6 حركات مساج للراس هتساعد على التخلص من التجاعيد

بقلمريهام محمود فيبشرة visibility233

حتى لو بتعتني ببشرتك بشكل صح, وبتستخدمي منتجات مناسبة للبشرة, ممكن تكون كل الحاجات دي مش كافية عشان تحافظي على شباب البشرة لفترة طويلة, لان حالة العضلات واوتار الرقبة والراس ليها دور كبير, وحتى انها بتحدد كمان لون البشرة وبتحسنها, عشان كده النهاردة هنشوف مع بعض حركات مساج لعلاج التجاعيد عن طريق الراس.

مع مرور الوقت والتقدم في السن بتتكون طبقة صلبة من الانسجة الليفية الكثيفة بتغطي الجزء العلوي من الجمجمة, وده بيخلي فروة الراس حركتها اقل او مش مرنة مع مرور السنين, وده بيبطء من دوران الاوعية ادقيقة في الدم وبيعمل ضغط على الراس وده بدوره بيأثر على الوجه, ومن هنا بيحصل ترهل للبشرة وتدلي الجفون وتجاعيد عميقة, وحركات المساج اللي هنشوفها مع بعض دلوقتي دورها انها تخلي فروة الراس اكتر مرونة وحركة, وبالتالي ده هيأثر على البشرة بشكل ايجابي وهيخلي مظهرها اصغر.

فوايد مساج الراس:

1- بيساعد على تغذية بصيلات الشعر, ونتيجة لده الشعر بينمو بشكل افضل.

2- تحسين الدورة الدموية.

3- بتساعد القلب يشتغل بشكل صحيح.

4- بيقلل من الصداع.

5- بيقلل من تورم الوجه وخصوصا الجزء العلوي.

6- يعتبر شد طبيعي للوجه.

7- بيقلل من التجاعيد.

فوايد مساج الراس
فوايد مساج الراس

حركات مساج لعلاج التجاعيد:

1- حركة Side grip:

امسكي الشعر من الجذور من الجانبين بمسافة بوصة واحدة من فوق الاذنين, حسي بحركة فروة الراس واسحبي الشعر شوية لفوق واثبتي على الوضع ده, واثناء الحركة ميلي راسك شوية لقدامك, عشان تزودي الضغط على الشعر والبشرة, واعملي حركات دائرية بايدك في اتجاه عقارب الساعة وعكس عقارب الساعة.

مدة الحركة: من 30 – 40 ثانية.

حركات مساج لعلاج التجاعيد
حركات مساج لعلاج التجاعيد

2- حركة  Grip behind ears:

امسكي الشعر من الجانبين من المنطقة اللي ورا الاذنين, قريب من مؤخرة الراس, حسي بحركة فروة الراس, واسحبي الشعر شوية لفوق, اثبتي على الوضع ده, واعملي تدليك بحركات دائرية خفيفة بايدك في اتجاه عقارب الساعة وعكس عقارب الساعة.

مدة الحركة: من 30 – 40 ثانية.

حركات مساج لعلاج التجاعيد

3- مساج Grip the forehead and the back of the head:

امسكي الشعر في الجزء الخلفي من الراس, وعلى الجبهة “عند خط الشعر”, اسحبي الشعر بالراحة لفوق, اثبتي على الوضع ده, واعملي تدليك بحركات دائرية خفيفة بايدك في اتجاه عقارب الساعة وعكس عقارب الساعة.

مدة الحركة: من 30 – 40 ثانية.

حركات مساج لعلاج التجاعيد

4- مساج From the head to the top:

حطي صوابع ايديكي الاتنين على الجبهة, عند خط الشعر, وابدأي اعملي تدليك لفوق بحركات دائرية خفيفة, وركزي اكتر على المناطق اللي ممكن تكوني بتحسي فيها بألم.

مدة الحركة: من 30 – 40 ثانية.

5- مساج Back-of-the-head:

حطي صوابع ايديكي الاتنين على الجزء الخلفي من الراس وحركيهم لتحت ناحية الرقبة, مع عمل حركات دائرية خفيفة, وركزي على المناطق اللي بتحسي فيها بألم.

مدة الحركة: من 30 – 40 ثانية.

6- مساج Lymphatic drainage:

اقفلي صوابع ايديكي الاتنين, وحطي قبضة الايدين على عضم الجزء الخلفي من الراس من الجانبين, وابدأي دلكي المنطقة بحركات دائرية.

مدة الحركة: من 30 – 40 ثانية.

تقدري تعملي الحركات دي في اي وقت خلال اليوم, ولكن افضل وقت ليهم هو اول الصبح اول ما تصحي من النوم, في وضع الجلوس او الوقوف.

ياللا جربوا الحركات دي وشاركونا النتايج.

بوتوكس طبيعي: استخدمي مكون واحد هيساعدك تتخلصي من التجاعيد والهالات السودا والجلد الجاف

كريم بوتوكس طبيعي
كريم بوتوكس طبيعي