10 طرق مثالية هتجبره يبقى ملتزم بعلاقته معاكي ويرتبط بيكي

بقلمريهام محمود فيحب visibility8156

هل حاسه ان الشخص اللي انتي مرتبطة بيه مش ملتزم في العلاقة؟ يبقى انتي في الحالة دي مش بتشتغلي صح على الحاجات اللي تخليه ملتزم من ناحيتك, عشان كده النهاردة هنساعدك في المهمة دي ونقولك ازاي تخلي شريكك يلتزم بالعلاقة, ويبقى جاد معاكي.

اتأكدي كده واسألي نفسك الاول هل بتدي فرصة للشخص اللي انتي مرتبطة بيه انه يفضل ملتزم بعلاقتك؟ اكيد انتي بتحبيه ومهمته بيه وبالتالي تصرفاتك معاه ممكن يكون فيها غلطات انتي مش واخدة بالك منها, عشان كده بنقولك حطي نفسك مكانه شوية وفكري بطريقته, هو اكيد بيكون متوقع منك انك تبقي فهماه, والوقت اللي بتقضيه معاه, والطريقة اللي بتكلميه بيها والاسلوب اللي بتعامليه بيه, كل حاجة في العلاقة ليها دور انه يخليه ملتزم معاكي.

لو لسه حيرانه ومش عارفة تعملي ايه, هنقولك في السطور اللي جايه تعمليي ايه عشان تخليه ملتزم معاكي بالعلاقة, ومعظم الحيل بسيطة جدا ويمكن تكوني بتعمليها ولكن محتاجة بس انك تعمليها بطريقة مختلفة.

ازاي تخلي شريكك يلتزم بالعلاقة:

1- متبقيش متاحه زيادة عن اللزوم:

انك دايما تبقي متاحه وموجودة اي وقت ده مع مرور الوقت هيخليكي تفقدي قيمتك عنده, ومش بنطلب منك انك تتجاهليه ولكن خلي في مساحة وابعدي شوية عنه, ولو انتي روحتي له على طول او كلمتيه في كل الاوقات اللي انتي بتحسي انه واحشك فيها, انتي كمان هتفقدي الشرارة من ناحيته في العلاقة, خليكي دايما فاكرة ده وحطاه في بالك.

ازاي تخلي شريكك يلتزم بالعلاقة
ازاي تخلي شريكك يلتزم بالعلاقة

2- افهميه وامتصي غضبه:

حاولي دايما تفهميه وتمتصي غضبه وتكوني متفاهمة وتتناقشي معاه, والخلاف او اختلاف وجهات النظر مطلوب بين الطرفين ولكن مش الخلاف اللي ممكن يدمر العلاقة, يعني لو حسيتي في اي خلاف او جدال بينكم انه الموضوع هيكبر ممكن تنسحبي او تقفلي الكلام فورا, وخدي وقتك عشان تدخلي في مناقشة هادية وتفهميه كويس, لان الخلافات ممكن تدمر وتقتل اي علاقة وهتخليه مش ملتزم معاكي لانه هيكون متردد وخايف من عدم تفهمك ليه.

ازاي تخلي شريكك يلتزم بالعلاقة

3- خدي المبادرة بتسوية اي خلافات:

اكيد مافيش حد هيبقى عايز ياخد المبادرة كل مرة ان هو اللي يصالح او يسوي الخلاف ويبقى كل مرة المجهود من طرف واحد بس, ولكن حاولي انك تبذلي مجهود اكتر من مره حسب الحاجة, خليكي صبورة واسمعيه, وبعدين اشرحي وجهة نظرك, اتكلمي معاه وناقشية ولكن بطريقة هادية, ممكن تعملي ده لما تحسي انه فعلا ضروري, ده هيخليكي اقوى قدامه وهتخليه يحس بغلطته لو هو فعلا غلط.

ازاي تخلي شريكك يلتزم بالعلاقة

4- متفضليش تتكلمي عن الالتزام:

الكلام عن الالتزام معاكي بشكل مستمر هيكون موضوع مش بس مزعج ولكن كمان هيعمل تأثير سلبي, دايما حطي توقعات قليلة, لو عايزة تبقي فعلا انسانة ناضجة فلزم يكون عندك توقعات اقل, حافظي على توقعات اقل هتكوني سعيدة اكتر في العلاقة, لان كل ما توقعاتك زادت ومحصلتش هيصيبك احباط وتبدأي انك تكلميه انه لازم يلتزم معاكي وده هيجيب نتيجة عكسية في العلاقة, ولكن لو توقعتي اقل وجت النتيجة اكتر من توقعاتك هيكون افضل بكتير وده هيقلل كمان من تصرفاتك الغلط معاه.

ازاي تخلي شريكك يلتزم بالعلاقة

5- العبي لعبة الاعتراف:

لو عايزة تعرفي حاجات اكتر عنه, وفي نفس الوقت مينفعش تسأليه بشكل مباشر, خدي فكرة لعبة الاعتراف, ده هيخليكي اقرب ليه, وهيخليكوا تتعرفوا على بعض اكتر, يعني متحاوليش تسحبي منه كل الاسرار مرة واحدة, لكن خلي الموضوع مسلي وممتع ولكن في نفس الوقت تعرفي اللي انتي عايزاه بالتدريج واحدة واحدة.

