ازاي تستخدمي التمر للحصول على بشرة نضرة وصحية وخالية من العيوب

ريهام محمود
ريهام محمود
في
بشرة
1775

كلنا عارفين ان التمر ليه فوايد صحية كتير جدا ده غير طعمه اللذيذ طبعا, طيب لو قولنالك بقى ان التمر لو استخدمتيه كماسك او منظف عنده القدرة انه ينضف البشرة ويجددها ويصلح بشرتك تماما من اي عيوب وشوائب, التمر مغذي ومفيد جدا للبشرة والشعر, مجرد شرب بس كوباية من عصير التمر هيغذي بشرتك ويضيف لها توهج ونضارة, والنهاردة من خلال موضوعنا هنقولك طرق استخدام التمر للبشرة وازاي تدخليه في الوصفات الطبيعية.

فوايد التمر للبشرة:

– التمر غني بالالياف.

– بيحتوي على خصائص مضادة للجراثيم والفطريات.

– غني بالمواد المضادة للاكسدة.

– بيساعد على تحسين مرونة الجلد.

– بيساعد انه يخلي بشرتك تبان اصغر.

– فعال جدا في علاج الجلد الجاف والتالف.

– بيحتوي على خصائص مضادة للشيخوخة.

فوايد التمر للبشرة
فوايد التمر للبشرة

طرق استخدام التمر للبشرة:

1- وصفة التمر واللبن:

المكونات:

½ كوباية لبن كامل الدسم.

2 – 3 تمرات.

½ كوباية دقيق سميد “سيمولينا”.

طريقة التحضير والاستخدام:

– سخني اللبن, وبعدين ضيفي له التمر بعد غسله كويس واخراج النواه بتاعته.

– سيبيه يبرد وبعدين اهرسي التمر كويس بالمعلقة او ممكن تضربيه في الخلاط.

– ضيفي دقيق السميد بالتدريج لحد ما تتكون عندك عجينة سميكة.

– خدي من العجينة دلكيها على بشرتك في حركات دائرية لمدة 5 دقايق, وبعدين سيبيها لحد ما تنشف.

– اغسلي بشرتك بالمية.

التمر غني بالعناصر المغذية والفعالة جدا اللي بتساعد على علاج البشرة التالفة, وكمان بيساعد على الحصول على بشرة نضرة وخالية من اي عيوب.

طرق استخدام التمر للبشرة 1
طرق استخدام التمر للبشرة 1

2- وصفة التمر والعسل:

المكونات:

3 – 4 تمرات.

2 معلقة صغيرة عسل.

طريقة التحضير والاستخدام:

– اغسلي التمر كويس وطلعي منه النواه بتاعته, واهرسيه ناعم بالمعلقة.

– ضيفي العسل للتمر وقلبيهم مع بعض كويس.

– ضيفي الخليط على بشرتك وسيبيه من 20 – 30 دقيقة.

– اغسلي بشرتك بالمية.

التمر بيحتوي على فيتامين B, C, اللي بتساعد على تحسين مرونة الجلد وبيقلل من التجاعيد ويعتبر عامل مضاد للشيخوخة وبيرجع للبشرة نضارتها, ومن ناحية تانية العسل بيحتوي على خصائص مطهرة للبشرة بشكل طبيعي.

طرق استخدام التمر للبشرة 2
طرق استخدام التمر للبشرة 2

3- وصفة التمر والليمون:

المكونات:

5 – 6 تمرات.

لبن.

1 معلقة كبيرة كريمة او زبادي.

1 معلقة صغيرة عصير ليمون.

طريقة التحضير والاستخدام:

– اغسلي التمر وطلعي منه النواه, وانقعيه في شوية لبن طول الليل.

– تاني يوم ضيفي للتمر الكريمة او الزبادي واضربيهم مع بعض في الخلاط لحد ما يتكون عندك معجون.

– ضيفي للمعجون ده عصير الليمون واخلطيه كويس.

– حطي الخليط على البشرة والرقبة ودلكية لمدة 20 دقيقة.

– بعدها اغسلي بشرتك بمية دافية.

التمر ممتاز جدا لعلاج البشرة الجافة, والخليط ده بيساعد على ترطيب البشرة, وعصير الليمون بيساعد على تطهير وتقشير البشرة.

طرق استخدام التمر للبشرة 3

4- وصفة التمر والبرتقان:

المكونات:

7 – 8 تمرات.

½ ثمرة برتقان.

طريقة التحضير والاستخدام:

– طلعي النواه من التمر, ضيفي لها ½ ثمرة البرتقان بالقشر بتاعها واضربيهم مع بعض في الخلاط لحد ما تتكون عجينة سميكة.

– دلكي بشرتك بالخليط في حركات دائرية خفيفة لمدة من 5 – 10 دقايق, وبعدها اغسليه بالمية.

الماسك ده بيساعد على تنعيم البشرة جدا, وبيفتحها وبيزيل كل الجلد الجاف وخلايا الجلد الميتة من الوش.

طرق استخدام التمر للبشرة 4

مقالات متعلقه

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

فتحي بشرتك باستخدام القهوة سريعة التحضير

فتحي بشرتك باستخدام القهوة سريعة التحضير