ستايلات Plus size كاجوال ومريحة لموسم الشتا

بقلمريهام محمود فيموضة وأزياء visibility336

البنات اللي جسمهم مليان او كيرفي غالبا بيحتاروا شوية في اختيار اللبس اللي ممكن يليق على جسمهم وفي نفس الوقت يبقى شكله شيك وحلو, والنهاردة من خلال موضوعنا هنساعدكم في المهمة دي وهنشوف مع بعض مجموعة ستايلات Plus size للشتا كاجوال ومريحة.

نصايح لاختيار ستايلات الجسم المليان:

اول قطعة لازم تفكر فيها صاحبة الجسم المليان هو الجاكيت القصير, اللي بيكون فوق منطقة الوركين, لان الستايل ده هيبين جسمك بشكل انحف واطول, وهيكون مناسب جدا لو اختارتي جاكيت مع كتافات اولا انها هتضيف شكل حلو للجاكيت وتاني حاجة انها هتعمل توازن في المظهر العام كله.

الجاكيت الطويل اللي بخطوط او قصة مستقيمة من الجناب مناسبة للجسم المليان الغير متناسق, ويناسبهم كمان الجاكيت الطويل مع لياقة حادة او مدببة وميكونش ضيق اوي من عند منطقة الوسط, او الجسم الكيرفي المتناسق هيناسبة الجاكيت القصير مع قصة او خطوط مستديرة, ولياقة منحنية او واخدة كيرف شوية ويكون والوسط يكون على قد الجسم بالظبط.

لما تيجي تختاري الجاكيت اختاري القصة اللي تداري ديفوهات الجسم مش تظهرها اكتر, يعني مثلا البنات اللي عندهم منطقة الصدر كبيرة اتجنبي ستايلات الجاكيت اللي ليها جيوب على منطقة الصدر, الجواكت القصيرة اللي من غير تفاصيل هي انسب ستايل للجسم المليان.

بالنسبة للجسم المليان اللي بيكون فيه المنطقة اللي تحت من الجسم مليانة واللي فوق انحف, الجاكيت اللي تحت منطقة الوركين هيكون هو الستايل الانسب, وابعدي عن الجواكيت اللي بتنتهي عند منطقة الوركين لانها هتلفت الانتباه للمنطقة دي اكتر وانتي عايزة تداريها مش تزودي عليها التركيز.

لما تيجي تختاري طول الجاكيت, هحطي في اعتبارك ان نهاية الجاكيت متكونش عند اعرض او اكبر جزء في جسمك, في الحالة دي اختاري جاكيت يكون اطول او اقصر من اكتر جزء مليان في الجسم, لما تختاري الجاكيت الطويل اتأكدي انك تختاري بنطلون او جيبة ضيقة, الجاكيت او الجيبة لازم يكون طولهم حوالي 2/3 طول المظهر العام كله, البسي الجاكيت الطويل على جيبة قصيرة عند الركبة, والجاكيت القصير على جيبة طويلة هيطلع شكل اللوك احلى واشيك ومتناسق اكتر.

السكارف يعتبر اضافة حلوة جدا للوك, استخدمي السكارف الطويل ولفيه حوالين الرقبة, السكارفات بتجذب الانتباه للوش اكتر, وبتعمل اضافة حلوة للوك.

بالصور مجموعة ستايلات Plus size للشتا:

طرق تنسيق البالطو الطويل في الشتا..وستايلات بالصور تستوحي منها افكار

تنسيق البالطو الطويل في الشتا