويطور من صحة الطفل عموماً.
طيب إزاي نخلي اللعب بره يكون سهل وممتع وفي الوقت آمن لأطفالك وليكي؟
1- اللبس اللي بيلعب بيه لازم يكون مريح والجزمة تكون متينه ورياضيه عشان يقدر يجري ويتحرك لمسافات .
2- لو طفلك صمم يلعب علي جهاز الآيباد حاولي تجذبيه إنه يلعب بره البيت بإنك تغريه باكتشاف نباتات أو حيوانات أو لعب لعبة هتحتاج لجري ومسافة كبيرة .
3- يكون فيه خيمه مناسبه للعب بره البيت مع أصحابهم .
اعرفي معانا كمان 5 اساليب تسيطري بيهم على نوبة الغضب والصراخ على اطفالك