7 أنواع من موضة ستايلات الأظافر في 2020 .. اعرفيهم وجربيهم
اهتمامك بأظافرك مش حاجة اختيارية لأنها جزء أساسي من جمالك، عشان كده مهم تبقى عارفة كل جديدة في موضة الاهتمام والعناية بالأظافر، في المقال ده هنقولك 7 أنواع من موضة ستايلات الأظافر في 2020 .. اعرفيهم وجربيهم
7 أنواع من موضة ستايلات الأظافر في 2020 .. اعرفيهم وجربيهم
1- الألوان الطبيعية وألوان النيود
درجات الألوان الكريمي والدرجات الطبيعية ودرجات النيود من أحلى ألوان موضة 2020 في المانيكير، لازم تجربيهم خصوصاً مع الستايلات الفورمال أو لو كنتي من محبين اللوك الطبيعي.
2- الألوان الفاتحة والفاقعة
الالوان الفاتحة والجريئة من موضة التمانينات زي الأصفر والبينك الفاقع والأزرق والبرتقالي كمان من أكتر الألوان المنتشرة في موضة السنة دي، لو كنتي بتحبي الستايلات الجريئة يبقى جربي الألوان دي، أو ممكن تجربي تعملي كل إصبع بلون.
3- الفرنش المخطط
المانيكير الفرنش المخطط أو الـ Revamped French Manicures بيعتبر من أحلى الستايلات خصوصاً لو كنتي بتدوري على لوك مودرن لكن طبيعي ومن غير تكلف أو بهرجة زيادة، جربي ترسمي خطوط أو أشكال بسيطة مع الفرنش عشان تعملي لوك عصري وجديد.
4- الاكسسوارات البسيطة
زيني أظافرك باكسسوارات بسيطة او رسومات وstickers على طبقة شفافة أو بأي لون تحبيه، إكسسوارات الأظافر بتعتبر تريندي جداً السنة دي.
5- المانيكير اللامع
هتشوفي كتير الألوان اللامعة المتدرجة خصوصاً في ألوان زي البينك الترابي، مناسب جداً لخروجات بالليل والسهرات والمناسبات مع السواريه.
6- الاخضر النيون
الألوان الفاقعة النيون خصوصاً اللون الأخضر كمان موضة جداً، تقدري تستخدميه على كامل مساحة الأظافر أو زي الفرنش مع طبقة من المانيكير بلون طبيعي أو نيود عشان يبقى في توازن بين الألوان، للوك عفوي وشبابي.
7- الأظافر البيضاوية Almond-Shaped Nails
شكل الأظافر البيضاوي هو المسيطر على موضة الأظافر في 2020، وده لأنه بيليق مع مختلف أنواع وألوان المانيكير وكمان مع معظم أشكال ألأظافر وأحجامها.
اعرفي معانا كمان الاظافر الزجاجية احدث تريند في موضة الاظافر..اعرفي معانا ازاي تعمليها