19 لون روج موضة لموسم الشتا السنة دي
زي ما كلنا عارفين ان كل موسم بتكون ليه الالوان الخاصة بيه او المناسبة ليه اكتر, وده بيكون في كل حاجة سواء اللبس, الوان الشعر, المانيكير, والوان المكياج, والنهاردة موضوعنا هيكون عن الوان الروج الموضة للشتا السنة دي المستوحاه من عروض الازياء العالمية.
الوان الروج الموضة للشتا:
1- اللون التوفي:
درجة من درجات اللون البني الغنية المناسبة جدا لموسم الشتا, ومن الالوان اللي المفروض تضيفيها لالوان الروج بتاعتك السنة دي.
2- لون التوت:
لون التوت يعتبر اختيار مثالي جدا لموسم الشتا وللبنات اللي بيحبوا الالوان الغامقة, وخصوصا لون التوت المايل للبنفسجي والوردي, بيطلع جميل جدا على الشفايف وممكن انه يليق بسهولة مع اي لبس عندك.
3- لون التوت الغامق:
درجة تانية من درجة اللون التوتي ولكن اغمق من الدرجة اللي فاتت, وبيحتل المرتبة الاولى في قايمة افضل الالوان الغامقة للموسم ده, ولونه كثيف وبيديكي لون غني من طبقة واحدة بس منه.
4- لون الكريز الغامق:
لو عايزة تجربي درجة اغمق من الدرجتين اللي فاتوا اللون ده هيكون الاختيار المثالي ليكي, ومن الالون المناسبة جدا لفصل الشتا.
5- اورانج دافي ومشرق:
اللون ده يعتبر من الالوان المفاجأة للموسم ده, ويعتبر اضافة مميزة جدا لمجموعتك في الشتا, لانه يعتبر واحد من الوان الروج الشتوية الجريئة وغير المتوقعة.
6- الروز الفاتح:
الروز الفاتح المايل للموف واحد من درجات الروج التريندي جدا للموسم ده, ومن الالوان المناسبة لاي حد.
7- الازرق الغامق:
لو عايزة تطلعي من الالوان التقليدية زي الاحمر والوردي, جربي اللون الازرق الغامق للوك جريء ومختلف.
8- اللون الارجواني:
درجة تانية ممكن تجربيها الموسم ده هو اللون الارجواني, من الالوان الشتوية الموضة للسنة دي.
9- اللون التوتي البنفسجي:
درجة تانية من درجات اللون التوتي المناسبة للموسم ده هو لون الروج التوتي البنفسجي, واللون ده مش موضة بس لفصل الشتا ولكن تقدري تعتمدي عليه في كل الفصول.
10- التوتي المحمر:
اللون التوتي بكل درجاته واخد نصيب الاسد لموضة الوان الشتوية السنة دي, وواحد من درجات التوت الموضة هو التوتي المحمر.
11- الارجواني الغامق:
درجة تانية من درجات اللون الارجواني وهو الارجواني الغامق من الالوان الشتوية المميزة جدا السنة دي.
12- اللون البيج البنفسجي:
في وسط الوان الروج الغامقة اللي هي اكيد مسيطرة على موضة الوان الروج السنة دي, هنلاقي لون ناعم وهو اللون البيج البنفسجي النيود اللي يعتبر اضافة رائعة جدا لالوان الروج في فصل الشتا.
13- الارجواني الفاتح:
الارجواني الفاتح لون جديد وعصري ومن الوان الروج الشتوية الموضة للسنة دي, والمناسب جدا للاعتماد عليه خلال فترة النهار.
14- لون التوت الغني:
زي ما قولنا ان درجات اللون التوتي من اكتر الدرجات الموضة السنة دي, ده درجة تانية من درجاته التريندي لموسم الشتا السنة دي.
15- اللون الاحمر:
ضيفي لمسة رومانسية لشفايفك باللون الاحمر, اللي يعتبر من الالوان الشتوية المثالية.
16- الاورانج المحمر الدافي:
بالاضافة لدرجات الروج التوتي الغامق الغني والاحمر الموضة للشتا, يجي اللون الاورانج الدافي المحمر من ضمن قايمة الوان الروج الشتوية اللي بيضيف حياة للشفايف في موسم البرد.
17- الموف الغامق:
الروج باللون الموف الغامق مع اندر تون بني من الالوان الشتوية الموضة جدا السنة دي.
18- البني الشوكولاتة النيود:
لون مثالي جدا لفصل الشتا, والمناسب اوي للون البشرة السمرا والمتوسطة.
19- اللون البرقوقي:
لون الروج البرقوقي كمان من الالوان اللي ليها شعبية كبيرة في فصل الشتا.
