طرق تنسيق البالطو الطويل في الشتا..وستايلات بالصور تستوحي منها افكار

ريهام محمود
ريهام محمود
3110

البالطو الطويل من القطع الاساسية المناسبة لموسم الشتا, ولكن في بنات كتير ممكن يكونوا بيترددوا يلبسوه عشان مش بيعرفوا ينسقوه بطريقة صح, عشان كده احنا النهاردة جايبين لكل بنات حوا طرق تنسيق البالطو الطويل في الشتا, وستايلات بالصور تستوحي منها افكار للوك بتاعك.

طرق تنسيق البالطو الطويل في الشتا:

زي ما قولنا البالطو الطويل يعتبر قطعة اساسية المفروض تكون موجودة في دولابك في موسم الشتا, مش بس عشان بيدفي في الايام البرد, ولكن كمان بيضيف اناقة للوك.

الميزة في البالطو الطويل انك تقدري تنسقيه فوق اي حاجة في دولابك, ممكن يتنسق مع البنطلون الجينز والجلد, ولو انتي مش من محبات لبس البنطلون تقدري تنسقيه على الجيبات بكل سنتايلاتها سواء القصيرة او الطويلة.

عشان تكملي اللوك ممكن تنسقي معاه من فوق سويتر Oversized, turtleneck, او سويت شيرت.

بالنسبة للشوز تقدري تلبسي معاه سنيكرز للوك كاجوال, او انكل بوت او بوت برقبة متوسطة او طويل فوق الركبة للوك كلاسيك, ومتنسيش الشنطة تقدري تلبسي شنطة كروس او باك, او شنطة وسط صغيرة دي من الحاجات التريندي جدا واللي هنلاقيها منتشرة جدا بين البلوجرز المتخصصين في الفاشون.

تعالوا نشوف افكار بالصور لتنسيق البالطو الطويل:

مقالات متعلقه

القطع التريندي للموسم ده والقطع اللي خرجت من الموسم

القطع التريندي للموسم ده والقطع اللي خرجت من الموسم

ازاي تجددي دولابك وتخليه على الموضة

ازاي تجددي دولابك وتخليه على الموضة

ستايلات موضة للخريف والشتا السنة دي

ستايلات موضة للخريف والشتا السنة دي