طريقة عمل سيروم ليلي لتفتيح البشرة بمكونات طبيعية

بقلمريهام محمود فيبشرة visibility1385

سيروم البشرة من الحاجات المهمة جدا اللي ضروري تدخليها في الروتين اليومي للعناية ببشرتك, والنهاردة من خلال المقال بتاعنا هنقولك طريقة سيروم ليلي لتفتيح البشرة وتنعيمها بمكونات طبيعية بسيطة ومش مكلفة.

سيروم ليلي لتفتيح البشرة:

افضل وقت لوضع السيروم هو بالليل قبل النوم, لان الوقت ده بتكون مسام الجلد مفتوحة وبتمتص اي حاجة بتتحط عليها بسهولة, وبكده هيكون تأثيرة فعال اكتر على البشرة, وهتصحي الصبح بشرتك نضرة وناعمة وشكلها صحي.

الطريقة الاولى للسيروم:

المكونات:

– 2 معلقة كبيرة مية ورد.

– 1 معلقة صغيرة من زيت اللوز الحلو.

– 1 معلقة كبيرة جليسرين:

– 2 معلقة كبيرة من جل الالوفيرا.

– 3 كبسولات زيت فيتامين E.

– 4 – 5 نقط من زيت الارجان.

طريقة التحضير والاستخدام:

1- هاتي ازازة سبراي, حطي فيها كل المكونات مع بعض.

2- بعد ما تحطي كل المكونات رجي الازازة كويس, عشان تمزجيها كويس مع بعض.

3- قبل ما تحطي السيروم اغسلي وشك بالغسول ومية باردة, ونشفيها كويس.

4- رشي السيروم على الوش كله.

5- دلكي السيروم على البشرة بحركات دائرية خفيفة, لمدة من 2 – 3 دقايق.

6- سيبي السيروم على البشرة طول الليل.

7- تاني يوم الصبح اغسلي السيروم بمية باردة.

حطي السيروم يوميا قبل النوم.

سيروم ليلي لتفتيح البشرة
سيروم ليلي لتفتيح البشرة

سيروم فيتامين C:

المكونات:

– 2 معلقة صغيرة فيتامين C بودر “ممكن تجيبوا اقراص الفيتامين سي من الصيدلية وتطحنوها لحد ما تبقى بودر”.

– 2 معلقة صغيرة مية مفلترة.

– 4 معالق كبيرة جل الالوفيرا.

– 2 – 3 كبسولات زيت فيتامين E.

طريقة التحضير والاستخدام:

1- هاتي بولة صغيرة حطي فيها الفيتامين C البودر وضيفي له المية المفلترة.

2- قلبيهم مع بعض لحد ما بودرة الفيتامين C تدوب في المية خالص.

3- حطي الخليط في ازازة سبراي.

4- وضيفي له جل الالوفيرا, وزيت فيتامين E.

5- رجي الازازة لحد ما المكونات تندمج مع بعض كويس.

6- رشي السيروم على الوش كله.

7- دلكي السيروم على البشرة بحركات دائرية خفيفة من 2 – 3 دقايق.

8- سيبي السيروم على البشرة طول الليل.

9- تاني يوم الصبح اغسلي البشرة بمية باردة.

حطي السيروم يوميا قبل النوم.

نصيحة: احفظي السيروم في مكان بارد وجاف.

طرق عمل سيروم بمكونات طبيعية لكل انواع البشرة

طرق عمل سيروم البشرة