ازاي تستخدمي مية البصل للتخلص من علامات الشيخوخة

ريهام محمود
ريهام محمود
في
بشرة
1682

البصل بيحتوي على مركبات الكبريت اللي تعتبر مطهر بيساعد على التخلص من علامات الشيخوخة اللي بتحصل مش بس بسبب التقدم في العمر, ولكن كمان بسبب التعرض لاشعة الشمس وعوامل الجو المختلفة اللي بتأثر على البشرة وبتسبب ظهور التجاعيد والخطوط الرفيعة والبقع, والنهاردة من خلال موضوعنا هنقولك طرق استخدام مية البصل للتخلص من علامات الشيخوخة.

مية البصل للتخلص من علامات الشيخوخة:

البصل يعتبر مزيج من المواد الغذائية ومضادات الاكسدة, وكمان غني بفيتامين A, C, E, اللي كلها بتساعد على حماية البشرة من اشعة الشمس فوق البنفسجية اللي بتضر الجلد, ودلوقتي هنعرف بعض الطرق للتخلص من علامات الشيخوخة من خلال عصير البصل اللي هيعيد للبشرة شبابها وتوهجها.

1- وصفة عصير البصل والعسل:

المكونات:

2 معلقة كبيرة عسل.

2 معلقة كبيرة عصير بصل.

طريقة التحضير والاستخدام:

1- في بولة صغيرة اخلطي عصير البصل مع العسل.

2- حطي الخليط على البشرة وسيبيه لمدة 15 دقيقة.

3- بعدها اغسليه بشرتك بالمية.

4- كرري الوصفة دي من 1 – 2 يوميا.

مية البصل للتخلص من علامات الشيخوخة 1
مية البصل للتخلص من علامات الشيخوخة 1

2- عصير البصل وخل التفاح والعسل:

المكونات:

½ معلقة صغيرة من خل التفاح.

2 – 3 معلقة صغيرة عسل.

1 معلقة صغيرة عصير بصل.

طريقة التحضير والاستخدام:

1- اخلطي خل التفاح مع العسل وضيفي لهم عصير البصل.

2- قلبي المكونات لحد ما يمتزحوا مع بعض كويس, وبعطين حطي الخليط على البشرة لمدة 15 دقيقة.

3- اغسلي بشرتك ونشفيها وحطي مرطب.

4- استخدمي الخليط ده بشكل منتظم لمدة 6 اسابيع لافضل النتايج.

5- والوصفة دي بتساعد على ازالة البقع الغامقة كمان, ولو البقع مراحتش خلال فترة ال 6 اسابيع كرريه تاني لحد ما البقع تختفي.

مية البصل للتخلص من علامات الشيخوخة 2
مية البصل للتخلص من علامات الشيخوخة 2

3- وصفة عصير البصل والزبادي:

المكونات:

1 معلقة كبيرة عصير بصل.

1 معلقة كبيرة زبادي.

2 – 3 نقط من اي زيت عطري.

طريقة التحضير والاستخدام:

1- اخلطي عصير البصل مع الزبادي وضيفي لهم الزيت العطري وقلبيهم مع بعض كويس.

2- حطي الخليط على الوش والرقبة ودلكيه بخفة في حركات دائرية لمدة دقايق.

3- امسحي الخليط من على الوش بفوطة نضيفة, وبعدين اغسليه بالمية ونشفيه ورطبيه.

4- كرري الوصفة دي من مرتين لتلات مرات في الاسبوع لافضل النتايج.

مية البصل للتخلص من علامات الشيخوخة 3
مية البصل للتخلص من علامات الشيخوخة 3

4- وصفة عصير البصل وعصير الطماطم:

المكونات:

2 معلقة كبيرة عصير بصل.

2 معلقة كبيرة عصير طماطم.

1 معلقة صغيرة من زيت النيم “متوفر عند العطار”.

طريقة التحضير والاستخدام:

1- في بولة صغيرة اخلطي كل المكونات مع بعض وقلبيهم كويس مع بعض.

2- وبقطعة قطن ادهني وشك بالخليط.

3- سيبي الخليط على البشرة من 15 – 20 دقيقة, وبعدين اغسليه بالمية.

4- كرري الوصفة مرتين في الاسبوع لافضل النتايج.

مية البصل للتخلص من علامات الشيخوخة 4

5- وصفة عصير البصل ودقيق الحمص:

المكونات:

2 معلقة كبيرة عصير بصل.

1 معلقة صغيرة من دقيق الحمص.

2 معلقة كبيرة لبن.

5 نقط من اي نوع زيت عطري.

طريقة التحضير والاستخدام:

1- في بولة صغيرة اخلطي كل المكونات مع بعض كويس.

2- حطي الخليط على الوش وسيبيه من 15 – 20 دقيقة لحد ما ينشف.

3- هاتي قطعة قطن واغمسيها في اللبن وامسحي بيها الماسك من على وشك فر حركات دائرية.

4- كرري الوصفة يوميا هيساعد كمان على تفتيح البشرة بشكل فعال جدا.

مية البصل للتخلص من علامات الشيخوخة 5

مقالات متعلقه

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

فتحي بشرتك باستخدام القهوة سريعة التحضير

فتحي بشرتك باستخدام القهوة سريعة التحضير