3 طرق لعلاج الشعر بالبروتين في البيت بمكونات منزلية سهلة وبسيطة

آية حسان
آية حسان
في
شعر
5457

لو كان شعرك جاف أو باهت وخشن ، فمعني ده إنه بيكون محتاج لجلسة بروتين عشان يتغذي بكل بالعناصر الغذائية اللي بتكون موجودة في البروتين، عشان يرجع يكون صحي أكتر، اعرفي في المقال ده 3 طرق لعلاج الشعر بالبروتين في البيت بمكونات منزلية سهلة وبسيطة

3 طرق لعلاج الشعر بالبروتين في البيت بمكونات منزلية سهلة وبسيطة

كلنا بنمر بفترات بيكون فيها الشعر باهت وضعيف جدا ومحتاج لعناية غذائية قوية عشان يرجع لقوته وصحته وتألقه من تاني ولو فكرنا نغير حاجه في شعرنا سواء تفتيح أو صبغة ده بيحتاج مواد كيميائية ودي هتضر الشعر بطريقة أكبر، فيه كتير من صالونات التجميل بيعملوا علاج البروتين ولكن بيكون بطريقة مُكلفة وغالية الثمن ، عشان كده جبنالكوا بعض الطرق المنزلية اللي هتساعد في علاج شعرك ويرجع أحسن من الأول .

الطريقة الأولى: ماسك الموز والعسل وزيت جوز الهند

طريقة التحضير 

نبدأ بتحضير 3 حبات من الموز وتقطيعه وضعه في الخلاط عشان يختلط ويكون مكوًن .

نضيف 2 ملعقه كبيرة من العسل علي خليط الموز وملعقة كبيرة من زيت جوز الهند .

نخلطهم في الخلاط لمدة ثواني ولو كان القوام تقيل ممكن نضيف شوية مياة .

طريقة الاستخدام :

قسمي شعرك الي أجزاء وابدأي في وضع الماسك من الجذور إلي الأطراف .

غطي رأسك كويس وسبيه لمدة نصف ساعة، بعد كده اشطفي شعرك بالمياة الدافية، ومرة تانية اغسلي شعرك بالشامبو والبلسم كالعادة، وسيبيه ينشف لوحده من غير مجفف للشعر.

ماسك الموز والعسل وزيت جوز الهند
ماسك الموز والعسل وزيت جوز الهند

الطريقة الثانية:  الافوكادو والمايونيز 

حبة واحدة من الافوكادو قشريها واهرسيها كويس لحد ما تكون خليط ناعم ومهروس .

ضيفي ملعقيتن كبيرة من المايونيز واخلطيهم كويس .

حُطي الماسك علي شعرك من الجذور إلي الأطراف مع التدليك بطريقة لطيفة .

غطي شعرك كويس وده لمدة نصف ساعة، بعد كده اشطفي شعرك بالمياة الدافية والشامبو والبلسم وسيبي شعرك ينشف كله .

الافوكادو والمايونيز
الافوكادو والمايونيز

الطريقة الثالثة: ماسك البيض واللبن 

في طبق كبير ، حطي بيضة  وكريمة اللبن ” سيبي اللبن يبرد كله وبعد كده خدي وش اللبن اللي هيتكون منه بمعدل 6 ملاعق كبيرة  .

اخلطي العناصر دي كويس مع بعض  لحد ما يكونوا خليط متجانس .

حطي الخليط علي شعرك كله واتأكدي إنه اتوزع علي كل أجزاء شعرك، بعد نص ساعة اغسلي شعرك بالمياة الدافية الأول وبعد كده بالبلسم وسيبيه ينشف هلوحده من غير مجفف شعر. 

ماسك البيض واللبن
ماسك البيض واللبن

جربي الطرق العلاجية دي للبروتين وهتنسي إن شعرك كان باهت أو جاف أو ضعيف، واعرفي معانا كمان 13 نصيحة لترطيب فروة الراس الجافة خلال فترة الشتا

مقالات متعلقه

طريقة العناية بالشعر في الشتا وفترة الرياح الموسمية

طريقة العناية بالشعر في الشتا وفترة الرياح الموسمية

افضل زيوت للشعر الخفيف هتساعدك على تكثيفه

افضل زيوت للشعر الخفيف هتساعدك على تكثيفه

غسول الصبار للشعر للتخلص من الجفاف والهيشان من اول استخدام

غسول الصبار للشعر للتخلص من الجفاف والهيشان من اول استخدام