اعرفي موضة الجاكت الطويل long coat في موسم شتاء 2020

آية حسان
آية حسان
1776

الجاكت الطويل قطعة أساسية في موسم الشتاء السنة دي وفي أي سنة، ولأن الجاكت قطعة مهمة وعملية وبنحتاجها طول الوقت في أيام البرد والشتاء، مهم  انك تعرفي ازاي تستثمري فيه كويس وتختاريه صح، لأنه مش كل يوم بنزل نشتري جاكت فلازم تبقي عارفه ايه الجديد في الموضة الخاصة بيه عشان يبقى ستايلك صح وtrendy، اعرفي موضة الجاكت الطويل long coat في موسم شتاء 2020

اعرفي موضة الجاكت الطويل long coat في موسم شتاء 2020 

97 1

الجاكت الفرو رغم انه بيعتبر قطعة ليها مظهر كلاسيكي شوية، إلا انه تريندي وموضة جداً في موسم الشتاء السنة دي، وهتلاقيه بألوان كتيرة مميزة ومختلفة، فلو كنتي من محبين الإطلالات الكلاسيكية، الجاكت الطويل الفرو هو القطعة المناسبة ليكي.

الجاكت الطويل الفرو
الجاكت الطويل الفرو

الجاكت الطويل كمان مش بس بيخلي اللوك بتاعك شكله شيك وأرستقراطي بلمسة واحدة، لكن  بيخليكي تحسي إنك متدفية وشكلك حلو وده بيخلي عندك ثقة في نفسك وفي جمال اللوك بتاعك،عشان كده وانتي بتختاريه لازم تعرفي اهم 3 حاجات أساسية لازم يكونوا مظبوطين فيه.

جاكت طويل
جاكت طويل

1- الطول : 

الطول لازم يكون مناسب لطولك انتي شخصيا، يعني مش أنه يكون طويل عليك في حالة لو انتي قصيرة، أو قصير عيكي في حالة لو كنتي طويله.. دايما اختاري الطول اللي يتناسب معاكي ومع شكل جسمك. يعني لو كنتي قصيرة فالجاكت الطويل المناسب ليكي هيكون طوله بيوصل لحد ركبتك أو تحتها بشبر واحد، وهبقى افضل لو لبستي معاه كعب عالي، اما لو كنتي طويلة فعندك حرية اختيار الطول اللي تحبيه. 

2-  المقاس: 

طبعا بديهي جداً أنه المقاس لازم يكون على قدك بالضبط، ماينفعش يكون أصغر أو over sized. 

3- الياقة العريضة: 

الياقة العريصة محببة جداً في الجاكت الجلد الطويل، لو لو كنتي مش محبينها ممكن تختاري الجاكت الفلات من غير ياقة وهيطلع شكله حلو برضه من غير أي مشاكل، مهم ديماً تلبسي الحاجة اللي انتي  مرتاحة فيها وبس. 

ستايلات مختلفة: 

الجاكت الطويل الفرو، البامب و المنفوح والمنقوش كمان موضة جداً السنة دي وبيعتبر شكلهم مميز، لو بتحبي اللوك المختلف ممكن تجربي منهم وهتلاقي اللوك بتاعك حلو جداً. 

اعرفي معانا كمان بالصور احدث ستايلات موضة لشتاء 2020

مقالات متعلقه

10 طرق تلبسي بيهم الستايل البوهو في الشتا

10 طرق تلبسي بيهم الستايل البوهو في الشتا

طرق تنسيق البالطو الطويل في الشتا..وستايلات بالصور تستوحي منها افكار

طرق تنسيق البالطو الطويل في الشتا..وستايلات بالصور تستوحي منها افكار

طرق انيقة لتنسيق ستايلات محجبات باللون البني

طرق انيقة لتنسيق ستايلات محجبات باللون البني