5 قصات شعر موضة في 2020 اعرفيهم معانا

ريهام محمود
ريهام محمود
في
شعر
3036

لو عايزة تجددي قصة شعرك وتعملي لوك جديد, ولسه محتارة في اختيار القصة, النهاردة من خلال موضوعنا هنقولك اكتر 5 قصات شعر موضة في 2020, تختاري منهم اللي تحبيه اكتر ويناسبك.

قصات شعر موضة في 2020:

1- للوك من غير مجهود: The Modern Shag:

القصة دي من القصات التريندي جدا في 2020, وهي قريبة اوي من ستايل السبعينات ولكن مع لمسة عصرية جريئة, بتعتمد على طول الشعر لحد الكتف, وطبقات كتير, مع قوصة’ تعتبر قصة سهلة من غير مجهود وانيقة في نفس الوقت, والميزة فيها انها ممكن تناسب اي شكل وش, واي طول او اي نوعية شعر.

قصات شعر موضة 1
قصات شعر موضة 1

2- لحد ادنى من التجديد: A Blunt Cut:

القصة دي كانت موضة في 2019 ومكملة معانا في 2020, القصة بسيطة جدا وبتخليكي تقدري تتحكمي في الشعر, ومش بتبقى محتاجة عناية او مجهود او تجديد باستمرار عشان كده مناسبة للبنات اللي بتكسل شوية انها تجدد القصة بشكل مستمر كل فترة.

3- للوك طبيعي: Rounded Fro:

القصة دي من القصات التريندي والمناسبة اوي للشعر المجعد, لانها بتحافظ على تجعيدة الشعر وشكله, ولما تعمليها شوفي شكل وشك عشان تختاري فرق الشعر الانسب لشكل وشك, تقدري تجربي كذا طريقة وتشوفي اكتر طريقة حباها على وشك ايه وتعتمدي عليها, سواء من النص او من الجنب, او تعمليها مع قوصة بتساعد على تحديد شكل الوش اكتر.

4- للوك سريع: اعملي قوصة:

لو مش عايزة تقصي شعرك وفي نفس الوقت عايزة تغيري في اللوك, اسرع حاجة هي انك تعملي قوصة, ولكن اهم حاجة تختاري القوصة المناسبة لشكل وشك عشان تحدده وتظهره اكتر, على سبيل المثال لو انتي وشك طويل هيليق عليكي القوصة الكثيفة الكبيرة هتديكي لوك حلو جدا, اما لو انتي صاحبة وش على شكل القلب هيناسبك جدا القوصة المقسومة لانها هتلفت النظر لعضم الخد وهتظهر شكل وشك اكتر.

شوفي من هنا ازاي تختاري القوصة المناسبة لشكل وشك.

5- لستايل سريع: Pixie Cut:

دي تعتبر القصة الاكتر جراءة بين كل قصات الشعر ولكن كمان بتدي لوك حلو ومختلف, وتقدري تعملي قصة بيسكي مع طول شوية او قصيرة اوي حسب اختيارك, وده الحلو في القصة انك تقدري تلعبي مع الابعاد بتاعتها عشان تبرزي ملامح وشك اكتر, واختيار الطول هيعتمد كمان على نوعية شعرك, والميزة في القصة دي انها هتسهل وتسرع عليكي عملية غسل الشعر, يعني تقدري تغسلي شعرك بسرعة وتخرجي بيه على طول.

ولو لسه خايفة او مترددة انك تجربي القصة دي, ممكن تجربي تقصريه على مراحل خلال اكتر من شهر, بالطريقة دي هتبدأي انك تتأقلمي مع الشعر القصير بالتدريج.

ازاي تختاري تسريحة الشعر المناسبة علي حسب شكل وشك

تسريحة الشعر حسب شكل الوش
تسريحة الشعر حسب شكل الوش

مقالات متعلقه

قصات الشعر التريندي لموسم شتاء 2024

قصات الشعر التريندي لموسم شتاء 2024

12 موضة جمالية تريندي هتبقي عايزة تجربيهم اكيد في 2020

12 موضة جمالية تريندي هتبقي عايزة تجربيهم اكيد في 2020

10 ستايلات شعر تريندي لخريف وشتا 2018

10 ستايلات شعر تريندي لخريف وشتا 2018