10 قواعد للعناية بالبشرة بتساعد النساء الكوريات ان بشرتهم تبقى اصغر

ريهام محمود
ريهام محمود
في
بشرة
11312

مستحضرات التجميل الكورية انتشرت جدا في الفترة الاخيرة وبقت معروفة على مستوى العالم بفاعليتها في العناية بالبشرة, فلو انتي استخدمتي منتجات كتير لحب الشباب او التجاعيد او العناية بالبشرة بشكل عام وملقتيش منها نتيجة, النهاردة هنقولك بعض النصايح والحيل و قواعد العناية بالبشرة الكورية المعروفة جدا واللي هتساعدك على الحصول على بشرة ناعمة وصحية وخالية من العيوب.

قواعد العناية بالبشرة الكورية:

1- التنضيف متعدد الخطوات:

عملية تنضيف البشرة في روتين العناية الكوري بيتكون من كذا خطوة, اول خطوة في روتين العناية بالبشرة الكوري هي استخدام غسول زيتي لسحب كل الزيوت الزيادة من المسام والتخلص من اثار المكياج وواقي الشمس, والخطوة التانية هي استخدام غسول مائي اللي بيساعد على ازالة كل الشوائب اللي اساسها المية زي العرق والاوساخ المتراكمة على البشرة, وبين وقت للتاني البشرة بتحتاج تقشير لازالة خلايا الجلد الميتة, والتقشير عاد بيكون مرة واحدة بس في الاسبوع.

قواعد العناية بالبشرة الكورية 1
قواعد العناية بالبشرة الكورية 1

2- مساج الوجه:

حركات المساج بتحفز الغدد الليمفاوية وده بيساعد على منع الشيخوخة عن طريق تعزيز الدورة الدموية والقضاء على اي شوائب, وعادة التدليك بيكون في منطقة ال V-line واللي هي المناطق الموجودة فوق وبين العين, وحوالين الفم لمنع التجاعيد.

بعد تنضيف البشرة بالغسول, حطي الكريم المرطب واضغطي او اعمل حركات مساج خفيف على الجلد.

قواعد العناية بالبشرة الكورية 2
قواعد العناية بالبشرة الكورية 2

3- الترطيب الفوري:

لو عايزة تستفادي فعلا من عملية الترطيب وتخلي اللوشن او الكريم يخترق المسام بشكل كامل, يبقى لازم تتأكدي انك ترطبي بشرتك بمجرد تجفيفها فورا بعد غسيلها, لان المسام بتبقى مفتوحة بعد غسيل البشرة او الشاور, عشان كده الافضل انك ترطبي البشرة بالكريم في مدة ما تزيدش عن دقيقة واحدة بعد تجفيفها.

قواعد العناية بالبشرة الكورية 3
قواعد العناية بالبشرة الكورية 3

4- فيتامين C:

فيتامين C بيساعد على تغذية البشرة الجافة والباهتة من جوه ومن بره, والخصائص المضادة للاكسدة اللي موجودة فيه بتساعد على تنقية ونضارة البشرة المرهقة, وبتساعد على تفتيح البشرة وتنشطيها عن طريق تحسين الدورة الدموية للبشرة, وحامض الستريك اللي موجود فيه بيساعد على تخليص المسام من الزيوت الزيادة والشوائب وازالة خلايا الجلد الميتة.

وعشان تستفادي من كل فوايد فيتامين C, ممكن تستخدمي سيروم فيتامين C, او كل اللي ممكن تعمليه اعصري ½ ليمونة في طبق وخففيها شوية بالمية, وبقطعة قطن ادهني الخليط على بشرتك, الليمون هيساعد على تفتيح وتنقية البشرة, ولكن متستخدميش عصير الليمون او اي حاجة بتحتوي على فيتامين C قبل الخروج والتعرض للشمس, لان فيتامين C بيتفاعل مع الشمس وممكن يسبب تصبغات على البشرة.

قواعد العناية بالبشرة الكورية 4
قواعد العناية بالبشرة الكورية 4

5- الجينسنج:

الجينسنج يعتبر من العلاجات الكورية اللي بتحافظ على صحة الجلد, لانه بيحتوي على مضادات الاكسدة, بيمنع الشيخوخة, بيحافظ على مرونة الجلد, بيطول عمر خلايا الجلد, والجينسنج فعال جدا في زيادة انتاج الكولاجين في خلايا البشرة.

ممكن تستخدمي المنتجات اللي بتحتوي على الجينسنج سواء زيت, سيروم, كريم, او تحصلي عليه من خلال المكملات الغذائية.

