خليكي حذرة ومتحطيش المنتجات دي على وشك!

ريهام محمود
ريهام محمود
في
بشرة
4903

هل تعرفي ان في بعض منتجات التجميل ممكن انها تسببلك مشاكل لو حطتيها على وشك؟ السوق مليان بمنتجات مختلفة للعناية بالجلد, ولكن احيانا بنقع في غلطة اننا نستخدم منتج لمكان مش مخصص ليه, لان كل منتج بيكون معمول مخصوص بمكونات لمكان محدد للجسم والمفروض انك متجربيهوش على بشرة الوش, لان ده ممكن يسبب ظهور حبوب وتهيج البشرة, عشان كده النهاردة من خلال المقال بتاعنا هنقولك مجموعة منتجات متحطيهاش على وشك عشان تتجنبي المشاكل.

منتجات متحطيهاش على وشك:

1- شامبو الشعر:

الشامبو الخاص بغسيل الشعر مينفعش انك تستخدميه كغسول للوش او يلمس بشرتك وانتي بتغسلي شعرك, لان ده في النهاية هيسبب جفاف وتقشر البشرة, لان الشامبو المكونات اللي داخله فيه بتكون قوية على البشرة, وهتجرد بشرتك من الزيوت الطبيعية اللي بتفرزها, وتخليها جافة.

منتجات متحطيهاش على وشك 1
منتجات متحطيهاش على وشك 1

2- سبراي الشعر:

سبراي الشعر ممكن يكون في منكم سمع معلومة انه ينفع تستخدميه كبديل لمثبت المكياج, ولكن اكيد ده غلط جدا لانه معمول مخصوص للشعر مش للبشرة, وممكن انه يكون يحتوي على كحول ومواد كيميائية قاسية اللي هتسبب جفاف بشرتك.

منتجات متحطيهاش على وشك 2
منتجات متحطيهاش على وشك 2

3- كريم القدم:

لو مرطب الوش خلص من عندك, فممكن تفكري انك تجربي منتجات تانية كبديل زي كريم القدم, لكن احنا بنقولك ده غلط لان كريمات القدم مش مناسبة لبشرة الوش اللي بتكون رقيقة وحساسة وبتحتاج انواع كريم خفيفة, وكريمات القدم بتكون معمولة من مكونات تقيلة وغنية ممكن انها تسد مسام الوش, وممكن انها تحتوي كمان على مكونات تقشير كيميائية تبقى قاسية على الوش.

منتجات متحطيهاش على وشك 3

4- كريم الجسم:

كريم الجسم او اللوشن كمان من المنتجات اللي لازم تتجنبي استخدامها على الوش, لان جلد الجسم والوش مختلفين, وتركيبة كريم الجسم الغنية ممكن تسد مسام الوش وتخلي بشرتك دهنية, عشان كده الافضل انك تتجنبي ومتستخدميش للوش الا الكريم المرطب الخاص بالوش بس.

منتجات متحطيهاش على وشك 4

5- زيت جوز الهند:

اكيد قرينا كتير ان زيت جوز الهند بيحتوي على خصائص مضادة للجراثيم, واللي ممكن تكون مفيدة لحب الشباب, ولكن زيت جوز الهند دهني جدا وممكن انه يسد المسام, ولكن يستخدم ويبقى مفيد بس مع المناطق الجافة اوي في البشرة زي الكوعين والركبتين والشفايف, لكن متستخدميش زيت جوز الهند على الوش كله, وممكن تستخدميه للجسم لو جلدك جاف اوي ومحتاج ترطيب قوي.

منتجات متحطيهاش على وشك 5

مقالات متعلقه

10 نصايح من دكاترة الجلدية هتساعدك على تضييق المسام الواسعة

10 نصايح من دكاترة الجلدية هتساعدك على تضييق المسام الواسعة

الترتيب الصح لمنتجات العناية بالبشرة

الترتيب الصح لمنتجات العناية بالبشرة

7  منتجات تجميل دكاترة الجلدية ضافوها للقائمة السودا للمنتجات اللي ممكن تضر البشرة

7 منتجات تجميل دكاترة الجلدية ضافوها للقائمة السودا للمنتجات اللي ممكن تضر البشرة