فوايد زيت الذرة للبشرة والشعر..وازاي تدخليه في الوصفات الطبيعية

ريهام محمود
ريهام محمود
في
بشرة
2676

زيت الذرة هو جزء من عائلة سيراميد, واللي يعتبر عنصر مفيد جدا للبشرة والشعر, وزيت الذرة بيحتوي على نسبة 59% من السيراميد, والنهاردة من خلال موضوعنا هنتعرف على فوايد زيت الذرة للبشرة والشعر, وازاي نستخدمه في الوصفات الطبيعية.

فوايد زيت الذرة للبشرة والشعر:

زيت الذرة غني بالاحماض الدهنية الغير مشبعة اوميجا 6 الاحماض الدهنية الاساسية اللينولية, والاحماض الدهنية اوميجا 9 الدهنية, والاحماض الدهنية اوميجا 3 الفا لينولينيك المفيدة جدا للبشرة والشعر.

وزيت الذرة بيحتوي كمان على فيتامين K, E, وغني بالفيتوسيترول, المفيد للشعر.

فوايد زيت الذرة للشعر:

1- زيت الذرة بيحبس الرطوبة في الشعر وبيمنع الجفاف والنهايات الجافة والمقصفة.

2- وجود فيتامين K في زيت الذرة بيمنع تساقط الشعر.

3- فيتامين E بيساعد على تحسين الدورة الدموية ومحاربة الجذور الحرة.

4- زيت الذرة بيساعد على تغذية فروة الراس, وده بيساعد على زيادة نمو الشعر بشكل صحي.

5- بيساعد على تنعيم  الشعر الخشن والجاف.

6- بيساعد على التخلص من قشرة الشعر.

7- بيساعد على فرد الشعر المجعد الخشن.

8- زيت الذرة بيساعد على تطويل الشعر.

9- بيتميز انه مناسب لاستخدامه قبل السيشوار و المكوى كعامل حماية للشعر من الحرارة.

والافضل استخدام نوع زيت الذرة الغير مكرر لو متوفر لانه هيكون افيد للشعر.

فوايد زيت الذرة للبشرة والشعر 1
فوايد زيت الذرة للبشرة والشعر 1

وصفات طبيعية للشعر بزيت الذرة:

– شامبو زيت الذرة:

امزجي من 1 – 2 معلقة كبيرة من زيت الذرة مع كمية الشامبو اللي هتستخدميها لغسل شعرك.

حطي خليط الشامبو وزيت الذرة على الشعر كله, سيبيه لمدة 5 دقايق وبعدين اغسليه.

حطي زيت الذرة مع الشامبو وقت الاستخدام بس مع كمية الشامبو اللي هتغسلي بيها شعرك, لكن متخلطيهوش مع ازازة الشامبو كلها.

ممكن كمان تخلطي زيت الذرة مع البلسم بدل الشامبو.

– تدليك فروة الراس بزيت الذرة:

سخني من 6 – 7 معالق كبيرة من زيت الذرة, حطي الزيت على الشعر وفروة الراس, ودلكيه كويس, قبل النوم.

غطي شعرك بكيس بلاستيك واربطيه بسكارف وسيبيه طول الليل.

اغسليه الصبح بشامبو خفيف وبلسم بالطريقة العادية.

– وصفة زيت الذرة والسمسم:

انقعي فنجان صغير من السمسم في ¼ كوباية من زيت الذرة لمدة ساعتين.

هاتي ورقة صبار استخرجي منها الجل خدي حوالي ¼ فنجان واخلطيه مع زيت الذرة والسمسم واضربيهم مع بعض في الخلاط.

دلكي فروة الراس بالخليط ووزعيه على الشعر كله, غطي الشعر بكيس بلاستيك وسيبيه من 2 – 3  ساعات, وبعدين اغسليه بشامبو خفيف.

الوصفة دي بتساعد على فرد الشعر المجعد.

– وصفة الزيوت الطبيعية:

اخلطي فنجان صغير من زيت السمسم مع فنجان صغير من زيت الخروع, فنجان صغير من زيت الذرة, فنجان صغير من زيت جوز الهند, كوباية عصير جرجير, 4 معالق كبيرة مايونيز, صفار بيضة, 4 معالق كبيرة زبدة.

حطي المكونات كلها مع بعض في الخلاط واضربيهم كويس.

حطي الخليط على الشعر كله, وسيبيه لمدة ساعتين, بعدها اغسليه بشامبو خفيف بالطريقة العادية.

فوايد زيت الذرة للبشرة والشعر 2
فوايد زيت الذرة للبشرة والشعر 2

فوايد زيت الذرة للبشرة:

1- بيساعد على الوقاية من العدوى الجلدية.

2- التقليل من تهيج الجلد.

3- بيساعد على علاج التصبغات الجلدية.

4- التقليل من اعراض الاكزيما والصدفية.

5- غني بمضادات الاكسدة اللي بتساعد على التخلص من التجاعيد والبقع الغامقة المرتبطة بالعمر.

6- بيساعد على ترطيب وتنعيم الجلد.

7- بيساعد على تفتيح ونضارة البشرة.

8- بيقضي على شوائب البشرة اللي بتتسبب في تلف الجلد, وبيقضي كمان على الرؤوس السودا.

9- بيزود البشرة بالفيتامينات والمعادن اللي محتاجاها في اصلاح الخلايا التالفة.

فوايد زيت الذرة للبشرة والشعر 3
فوايد زيت الذرة للبشرة والشعر 3

وصفات طبيعية للبشرة من زيت الذرة:

– وصفة زيت الذرة ودقيق الذرة:

في بولة صغيرة حطي معلقة من دقيق الذرة وضيفي لها زيت الذرة بالتدريج لحد ما تتكون عندك عجينة قوامها معقول.

حطي الخليط على البشرة وسيبيه حوالي 30 دقيقة لحد ما ينشف, وبعدين اغسليه بالمية.

الوصفة دي بتساعد على التقليل من ظهور الرؤوس السودا, وتنعيم البشرة.

– وصفة زيت الذرة لتفتيح البشرة والجسم:

بعد الشاور خدي كمية بسيطة من زيت الذرة وادهني بيها الجسم, ويوميا بعد تنضيف الوش من المكياج قبل النوم ادهنيه بزيت الذرة, هيساعد على تفتيح البشرة وتنعيمها وعلاج جفاف الجلد والحفاظ على نضارة البشرة.

فوايد زيت الذرة للبشرة والشعر 4 1

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب