13 طريقة تستخدمي بيهم الحلبة لعلاج مشاكل الشعر

بقلمريهام محمود فيشعر visibility969

مشاكل الشعر من اول التساقط لحد قشرة الشعر والصلع, حاجة واحدة هتقدر تحلهالك وهي بذور الحلبة, الحلبة من الحاجات اللي ليها فاعلية كبيرة في حل مشاكل الشعر, لانها غنية بكتير من العناصر اللي بتغذي الشعر وفروة الراس, والنهاردة من خلال المقال بتاعنا هنقولك طرق استخدام الحلبة للشعر.

فوايد الحلبة:

– الحلبة مفيد جدا للشعر, الجلد, الجسم, الهضم القلب.

– بتساعد على علاج الامساك, وبتساعد في علاج مشاكل زي تقرحات الفم, التهاب الشعب الهوائية, الكحة المزمنة, حتى السرطان.

– لو ام وبترضعي الحلبة مفيدة جدا في زيادة اللبن.

– مفيدة جدا للشعر وبتساعد في علاج كل مشاكله تقريبا.

– غنية جدا بالبروتين وده بيخليها مفيدة جدا في علاج الصلع.

– بتحتوي على كمية كبيرة جدا من فيتامين C وده بيخليها ليها دور فعال في زيادة المناعة في الجسم, كمان غنية بالحديد وده مهم للدورة الدموية.

– الحلبة غنية جدا بالبوتاسيوم, اللي بيساعد على منع الشيب.

– الحلبة كمان واحدة من اهم مصادر حمض النيكوتينيك, اللي بيحفز نمو الشعر, والليسيثين اللي بينشط بصيلات الشعر.

فوايد الحلبة
فوايد الحلبة

طرق استخدام الحلبة للشعر:

1- الحلبة لتساقط الشعر:

انقعي بذور الحلبة في المية من بالليل للصبح, اضربيها في الخلاط مع شوية مية صغيرين او عصير ليمون, وحطي الخليط على الشعر كله من الجذور للاطراف, سيبيه 30 دقيقة وبعدين اغسلي الشعر بشامبو خفيف.

2- الحلبة لنمو الشعر:

اغلي بذور الحلبة في زيت جوز الهند, سيبيها تغلي لحد ما البذور يبقى لونها محمر, بعدين صفي الزيت من البذور وادهنيه على الشعر وفروة الراس, سيبيه نص ساعة وبعدين اغسليه بالشامبو, نتيجة الوصفة دي هتفاجئك نتايجها في نمو الشعر بشكل سريع.

3- الحلبة للتحكم في الزيوت الزيادة:

انقعي بذور الحلبة في 2 معلقة صغيرة خل تفاح من بالليل للصبح, وبعدين اضربيهم مع بعض في الخلاط لحد ما تبقى عندك عجينة ناعمة, حطيها على الشعر وفروة الراس, سيبيها لمدة 30 دقيقة, وبعدين اغسليها بشامبو خفيف, الوصفة دي بتساعد على التحكم في الزيوت الزيادة في فروة الراس.

4- الحلبة لفروة الراس الجافة وعلاج الحكة:

لو بتعاني من فروة الراس الجافة والحكة, اخلطي معجون بذور الحلبة مع صفار البيض اضربيهم مع بعض لحد ما تتكون عجينة, حطيها على فروة الراس والشعر, وسيبيها لمدة 30 دقيقة, بعدين اغسليها بشامبو خفيف.

طرق استخدام الحلبة للشعر
طرق استخدام الحلبة للشعر

5- الحلبة لعلاج قشرة الشعر:

اخلطي معجون الحلبة مع الزبادي وامزجيهم مع بعض كويس, حطي الخليط على الشعر, سيبيه لمدة 30 دقيقة, وبعدين اغسلي شعرك بشامبو خفيف, ولافضل النتايج كرريها 3 مرات في الاسبوع.

6- الحلبة للمعان الشعر:

انقعي الحلبة في كوباية مية طول الليل, الصبح صفي المية من البذور واشربيها.

