اتعلمي ازاي تعملي باديكير البارافين لتنعيم الرجل في البيت في 6 خطوات بسيطة

ريهام محمود
ريهام محمود
في
بشرة
3001

 الرجل محتاجة عناية واهتمام زي اي مكان في الجسم, ومن الحاجات اللي بتساعد انها تريح الرجل وتنعمها هو باديكير شمع البارافين, واحنا عارفين ان العلاج بالبرافين تقدري تعمليه في صالونات التجميل او في الاماكن المتخصصة, ولكن احنا النهاردة من خلال موضوعنا هنقولك ازاي تعملي باديكير البارافين لتنعيم الرجل في 6 خطوات بسيطة في البيت, وهنتعرف كل فوايدة.

فوايد باديكير البارافين:

1- بيريح العضلات:

لو لابسة الشوز طول اليوم وده سببلك تعب, شمع البارافين يعتبر هو الطريقة المثالية عشان تريحي رجلك, لان المعادن الموجودة في البارافين بتساعد على تهدئة العضلات وبتزود من تدفق الدم للقدمين, بالاضافة انك لو بتعاني من التهاب المفاصل او اي مرض روماتيزمي تاني, شمع البارافين يعتبر علاج فعال لتخفيف الالم.

2- بيزود من مرونة الجلد:

لبس الشوز والصنادل المفتوحة باستمرار بيسبب جفاف الجلد, والعلاج بشمع البارافين بيساعد على مرونة الجلد وتنعيم الرجل خصوصا ايام الشتا والجو البرد او التعرض لعوامل البيئة بشكل عام.

3- بينعم البشرة:

معروف ان حمام البارافين من الحاجات اللي بتساعد على الجلد الجاف في القدمين اللي بيتراكم عليها مع مرور الوقت, وغالبا الزيت المعدني الموجود في الشمع بيتم استخدامه في المنتجعات الصحية, عشان كده لو انتي بتعاني من امراض جلدية زي الصدفية والاكزيما, البارافين هيساعد على تخفيفها بشكل كبير.

4- علاج الالتواء وتورم العضلات:

البارافين يعتبر من انسب العلاجات للالم الناتج عن اصابة, لانه بيساعد على تخفيف التورم, العلاج الحراري بيحافظ على حركة المفاصل, لانه بيخترق الجلد, وده بدوره بيريح العضلات المتوترة في القدمين, كمان بيقلل الالتهاب الناتج عن اي اصابة.

5- مرطب ممتاز:

البارافين مش بس بيعالج الجلد الخشن والجاف في القدم, ولكن كمان بيساعد انه يحافظ على القدمين انهم يبانوا اصغر.

دلوقتي بعد ما عرفنا كل مميزات شمع البارافين هنقولك ازاي تعمليه في البيت باقل تكلفة بخطوات بسيطة وهيديكي نفس نتيجة صالون التجميل.

باديكير البارافين لتنعيم الرجل 1
باديكير البارافين لتنعيم الرجل 1

طريقة باديكير البارافين لتنعيم الرجل:

الخطوة الاولى:

اشتري شمع بارافين جاهز, هتلاقيه متوفر في الصيدليات او الهايبر ماركت او من مواقع التسوق اون لاين.

الخطوة التانية:

دوبي الشمع في حمام مية سخنة.

الخطوة التالتة:

سيبي الشمع يبرد شوية, واثناء الوقت ده اغسلي رجلك كويس بالغسول او الصابون, ونشفيها وادهنيها بكريم مرطب غني, او بزيت زيتون, واتأكدي من وصول الكريم او الزيت بين الصوابع.

الخطوة الرابعة:

حطي صوباعك في الشمع عشان تختبري حرارته انها مناسبة للبشرة ومش سخن اوي, وغالبا حرارته هتكون مناسبة اول ما يكون طبقة رقيقة متماسكة على الوش.

الخطوة الخامسة:

حطي رجلك في الشمع بحيث انه يغطيها كلها, ارفعي الرجل من الشمع لمدة ثواني لحد ما تجف طبقة الشمع على الرجل, وارجعي حطيها تاني في الشمع, كرري الخطوة دي من 5 – 7 مرات.

الخطوة السادسة:

غطي الرجل بكيس بلاستيك, وفوق الكيس لفي فوطة سميكة او البسي شراب, سيبيه 20 دقيقة, وبعدين شيلي الكيس, وقشري طبقة الشمع من على الرجل, وادهني مرطب, هتلاحظي نعومة فورية على القدمين بشكل ملحوظ, بالاضافة للتخلص من كل آلام العضلات.

باديكير البارافين لتنعيم الرجل 2
باديكير البارافين لتنعيم الرجل 2

وتقدري تطبقي نفس الخطوات على الايد, باديكير شمع البارافين هيخلصك من كل مشاكل البشرة اللي بتحصل في فصل الشتا بشكل خاص زي جفاف الجلد, وتشقق الكعبين, وتقشير الجلد, وهيخلي بشرتك ناعمة.

باديكير البارافين لتنعيم الرجل 3

ازاي تنعمي رجلك وتخليها زي بشرة الاطفال بمكونات بسيطة من البيت

وصفات لتنعيم الرجل
وصفات لتنعيم الرجل

مقالات متعلقه

8 علاجات منزلية للتخلص من تشقق الكعبين والحصول على اقدام ناعمة

8 علاجات منزلية للتخلص من تشقق الكعبين والحصول على اقدام ناعمة

وصفة طبيعية للتخلص من تشققات الكعبين وتنعيم وتبييض القدمين باستخدام الكوكاكولا

وصفة طبيعية للتخلص من تشققات الكعبين وتنعيم وتبييض القدمين باستخدام الكوكاكولا

روتين العناية اليومية والاسبوعية للقدمين للحفاظ عليها ناعمة

روتين العناية اليومية والاسبوعية للقدمين للحفاظ عليها ناعمة