خدعة ورق الفويل للحصول على شعر كثيف وقوي وصحي

ريهام محمود
ريهام محمود
في
شعر
2595

اكيد كلنا بنتمنى شعر صحي وكثيف وبيلمع بشكل طبيعي, ولحسن الحظ ان في خدعة ممكن تحققلك ده, اولا السر في المكونات الطبيعية اللي بتوفر افضل العناصر والمغذيات للشعر, وتاني حاجة زيادة فاعلية المكونات دي على الشعر بالحيلة بتاعتنا النهاردة وهي استخدام ورق الفويل او الالومنيوم, والنهاردة من خلال السطور الجايه هنقولك طريقة استخدام ورق الفويل للشعر عشان توصلي لشعر كثيف وقوي وصحي.

طريقة استخدام ورق الفويل للشعر:

شعرنا طبيعي بيتأثر بالعوامل الخارجية زي الجو والتلوث, والكلور في المية, والمواد الكيميائية اللي موجودة في معظم منتجات الشعر, وكلنا محتاجين اننا نتخلص من تأثير كل الحاجات اللي شعرنا بيتعرض لها عشان نرجعه تاني صحي وكثيف.

دلوقتي هنشوف مع بعض ماسك للشعر بمكونات طبيعية, وازاي تستخدمي معاه ورق الفويل “الالومنيوم” عشان يديكي نتيجة افضل.

الحاجات اللي محتاجاها:

– 1 ليمونة, او برتقان, او جريب فروت.

– 1 ثمرة موز.

– 2 لتر لبن.

استخدام ورق الفويل للشعر 1
استخدام ورق الفويل للشعر 1

طريقة التحضير:

اعصري الليمون او البرتقان او الجريب فروت حسب اللي انتي اختارتيه او متوفر عندك وهتستخدميه في الماسك, وبعدين في الخلاط حطي العصير مع الموز واللبن واضربيهم مع بعض كويس, لحد ما يبقى عندك خليط ناعم وسلس من غير اي كتل, حطي الخليط على الشعر كله من الجذور للاطراف, ودلكيه كويس في فروة الراس من 2 – 3 دقايق وبعدين غطيه بورق الالومنيوم, سيبيه على الشعر لمدة 30 دقيقة, وبعدها اغسليه بالشامبو بالطريقة العادية.

هتلاحظي نتيجة فورية من اول استخدام, هتلاقي شعرك بقى رطب وطري اكتر وبيملع ومع الاستمرار في الاستخدام هيساعد على تكثيف وتقوية الشعر, بالاضافة انه بيساعد على علاج قشرة الشعر, وبينضف فروة الراس.

كرري الماسك مرتين على الاقل في الاسبوع لافضل النتايج.

فايدة ورق الفويل مع الماسك ده هو انه بيساعد على تحسين امتصاص شعرك وفروة راسك للعناصر والفيتامينات اللي موجودة في مكونات الماسك, وبالتالي ده هيساعد على زيادة فاعلية الماسك وهيديكي نتيجة افضل واسرع.

استخدام ورق الفويل للشعر 2
استخدام ورق الفويل للشعر 2

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

4 فيتامينات ومعادن محتاجاهم للحصول على شعر قوي وصحي

4 فيتامينات ومعادن محتاجاهم للحصول على شعر قوي وصحي

طريقة عمل شامبو البيض الطبيعي المغذي للشعر في البيت

طريقة عمل شامبو البيض الطبيعي المغذي للشعر في البيت