7- لعلاج الشيب:

اعملي عجينة من الحلبة واوراق الكاري, حطي الخليط على الشعر لمدة 30 دقيقة, وبعدين اغسليه بشامبو خفيف ومية باردة, الطريقة دي فعالة جدا في علاج الشعر الابيض ومنع الشيب المبكر.

8- الحلبة للشعر التالف:

البذور ليها تأثير فعال جدا في عكس اضرار الشعر زي انقسام الاطراف, التجعد والهيشان, وضعف الشعر بشكل عام.

امزجي معجون الحلبة مع حليب جوز الهند, حطي الخليط على الشعر, غطي شعرك بفوطة, وسيبيه لمدة 30 دقيقة تقريبا, وبعدين اغسليه بشامبو خفيف ومية باردة, انتظمي على الوصفة دي هتلاحظي نتايج سريعة جدا.

9- الحلبة لترطيب الشعر:

انقعي حوالي من 10 – 15 جرام من بذور الحلبة في المية من بالليل للصبح, وتاني يوم اطحنيها لحد ما تبقى عجينة, حطيها على الشعر وسيبيها لمدة 30 دقيقة على الاقل, وبعدها اغسليها بشامبو خفيف, الوصفة دي هتعمل ترطيب عميق للشعر.

طرق استخدام الحلبة للشعر

10- الحلبة للمعان الشعر:

اخلطي 25 جرام من بذور الحلبة, مع 25 جرام من اللبن الرايب, وعصير الليمون, والعسل, والمية, اضربي كل المكونات مع بعض كويس لحد ما تبقى على شكل عجينة, حطيها على الشعر كله, سيبيها لمدة 45 دقيقة, بعدها اغسليها بشامبو خفيف, الوصفة دي بتدي لمعان للشعر, وبتمنع قشرة الشعر, وبتمنع التساقط كمان.

11- الحلبة لتنعيم الشعر, ومنع تجعد وهيشان الشعر:

خدي كام معلقة من بذور الحلبة الجافة حسب طول وكثافة شعرك, اغسليها كويس وانقعيها في المية من بالليل للصبح, الصبح اضربيها في الخلاط, وضيفي لها شوية من زيت جوز الهند واخلطيهم مع بعض كويس, حطي الخليط على الشعر لمدة 30 دقيقة وبعدين اغسليه بشامبو خفيف.

12- الحلبة للشعر الجاف:

انقعي كمية من بذور الحلبة في المية من بالليل للصبح, تاني يوم اضربيها في الخلاط لحد ما تبقى عجينة, ضيفي لها شوية لبن رايب او زبادي مع العسل وزيت الزيتون, وممكن تدهني شعرك بزيت الزيتون من بالليل للصبح وتشيلي زيت لزيتون من الخلطة, اخلطي كل المكونات مع بعض كويس, وحطي الخليط على الشعر وفروة الراس بكمية كافية, سييه 45 دقيقة وبعدها اغسليه بشامبو خفيف وبلسم, كرري الوصفة دي مرتين في الاسبوع لافضل النتايج.

13- الحلبة للشعر الكيرلي:

الحلبة من الحاجات اللي بتحدد شكل الكيرلي وبتخليه Defined اوي عن طريق منع الهيشان.

انقعي من 4 – 5 معالق كبيرة من الحلبة في ضعف الكمية مية من بالليل للصبح, وممكن تنقعيها في مية مغلية, تاني يوم الصبح صفي المية من البذور, وخدي المية اشطفي بيها الشعر بعد غسله بالشامبو, سيبيها لمدة 10 دقايق على الاقل, وبعدين اغسليها بالمية, الطريقة دي هتخلي الشعر يجف بشكل اسرع وهتخلي الكيرلي شكله حلو من غير اي منتجات للشعر.

طرق استخدام الحلبة للشعر

3 طرق لعلاج الشعر بالبروتين في البيت بمكونات منزلية سهلة وبسيطة

3 طرق لعلاج الشعر بالبروتين في البيت بمكونات منزلية سهلة وبسيطة
3 طرق لعلاج الشعر بالبروتين في البيت بمكونات منزلية سهلة وبسيطة