قواعد العناية بالبشرة الكورية 5
قواعد العناية بالبشرة الكورية 5

6- حمض الهيالورونيك:

مع التقدم في السن البشرة بيقل فيها انتاج الزهم اللي بيغذي البشرة, وعملية الشيخوخة بتبقى اسرع بسبب انخفاض الرطوبة, وهنا يجي دور حمض الهالورونيك في ترطيب البشرة, لانه بيساعد على الحفاظ على رطوبة بشرتك, وبيحتوي على خصائص مفيدة للبشرة, وبيحول ترهل الجلد لبشرة رطبة ومرنة.

استخدمي منتجات البشرة اللي بتحتوي على حمض الهيالورونيك في مكوناتها, او تحصلي عليه عن طريق المكملات الغذائية, او تقدري تحصلي عليه من الاكل زي شوربة العضم, الاطعمة اللي معمولة من فول الصويا, الخضروات الجذرية النشوية زي البطاطا والبطاطس والخرشوف وغيرها من الدرنات, الفواكة الحمضية, الخضروات الورقية الخضرا.

قواعد العناية بالبشرة الكورية 6

7- الحلزون:

منتجات العناية بالبشرة الكورية دايما بيظهر فيها جديد كل فترة, ومن المكونات الطبيعية اللي بيستخدموها في منتجاتهم هي الحلزون, اللي بيحتوي على مجموعة من المكونات المفيدة جدا للبشرة زي الكولاجين, وحمض الهيالورونيك, والفيتامينات, والاملاح المعدنية, وكل الحاجات دي بتساعد على تجديد خلايا الجلد.

وبسبب التركيبة دي للحلزون فهو عنده القدرة على زيادة الكولاجين والايلاستين في البشرة, كمان ليه تأثير مضاد للالتهابات اللي بيساعد على تهدئة البشرة, وبيرطب البشرة وبيغطيها بطبقة عازلة رقيقة بيحفظ الرطوبة في البشرة ولكن في نفس الوقت بيسمح بمرور الاكسجين للبشرة وبيسمح للجلد انه يتنفس.

قواعد العناية بالبشرة الكورية 7

8- واقي الشمس:

التعرض للاشعة فوق البنفسجية واحدة من اسباب الشيخوخة المبكرة, لان انتاج الكولاجين بيبدأ يقل في خلايا الجلد لما بشرتك بتتعرض للاشعة فوق البنفسجية لفترة طويلة وده بيأدي ان الجلد يبقى ارق وتظهر التجاعيد, عشان كده واقي الشمس ضروري جدا لحماية البشرة لو بتقضي وقت طويل في الشمس لانه مش بس بيحمي البشرة من الشيخوخة ولكن كمان بيحميها من سرطان الجلد.

قواعد العناية بالبشرة الكورية 8

9- الكولاجين:

الكولاجين هو نوع من البروتين اللي بيحافظ على بنية البشرة, هو بيشبه تقريبا الاطار اللي بيربط المبنى كله مع بعض ومن غير الاطار ده المبنى كله هينهار, الكولاجين بيحافظ على مرونة الجلد ونضارة البشرة, والبشرة لما بتفقد الكولاجين هتبدأ تفقد مرونتها وثباتها, ولسوء الحظ ان مع التقدم في السن, بيقل انتاج الكولاجين بشكل كبير, وده السبب ان سيروم الكولاجين او اي منتج بيحتوي على الكولاجين ليه دور مهم جدا للبشرة لمنع الشيخوخة والتجاعيد.

قواعد العناية بالبشرة الكورية 9

10- الببتيدات:

زي ما قولنا في النقطة اللي فاتت الكولاجين مهم جدا لبشرتنا, وزي ما قولنا هو عبارة عن بروتين بيشبه سلسلة مصنوعة من عدة شرايح صغيرة والشرايح دي بتتسمى بالببتيدات, ولما الجسم بيكتشف انه بيدخله كمية زيادة من الببتيدات دي رسالة معناها ان الجلد بيفقد الكولاجين ويبدأ في انتاجه تاني, وده اللي احنا محتاجينه بالظبط, بمعنى تاني ان المنتجات اللي بتحتوي على الببتيدات بتساعد في تحفيز وزيادة انتاج الكولاجين.

ممكن تستخدمي المنتجات اللي بتحتوي في مكوناتها على الببتيدات, او  تحصلي عليه من المكملات الغذائية, او بعض الاطعمة زي البيض, اللبن, اللحوم, السمك والمحار, الفول والعدس, الصويا, الشوفان, بذور الكتان, القمح.

قواعد العناية بالبشرة الكورية 10

10 اسرار جمالية كورية كل بنت محتاجة تعرفهم

اسرار جمالية كورية
اسرار جمالية كورية

مقالات متعلقه

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

علاج بوتوكس طبيعي تعمليه في البيت بمكونات بسيطة

علاج بوتوكس طبيعي تعمليه في البيت بمكونات بسيطة