13 طريقة ذكية للتعامل مع الزوج الكسول وخليكي زوجة ذكية

بقلمريهام محمود فيعلاقات visibility670

اكيد نجاح اي علاقة زواج محتاجة مجهود من الطرفين وانهم يعملوا كل الطرق الممكنة عشان يبنوا علاقة صحية, لان العلاقة الصحية بتعمل حياة كاملة صحية من الحب والمشاركة والرعاية واهتمام الطرفين ببعض, وممكن تكوني بتحبي كل صفات شريك حياتك, بس يا ترى هتعملي ايه لو جوزك كسول؟ النهاردة من خلال موضوعنا هنقولك طرق للتعامل مع الزوج الكسول.

صفة الكسل في الزوج ممكن تأثر على العلاقة, وممكن يكون ان الكسل ده مش صفة فيه وكن ليه اسباب, وانتي مسئوليتك كزوجة انك تغيري الصفة دي, لانك اكيد انتي بتحسي بضغط زيادة وان عليكي كل مسئوليات البيت, فاكيد من العدل انك تطلبي من الزوج المساعدة في الاعمال الروتينية اليومية, ولكن لازم تعملي ده بذكاء, يعني طريقتك تكون لطيفة في التخلص من الصفة دي مش بعدوانية.

طرق للتعامل مع الزوج الكسول:

انتي محتاجة انك تبقي ملاحظة سلوكه وردود افعاله, اذا كان كسول في موقف واحد كل فترة في الحالة دي عليكي انك تتقبليها ومش هتسبب اي مشكلة في علاقتكم, ولكن لو الكسل ده صفة مزمنة وبشكل يومي وانتي اللي بتعملي كل حاجة في البيت ومتحملة المسئولية كاملة, يبقي في الحالة دي محتاج منك انك تغيريه, واحيانا برضه بتكون في اسباب مؤقتة لده, عشان كده هنقولك ازاي تتعاملي معاه وتغيري النقطة دي فيه سواء كانت مؤقتة او مشكلة يومية.

1- راقبيه:

ايوه راقبيه! انتي محتاجة تراقبيه وتعرفي هو متغير في ايه, يعني لو الزوج بيهرب مؤخرا بس او من فترة صغيرة من المسئوليات, في الحالة دي ممكن تكون في حاجة معينة مضيقاه, عشان كده ضروري انك تلاحظي افعاله وردود افعاله.

طرق للتعامل مع الزوج الكسول
طرق للتعامل مع الزوج الكسول

2- اسأليه عن السبب:

قبل ما تعملي اي تصرف او رد فعل من ناحيتك, لازم تعرفي السبب ورا كسله, لانه في بعض الاحيان ممكن الشخص يحس بكسل بسبب ان عليه ضغوطات زيادة في الشغل او عليه حمل زيادة, عشان كده حاولي انك تعرفي السبب وبعدين تتعاملي معاه على حسب ده.

طرق للتعامل مع الزوج الكسول

3- اديه مهام صغيرة:

انتي ممكن تكوني متوقعة منه انه مثلا يعمل الاكل مرة من وقت للتاني, او يساعدك في تقطيع الخضار وانتي بتطبخي, اكيد هتتوقعي منه حاجات زي دي في البداية, عشان كده بننصحك انك تديه مهام بسيطة زي مثلا يحط الاطباق على الترابيزة, يرجع حاجة مكانها, ده هيخليه يخرج من حالة الكسل بالتدريج.

طرق للتعامل مع الزوج الكسول

4- متستهلكيش كل طاقتك:

ممكن تكون عندك قدرات عالية وبتعملي كل حاجة لوحدك, لكن مش هتقدري تستمري بنفس الطاقة في كل مرة او طول الوقت, هيجي عليكي وقت طاقتك هتخلص وهتتعبي, عشان كده بننصحك انك تعملي بمهام اقل حتى في الوقت اللي انتي قادرة تعملي فيه كل المهام زي الطبخ والتنضيف وترتيب البيت, انتي لما تقللي مجهودك هتسيبي مساحة انه ممكن يساعدك لو حتى في الحاجات الصغيرة, ولما تقسموا بينكم المهام الموضوع مش هيبقى مرهق على اي حد فيكوا.

طرق للتعامل مع الزوج الكسول

5- قدري مجهوده:

لما يعمل مجهود عشان يساعدك, قدري مجهوده الاول قبل ما تتوقعي منه انه يعمل اكتر, اي شخص هسيتنى مكافآة بعد ما يعمل حاجة كويسة او يبذل مجهود, لازم تقولي له انك قد ايه مقدره مجهودة ودعمه ليكي وانه قد ايه بيعني لك, هتلاقيه هو من نفسه بعد كده بيدعمك ويقدم مساعدته ليكي وقت ما تحتاجي من غير ما تطلبي.

