7 علامات للعلاقات القوية لو موجودة في علاقتكم يبقوا انتوا بتعيشوا علاقة من حديد
العلاقات الزوجية عشان تنجح لازم يكون فيها علامات للعلاقات القوية وعوامل مهمه جدا تحافظوا عليها زي التواصل والاحترام والثقة، وتعتبر الثقه من اصعب العوامل بس عشان تنجح في علاقتك لازم يكون عندك الأمل والإيمان بيكم حتي لو كان في بينكوا مشاكل حصلت، لازم تتعلموا من أخطائكم وتحاولوا تتجنبوها في المستقبل، وارتباطكم وايمانكم ببعض بس هو اللي هيخليكوا تكملوا رغم أي مشاكل، في المقال ده هنقولك 7 علامات لو موجودة في علاقتكم يبقوا انتوا بتعيشوا علاقة قوية، اعرفيهم معانا..
7 علامات للعلاقات القوية لو موجودة في علاقتكم يبقوا انتوا بتعيشوا علاقة من حديد
1- مابتتكسفوش تكونوا على طبيعتكم
أهم حاجه في العلاقة الطبيعيه انك تكون مش حاسس بخجل أو خايف انك تكون مش علي طبيعتك وإنك مش إنسان آلي وأيا كان اللي بتعمله عارف أن الطرف التاني عارفك كويس ومبسوط بكده.
2- بتشاركوا بعض تفاصيل يومكم
بعد يوم طويل في الشغل او خروجه طويله مع الاصدقاء، بتحتاج حد تحكيله الجديد اللي حصل وأي معلومة اكتسبتها في يومك ، لأن مشاركة التفاصيل بتساعد علي تطوير الثقة اللي بينكم وتحس إنك بتحكي ده لصديقك المقرب وده طبعا بيخليك تكون ديما مهتم بكل حاجه بتحصل ف حياة شريك حياتك .
3- بتتكلموا مع بعض عن آلام الماضي
معظم علماء النفس قالوا ان لو عندك مشكله مع اهلك او اي مشكلة من الماضي بتحتاج تشارك الأفكار دي مع شخص واثق فيه كفايه حتي لو كنت بتحكي عن تجارب ليك فاتت من الماضي ده بيعزز الثقه بينكوا أكتر بس خلي بالك من إنك تجرح مشاعر أي شخص تاني .
4- مابتتحكموش في بعض
الثاني بإنك ديما تسأله “انت فين” تبعتله مسج كل فتره ” ، وده يدل بشكل كبير علي عدم وجود ثقة كفايه بينكم، فالأفضل أن يكون فيه مساحة من الحرية ومفيش أي سيطرة من أي نوع ولو في حد بينكم بيعمل كده هتحتاج إنك تصلح ده بس ممكن يعرضك للمخاطرة العاطفية.
5- أكونتاتكم مفتوحة
شبكات التواصل الاجتماعي تعتبر دلوقتي أكبر الأسباب اللي ممكن تُثير الغيرة حتي لو كان الانفصال، بمعني أن لو الطرف التاني طلب الموبايل الخاص بيك، وشاف الواتس اب وده كان عادي بالنسبة لك فأنت كده وصلت لدرجة عالية من الثقه بينكم .
6- مشاركة الأحزان قبل الأفراح
كلنا بيجي وقت وحاجات كتير بتكون مش مظبوطه وبنحتاج شخص يسمع لنا وده بيكون فيه قدر كبير من الثقة بينكم ، متبقاش خايف من إنك تحكي مخاوفك للشخص ده حتي لو شعرت لوقت قصير بالإهانة ، مش هيحصل أي انفصال بينكم حتي لو كان ده الحل الوحيد .
7- الاعتراف بالخطأ ومشاركة المسئولية
آخر علامة معانا من علامات للعلاقات القوية هي مشاركة المسئولية،وانكم تفهموا انها مش بس في الأعمال المنزلية ولكن برده بتكون في العاطفيه ومشاركة المشاكل حتي لو هتعترف بأنك مُخطىء فده بيدل علي علاقة صحية وناجحة .
