ازاي تعملي لاصقات حب الشباب بنفسك للتخلص من الحبوب خلال يوم واحد بس

ريهام محمود
ريهام محمود
في
بشرة
6343

طبعا مافيش حاجة محبطة اكتر من انه يكون عندك مناسبة او حاجة مهمة وتظهرلك حبايه في الوش والموقف ده بيحصلنا كلنا كتير, وفي الحالة مش بتعرفي تتصرفي ازاي لان الحبوب بيكون صعب انها تروح خلال يوم واحد, لكن احنا النهاردة عندنا حل سهل وسريع, وهي لاصقات حب الشباب, اللاصقات دي فعالة بشكل سريع جدا انها تخفف الحباية في ليلة واحدة, وهتمتص كل المادة اللي جواها وهتخلصك منها من غير ما تسيب اثر.

اللاصقات دي في الاساس هي من المنتجات الكورية, وكلنا عارفين المنتجات الجمالية الكورية بتكون فعالة قد ايه, ولكن بما انها مش بتكون متوفرة في كل مكان هنقولك على بديل ليها وليه نفس الفاعلية وهيديكي نفس النتيجة وهي ضمادات الهيدروكلويد او ” الضمادات الغروانية المائية”, والنوع ده من الضمادات او اللاصقات هتلاقيه متوفر في الصيدلية وهو وظيفته اساسا علاج الجروح والمساعدة في شفائها, ودلوقتي هنعرف مع بعض ايه هي بالظبط اللاصقات دي وازاي تستخدميها.

لاصقات حب الشباب 1
لاصقات حب الشباب 1

ازاي لاصقات حب الشباب بتشتغل على البشرة:

لاصقات حب الشباب دي وظيفتها انها بتساعد على استخراج واحتواء الرطوبة من الحباية, وفي بعض اللاصقات دي بتحتوي على مواد فعالة لعلاج الحبوب زي AHAs و BHAs, حمض الجليكوليك, حمض الساليسيليك, والميزة في اللاصقات دي انها فعالة على اي شكل من اشكال الشوائب على البشرة زي البثور, الرؤوس السودا, حتى حب الشباب الكيسي اللي يعتبر من اصعب انواع حب الشباب, وتقدري حتى تستخدميها للتخلص من الرؤوس السودا على الانف كبديل للاصقات الخاصة بالانف.

لاصقات حب الشباب 4
لاصقات حب الشباب 4

ليه لاصقات حب الشباب فعالة:

لاصقات حب الشباب مش بس سعرها وتكلفتها مناسب, وبتديكي نتيجة سريعة في التخلص من الحبوب خلال ليلة واحدة, ولكن كمان بتحمي البثور من الاوساخ والبكتيريا اللي موجودة في الجو, وكمان من ضوء الاشعة فوق البنفسجية, واللي ممكن تزود من تصبغ الجلد وتأدي لندبات, بالاضافة كمان ان اللاصقات بتمنعك انك تلعبي في الحبوب واللي ممكن يأدي لتوسيع الحباية ويخلي حالتها اسوأ, واللاصقة تقدري تحطيها خلال اليوم وتحطي فوقيها المكياج عادي من غير ما تقلقي من اي منتج انه ممكن يسببلك تهيج للجلد, ده غير انها كمان مضادة للمية يعني تقدري تغسلي وشك عادي وانتي حطاها.

لاصقات حب الشباب 2

ازاي تستخدمي لاصقات حب الشباب:

زي ما قولنا هتجيبي لاصق او ضمادة غروانية مائية من الصيدلية, هتقصي منها جزء على شكل دايرة على قد الحجم الحباية, واتأكدي انها كبيرة كفاية عشان تغطي الحباية كلها, اغسلي بشرتك بمية دافية وغسول ونضفيها كويس, ونشفيها بفوطة نضيفة, وبعدين حطي اللاصق على الحباية, ولو اللاصق من الانواع اللي مالوش ناحية بتلزق على الجلد ممكن تثبتيه من الاطراف بشريط لاصق طبي, سيبي اللاصق على الحباية طول الليل, وبدليها الصبح بواحدة جديدة لو محتاجة تاني, الصبح هتلاحظي ان حجم الحباية قل واللاصق امتص المادة اللي كانت جوه الحبايه والالتهابات اللي حواليها.

من العلامات التجارية المتوفر فيها اللاصقات دي هنلاقي “جونسون” و “نيكس كير” و “ديوديرم”.

لاصقات حب الشباب 3

مقالات متعلقه

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

4 طرق بسيطة لازالة الرؤوس السودا عن طريق تعديل نظامك الغذائي

4 طرق بسيطة لازالة الرؤوس السودا عن طريق تعديل نظامك الغذائي