طرق للتعامل مع الزوج الكسول

6- اتوقفي عن الصراخ والمطاردة:

لو بتطارديه طول الوقت عشان يعمل حاجة معينة, وبتصرخي وبتزعقي, ده ممكن يزعجه, عشان كده برغم انه ممكن يأخر انجاز اي مهمة بتطلبيها منك لكن خليكي صبورة, ممكن تفكريه بيها مرة واحدة, وبدل ما تصرخي وتزعقي اطلبي منه باسلوب لطيف وبكلمات رقيقة ده ممكن يقنع الشخص اكتر من الكلمات القاسية اللي ممكن تبقى كمان وسيلة لتدمير زواجك وعلاقتك بزوجك.

طرق للتعامل مع الزوج الكسول

7- ساعديه لو احتاج:

لما تطلبي منه يعمل حاجة, فانتي لازم توجهيه يعملها ازاي, ولو حسيتي انه مش عارف يعملها او بيعملها بصعوبة ممكن تساعديه بطرق بسيطة, ده بيدل على اهتمامك بيه وهيحسسه بالرضا عن اللي بيعمله, ولما انتي تتعاملي بطريقة تخليه يحس احساس حلو ده هيرجع لك في وقت من الاوقات, واكيد هو كمان هيساعدك.

طرق للتعامل مع الزوج الكسول

8- خلي في ترابط قوي بينكم:

الزوجين لما بيكون في ترابط قوي بينهم هيشاركوا مع بعض كل حاجة والمسئوليات والاعباء, لان لو الترابط بينكم ضعيف يبقى متتوقعيش منه مساعدة او مشاركة في اي حاجة, عشان كده حافظي على الترابط القوي بينكم.

9- متركزيش على اخطاءة:

بعد ما يعمل مجهود ويساعدك متحاوليش انك تركزي على اخطاء صغيرة ممكن يكون عملها او وقع فيها, لكن حاولي تقولي له بس من الاول الطريقة الصح اللي يعمل بيها المهمة, لان لو انتي ركزتي على الاخطاء هتستفزيه انه يبقى كسول اكتر وهيبطل يعملك حاجة تانية بعد كده, لازم تكوني صبورة واسلوبك لطيف.

10- سيبيه يعمل الحاجة بطريقته:

كل شخص بيكون ليه طريقته الخاصة في ادارة المهام, فلازم انتي تتقبلي اسلوبه في العمل وانهاء المهمة, لان لو صممتي يعملها بطريقتك انتي ممكن ده يخليه كسول اكتر, يعني ببساطة قولي له اعمل الحاجة بالطريقة اللي تريحك, وانتي لازم يكون عندك عقل متفتح بيقبل عمل الاشخاص واسلوبهم المختلف عنك.

11- متطلبيش منه اعادة المهمة:

متطلبيش منه يعيد اللي عمله, لان الشخص مجرد ما يتمكن او يبقى كويس في عمل حاجة معينة, هو هيطور نفسه لوحده, ومتتوقعيش الكمال في كل حاجة, لان ده هيخليه ميقدمش اي مساعدة ويسيبك انتي تعملي كل حاجة, ولو في اي حاجة انتي شايفة انها ناقصة او متعملتش كويس ممكن تظبطيها بنفسك, لانك طلبك منه انه يعيد الحاجة اللي عملها تاني ممكن تخليه يفقد الاهتمام في مساعدتك.

12- خليه ياخد وقته:

متتوقعيش منه انه ينجز المهمة بسرعة, لانه ممكن انه يعمل الحاجة بطرق تاخد اطول شوية, وده ليه ميزة برضه انه هيبقى في فرصة ينجز المهمة بافضل الطرق, يعني ممكن يعمل الحاجة في وقت اطول لكن المهم في النهاية انه بيعملها, وانتي في النهاية كل اللي محتاجاه هو تخفيف العبء عنك.

13- استمتعوا بعمل الحاجة مع بعض:

ممكن توزعوا الشغل بينكم وتساعدوا بعض, وبالطريقة دي برضه هتحسي انك خففتي العبء عنك وعملتي الحاجة بمجهود اقل, ممكن تطبخوا سوا, تغسلوا الاطباق سوا.

في النهاية لازم تكوني ذكية وتتعاملي مع المشاكل بطريقة ذكية, فلما تلاقي الزوج كسول اتعاملي معاه بطريقة ذكية, والمهمة لما هتعملوها سوا هتحسوا باستمتاع اكتر بدل الخناق على الشغل والمهام اليومية, وده في النهاية مفيد لعلاقة وحياة افضل بينكم, عشان كده متتردديش انك تديه مهام منزلية صغيرة, ولكن افتكري ان الطريقة اللي تطلبي بيها لازم تكون لطيفة.

12 خطوة هتخليكي تعيشي حياة زوجية سعيدة تستمر مدى الحياة

12 خطوة هتخليكي تعيشي حياة زوجية سعيدة تستمر مدى الحياة
12 خطوة هتخليكي تعيشي حياة زوجية سعيدة تستمر مدى الحياة