5 حيل هتساعد لون شعرك يدوم فترة اطول

ريهام محمود
ريهام محمود
في
شعر
1444

عشان تحافظي على لون شعرك بعد الصبغة ده مش سهل مع العوامل الكتير اللي ممكن تأثر عليه من اول استخدام انواع شامبو قاسية على الشعر, واضرار الحرارة سواء سيشوار او مكوى, وتغيرات درجات الحرارة, والمواد الكيميائية اللي في المية, كل ده بيأثر على اللون وبيخليه يروح ويبهت بسرعة, وعشان نساعدك تنقذي لون شعرك, هنقولك النهاردة من خلال السطور الجاية 5 حيل هتحافظ على لون شعرك وهتخليه يدوم فترة اطول.

حيل هتحافظ على لون شعرك:

1- اختاري متخصص كويس:

اول سر عشان اللون يدوم فترة طويلة, هو اختيار متخصص كويس يعملك الصبغة ويكون فاهم وعارف هو بيعمل ايه كويس, لان هو هيقدر يحدد ايه العوامل اللي ممكن يكون ليها تأثير سلبي على لون شعرك, هيقدر يحدد مدى صحة شعرك وايه المناسب ليه واللي هيسبب له اقل ضرر ممكن, هياخد في الاعتبار كمان تاريخ شعرك مثلا عملتي له صبغة قبل كده ولا لا, روتينك اليومي في العناية بشعرك وميزانيتك, الحاجات دي كلها هتأثر على دوام اللون او بهتانه.

حيل هتحافظ على لون شعرك 1
حيل هتحافظ على لون شعرك 1

2- تقليل الضرر:

في نوعين من الاضرار الشعر ممكن يتعرض لها, اول حاجة الاضرار الكيميائية, وتاني حاجة الاضرار الميكانيكية “ودي اللي بتيجي نتيجة استخدام الادوات السخنة زي السيشوار والمكوى”, متخصص الشعر في الصالون هيكون عليه تجنب الاضرار الكيميائية باستخدام الصبغة المناسبة اللي ليها اقل الاضرار, ولكن تجنب الاضرار الكيميائية هتبقى مسؤوليتها عليكي انتي, عشان كده ضروري انك تستخدمي حامي من الحرارة قبل استخدام السيشوار او المكوى.

والشعر كل ما كان صحي اكتر اللون هيكون افضل وهيدوم فترة اطول, والموضوع كله معتمد انك تختاري حل وسط ومتوازن, لان في بنات كتير متقدرش تستغني عن استخدام الحرارة بشكل يومي تقريبا, فبننصحك انك تعتمدي على منتجات مناسبة تحافظ على اللون وفي نفس الوقت تساعد على تنعيم وترطيب الشعر وتحميه من الرطوبة, وتكون خالية من المواد المضرة زي الصوديوم والكبريتات.

حيل هتحافظ على لون شعرك 2
حيل هتحافظ على لون شعرك 2

3- اغسلي شعرك وانتي حاطه اللون في الاعتبار:

لما تغسلي شعرك بشكل متكرر, لازم تعرفي التقنية او الطريقة الصح لغسله, لان في اساليب ممكن انها تعمل فرق كبير جدا اكتر ما تتخيلي, لو انتي شعرك كثيف ومجعد ممكن تغسليه بالشامبو من 2 – 4 مرات في الاسبوع, وتركزي الرغوة والتنضيف على فروة الراس, لان الشامبو على نهاية الشعر ممكن يسبب ان اللون يبهت ويروح بشكل اسرع, باقي الشعر هيتم تنضيفه لما الشامبو اللي انتي حطتيه على الجذور ينزل عليه اثناء الشطف ودي تعتبر اصح وافضل طريقة لغسل الشعر.

طريقة كمان ليها تأثير رائع على الشعر وهي استخدام المية المفلترة في غسل الشعر, لانها بتساعد على توازن الرقم الهيدروجيني وازالة المواد الكيميائية القاسية اللي بتسبب تجريد الشعر من اللون, وفي انواع فلتر بتتركب في الدش بشكل مباشر ممكن نستخدمها عشان نقلل الضرر من المواد الكيميائية اللي بتكون موجودة في المية الغير مفلترة.

حيل هتحافظ على لون شعرك 3
حيل هتحافظ على لون شعرك 3

4- استخدمي منتجات تحافظ على اللون:

بعض انواع الشعر ممكن اللون يروح منها اسرع من انواع تانية وده بيرجع لبنية الشعر الطبيعية نفسها يعي حاجة احنا مش متحكمين فيها, ولكن في الحالة دي بننصح انك تستخدمي منتجات تحافظ على اللون اللي بتكون معمولة مخصوص للشعر المصبوغ, استخدمي انواع شامبو خفيفة تكون خالية من الكبريتات لانها بتساعد كمان في الحفاظ على اللون, كمان بننصحك باستخدام بلسم كويس وتكون جودته عالية بعد الشامبو.

حيل هتحافظ على لون شعرك 4

5- ممكن تستخدمي الصبغة المؤقتة ما بين مواعيد اعادة الصبغة:

ممكن في الفترة من اول ما عملتي الصبغة وبين اعادة تلوينه تاني, لو حسيتي ان اللون بهت خلال الفترة دي بدل ما تروحي تجدديه في الصالون ممكن تستخدمي في البيت انواع الصبغة المؤقتة “تعتبر مثالية جدا للالوان الغامقة والالوان الباستيل”.

حيل هتحافظ على لون شعرك 5

دليلك لاختيار لون الشعر المناسب للون بشرتك

لون الشعر المناسب للون بشرتك
لون الشعر المناسب للون بشرتك

مقالات متعلقه

5 حاجات لازم تعرفيها لو بتصبغي شعرك لاول مرة

5 حاجات لازم تعرفيها لو بتصبغي شعرك لاول مرة

نصايح بسيطة هتحافظ على لون صبغة شعرك لفترة اطول

نصايح بسيطة هتحافظ على لون صبغة شعرك لفترة اطول

4 حاجات ممكن تعمليها لمنع الشعر الابيض وعكسه

4 حاجات ممكن تعمليها لمنع الشعر الابيض وعكسه