طريقة عمل صوابع الكيكة المقلية Funnel Cake مع 4 انواع صوصات مختلفة

ريهام محمود
ريهام محمود
1235

لو عايزة حاجة حلوة سهلة وسريعة وجديدة النهاردة هنقولك على وصفة صوابع الكيكة المقلية, وصفة سريعة جدا ولذيذة, وكمان هنقولك طريقة لـ 4 صوصات مختلفة تاكليها معاها.

مقادير صوابع الكيكة المقلية:

– لتر زيت للقلي.

– 3 كوبايات دقيق “375جم”.

– ¼ كوباية سكر “50 جرام”.

– 2 معلقة صغيرة بيكنج بودر.

– ½ معلقة صغيرة ملح.

– 2 كوباية لبن “480 مل”.

– 3 بيضات مضروبين.

مقادير صوص الفراولة:

– 2 كوباية فراولة متقطعة “300 جرام”.

– 1 كوباية سكر “200 جرام”.

– عصير ليمونة.

مقادير صوص الكراميل:

– 1 كوباية سكر “200 جرام”.

– 4 معالق كبيرة زبدة من غير ملح.

– ½ كوباية كريمة Heavy cream. “120 مل”

– ذرة ملح.

مقادير صوص المارشيملو:

– 2 كوباية ميني مارشميلو “100 جرام”.

– 2 معلقة كبيرة زبدة غير مملحة بدرجة حرارة الغرفة.

مقادير صوص الشوكولاتة:

– 2 كوباية شوكولاتة شيبس “250 جرام”.

– 1 معلقة كبيرة زيت جوز الهند.

– 2 معلقة كبيرة سكر بودرة, للتقديم.

مقادير صوابع الكيكة المقلية 1
مقادير صوابع الكيكة المقلية 1

طريقة عمل الكيكة:

في طبق كبير, اخلطي الدقيق, السكر, البيكنج بودر, الملح, وبعدين ضيفي اللبن والبيض لخليط الدقيق, وقلبي المكونات كلها مع بعض لحد ما العجينة تبقى ناعمة مافيهاش اي كتل, انقلي العجينة في اي قمع متوفر عندك.

في طاسة عميقة سخني الزيت على النار كويس, اضغطي على العجينة في الزيت ونزليها على شكل صوابع طويلة بالطول اللي انتي عايزاه, سيبيها على كل جنب لمدة من 30 – 45 ثانية لحد ما لونها يبقى بني دهبي, طلعيها على سلك عشان تتخلصي من كل الزيت الزيادة فيها, او على مناديل مطبخ لو مش متوفر عندك سلك.

مقادير صوابع الكيكة المقلية 2
مقادير صوابع الكيكة المقلية 2

طريقة عمل صوص الفراولة:

في حلة على نار متوسطة اخلطي الفراولة, السكر, عصير الليمون, وسيبيها تغلي على النار, قللي النار على اقل حاجة وسيبيها تغلي لمدة 30 دقيقة, لحد ما يبقى قوامها سميك, ارفعيها من على النار, وسيبيها على جنب لحد وقت التقديم.

طريقة عمل صوص الفراولة
طريقة عمل صوص الفراولة

طريقة عمل صوص الكراميل:

في حلة على نار متوسطة حطي السكر من غير ما تقلبيه وسيبيه لمدة 10 دقايق, حركي الحلة عشان تفكي اي كتل في السكر وبمجرد ما السكر يتحول للون الاصفر الغامق, ضيفي له الزبدة والكريمة وقلبي المكونات مع بعض كويس جدا, وخليكي حذرة لان الخليط هيعمل فقاعات وممكن تحرقك, ضيفي الملح وقلبي لحد ما المكونات تمتزج كويس, ارفعيه من على النار, وسيبيه على جنب لوقت التقديم.

طريقة عمل صوص الكراميل
طريقة عمل صوص الكراميل

طريقة عمل صوص المارشيملو:

في طبق اخلطي المارشيملو مع الزبدة وحطيه في الميكروويف لمدة دقيقة, وكل 30 ثانية طلعيه قلبيه ودخليه تاني, وبعدين طلعيه وقلبيه كويس لحد ما يبقى المزيج ناعم, ولو مش متوفر عندك ميكروويف ممكن تسيحيه على حمام مية سخنة.

طريقة عمل صوص المارشيملو
طريقة عمل صوص المارشيملو

طريقة عمل صوص الشوكولاتة:

في طبق اخلطي الشوكولاتة مع الزبدة, ودخليها الميكروويف لمدة دقيقة, مع التقليب كل 30 ثانية, لحد ما تدوب خالص, وممكن تسيحيها على حمام مية سخنة لو مش متوفر ميكروويف.

رصي صوابع الكيكة في طبق ورشي عليها من فوق السكر البودرة, وقدميها مع صوصات التغميس.

طريقة عمل صوص الشوكولاتة
طريقة عمل صوص الشوكولاتة

الطريقة بالفيديو:

مقالات متعلقه

طريقة عمل كيك الصفوف اللبنانية

طريقة عمل كيك الصفوف اللبنانية

وصفة التفاح الكريسبي مع الشوفان

وصفة التفاح الكريسبي مع الشوفان

كيكة شوكولاتة سهلة وسريعة بمكونين اتنين بس

كيكة شوكولاتة سهلة وسريعة بمكونين اتنين بس