ازاي تخلي شريكك يلتزم بالعلاقة

6- اظهري حبك بالافعال مش بالكلام بس:

الكلام مش كفاية لاظهار الحب, الافعال اهم وافضل بكتير من الكلام, عشان كده ابدأي انك تبيني الحب ده بتصرفاتك معاه, حاولي انك دايما تفاجئية, المفاجأت ليها مفعول سحري في العلاقة لانها بتبين الحب بالفعل مش مجرد كلام.

ازاي تخلي شريكك يلتزم بالعلاقة

7- بيني له انبهارك بيه:

اكيد كل شخص بيحب المكافأة سواء بفعل او بكلمة حلوة, واكيد انتي لما تعملي ده معاه هيرجع لك وهو كمان هيعمله معاكي, فلما تحسي ان هو فعلا محتاج المكافأة والتقدير متتردديش انك تعملي ده, بيني انبهارك واعجابك وقت اللزوم, يعني ممكن تمدحي لبسه, او مظهره لو عامل لوك جديد, تمدحي موهبته او صفاته, يعني هتلاقي اسباب كتير جدا اللي تخليكي تبيني انبهارك واعجابك بيه.

8- اقفي جنبه:

اقفي جنبه لما يكون محتاجلك, الوقوف جنبه ودعمه وتشجعيه في الوقت اللي هو بيكون محتاج ده فعلا هتخليه ملتزم معاكي, لانه لو انتي بتسيبيه لوحده وقت الازمات وتخليه يواجه مشاكله لوحده, فاكيد مش من العدل انك تتوقعي منه انه يبقى ملتزم معاكي, اديه وقت ما يحتاج عشان في المقابل تلاقي الالتزام, اكيد حلو جدا وصحي تبادل الاحتياجات بين الطرفين في العلاقة.

9- متاخديش ان حبه ليكي امر مفروغ منه طول الوقت:

انك تفكري ان حبه ليكي امر مفروغ منه دي غلطة بنات كتير بيقعوا فيها, او انك تبدأي تختبري صبره معاكي في العلاقة, لان ده هيخليه يبعد عن فكرة الالتزام معاكي, عشان كده بننصحك لما تلاقي حبك او نصك التاني حاولي انك تعلمي توازن بحيث انك متبقيش متاحه اوي ليه وفي نفس الوقت متاخديهوش ان هو حاجة مضمونة ومش هتروح منك, حاولي انك تحبي بروحك واحساسك اوي, ده هيخليكي تظهري حبك ليه بالطريقة الصح وفي الوقت المناسب.

10- حبيه زي ما هو:

حبيه زي ما هو بكل حاجة فيه, ومتتوقعيش منه انه يغير نفسه عشانك, لازم تتقبلي العيوب وانه انسان مش كامل لانه مافيش حد كامل, عشان كده بننصحك انك تتوقفي عن توقع انه ممكن يتغير, ستايل لبسه, شكله, طبيعته, كل دي حاجات مش هتتغير والمفروض متقلقكيش, ولكن الحاجات اللي ممكن تقلقي منها او تهتمي انها تتغير هي انه يكون مثلا اقل توتر او عصبية, يبقى مسؤول اكتر, اسلوبه احسن, دي الحاجات اللي ممكن تتوقعي او تحاولي تغيرها, كل اللي يهم هو ايه وازاي عايزاه يتغير.

ايه هو الالتزام في العلاقة؟

الالتزام هو انه يوفي بكلمته معاكي, ويوفي بوعوده, ويحقق لك توقعاتك فيه, مهما كانت, ممكن يكون بانه يقضي وقت اكتر معاكي, او التزام اكبر وطويل الاجل وهو الزواج, الالتزام مهم في اي علاقة, والحب في النهاية هو التزام.

ليه الالتزام مش سهل على الراجل؟

ممكن تفكري ان المشكلة فيكي انتي او فيه هو, ولكن ممكن تكون المشكلة مش من الطرفين ممكن يكون في اشخاص تانية في حياته هما السبب,  ممكن يكون هو عايز يظهر حبه ليكي ولكن في حاجات بتمنعه زي مشاكل اسرية معينة او مشاكل شخصية, وبالتالي هو بيحتاج انه ياخد وقته ويديكي انتي كمان وقت تشوفي هل اسلوب حياته مناسب ليكي ولا لا, او يكون عايز يدي اهتمامه لشغله ومستقبله المهني اكتر في الفترة دي, وكل دي اسباب بتخليه مياخدش خطوة الجواز بسهولة, فلو انتي عايزاه فعلا ياخد الخطوة دي معاكي اديه وقته, عشان كده فكري ايه اللي ممكن يكون منعه انه ياخد الخطوة دي معاكي ويكون ملتزم ناحيتك.

وكل الطرق اللي احنا قولناها فوق هتقوي العلاقة بينكم اكتر, وهتخليه ملتزم في علاقتكم, واظهري له دايما انك مقدرة علاقتكم وعارفة قيمتها كويس, كل الحاجات دي بتخليه يتأكد ان انتي الانسانة المناسبة ليه او نصه التاني فعلا, وهيبقى ملتزم وجاد من ناحيتك في العلاقة.

7 علامات تقولك انه بيحبك حتى لو مقالهاش بشكل صريح