لو جفونك دهنية ومش بيثبت عليها المكياج انتي محتاجة تعرفي ال 5 نصايح دول

بقلمريهام محمود فيمكياج visibility514

صاحبات الجفون الدهنية دايما بيعانوا من عدم ثبات مكياج العيون وانه دايما بيسيح بسرعة, والنهاردة من خلال موضوعنا هنساعدك في حل المشكلة دي وهنقولك نصايح لمكياج الجفون الدهنية عشان تحافظي على مكياجك ثابت.

نصايح لمكياج الجفون الدهنية:

1- استخدمي المنتجات اللي بتدوم فترة طويلة:

المنتجات اللي بتدون فترة طويلة تعتبر ضرورية للجفون الدهنية بشكل خاص, دايما دوري على المنتجات اللي بيكون ثباتها 24 ساعة, خصوصا في الماسكارا والايلاينر, حاولي انك تشتري الانواع المضادة للمية لان ثباتها بيكون عالي ومش بتسيج وبتدوم فترة طويلة.

نصايح لمكياج الجفون الدهنية
نصايح لمكياج الجفون الدهنية

2- استخدمي مناديل امتصاص الدهون:

اوراق امتصاص الدهون الزيادة هي الطريقة السريعة والفعالة لانقاذ البشرة الدهنية من لمعان نص اليوم اللي بيحصل عادة للبشرة الدهنية, لانها بتزيل الزيوت في ثواني من خلال امتصاص الزيت من على سطح البشرة, والاهم من ده انها بتمتص الزيوت من غير ما تأثر على المكياج او تمسحه, وبطبيعة الحال لو انتي ضغطي على الجفون بمنديل امتصاص الدهون قبل ما تحطي مكياج العين هيأدي لازالة اي بقايا دهنية, وده هيخلي الجفون نضيفة ومستعدة لمكياج ثابت طول اليوم.

نصايح لمكياج الجفون الدهنية

3- استخدمي برايمر للعين:

لو مش متوفر عندك ايشادو برايمر, تقدري تستخدمي اي نوع برايمر متوفر عندك, البرايمر وظيفته انه بيحافظ على منطقة ال T-Zone خالية من الزيوت, ونفس الشيء بينطبق على الجفون, حطي نقطة واحدة من البرايمر فوق الجفون قبل المكياج, هيمتص الزيوت الزيادة وهيسيطر على افراز الزيوت طول اليوم, لكن خليكي حذره مع البرايمر ومتستخدميش منه كمية كبيرة, كمية بسيطة منه هتكون كافية وهتأدي الغرض, لان الكمية الكبيرة منه ممكن تأدي لتهيج الجلد حوالين العين, ولازم كمان تتأكدي ان البرايمر آمن للاستخدام لمنطقة حوالين العين.

نصايح لمكياج الجفون الدهنية

4- استخدمي البودر:

زي ما البودر مهمة عشان تثبت الفونديشن على البشرة طول اليوم, الموضوع نفسه بينطبق على الجفون, بمجرد ما تحطي طبقة رقيقة من الفونديشن فوق الجفون هاتي سفنجة المكياج خدي بيها كمية من البودرة واضغطي بيها على الجفون, الحركة دي بتمنع فورا تجاعيد فوق العين وبتعمل قاعدة ثابتة لمكياج العيون, وممكن بدل السفنجة تستخدمي فرشة صغيرة لتطبيق البودر بالضغط الخفيف فوق الجفون, تقدري تستخدمي اي نوع بودرة شفافة سايبة او بودرة مضغوطة مناسبة للون بشرتك.

5- استخدمي ايشادو سائل:

الايشادو السائل الغير لامع منتج رائع جدا للجفون الدهنية, استخدمي درجة تكون نفس لون جفونك وطبقيها على الجفن كله, ده بيعمل قاعدة للايشادو او الايلاينر بتاعك, وبيضمن ثباته طول اليوم.

14 حيلة للايشادو هتحولك من مبتدئة لمحترفة