10 وصفات طبيعية سهلة لعلاج مشكلة تراجع اللثة

بقلمريهام محمود فيصحة visibility245

تراجع اللثة هو المصطلح الطبي اللي بيوصف حالة تراجع حدود او خط اللثة المحيط بالسن, وبيظهر جزء اكبر من السن, او جذره, وتراجع اللثة ممكن ينتج عنه ثغرات, تسهل نمو البكتيريا المسببة للامراض, ولو اتسابت من غير علاج, ممكن انها تسبب ضرر شديد في نسيج اللثة وعظام الاسنان, وممكن تأدي في النهاية لفقد الاسنان, عشان كده النهاردة من خلال موضوعنا هنقولك وصفات طبيعية هتساعدك على علاج تراجع اللثة.

مشكلة تراجع اللثة هي مشكلة شائعة في الاسنان, وفي الغالب معظم الناس مش بيلاحظوا انهم بيعانوا من تراجع اللثة لانه بيحصل بشكل تدريجي مش ملحوظ, ولكن اول علامة ممكن تقول انك بتعاني من تراجع اللثة وتنبهك هي حساسية الاسنان للحاجات الباردة والسخنة بشكل كبير, او تحسي ان في سن اطول من الاسنان اللي جنبه, ممكن تلاحظي وجود نتوء او ثغرة قريب من خط اللثة.

اسباب مشكلة تراجع اللثة:

في اسباب كتير لمشكلة تراجع اللثة.

العامل الوراثي: تعتبر من اول اسباب مشكلة تراجع اللثة, الدراسات اثبتت ان حوالي 30% من سكان العالم معرضين لخطر الاصابة بامراض اللثة بشكل كبير بسبب تركيبتهم الجينية او العامل الوراثي.

تفريش الاسنان بقوة: ممكن تنضيف الاسنان بالفرشة بشكل قوي يأدي لتآكل مينا الاسنان, وده بدوره بيأدي لتراجع اللثة.

عدم العناية الكافية بالاسنان: عدم انتظام تنضيف الاسنان بالفرشة, والخيط, وعدم غسلها كويس, ده بيأدي لنمو البكتيريا في الفم, وتراكم البكتيريا بيأدي للجير, ودي بتكون مادة صلبة مينفعش ازالتها الا بتنضيف الاسنان.

التحولات الهرمونية: التقلبات في مستويات الهرمون الانثوي بما فيهم انقطاع الدورة الشهرية والحمل والبلوغ, ممكن انها تخلي اللثة حساسة اكتر, واللي ممكن تأدي بعد كده لمشكلة تراجع اللثة.

امراض اللثة: التهابات اللثة البكتيريه بتدمر انسجة اللثة والعضم المحيط بالنسيج, وامراض اللثة تعتبر من الاسباب الرئيسية لمشكلة تراجع اللثة.

علاج تراجع اللثة
علاج تراجع اللثة

علاج تراجع اللثة بوصفات طبيعية:

1- غسول ملح البحر:

مجرد غسل الفم بخليط مية دافية مع الملح تعتبر واحدة من اسهل الطرق لتقليل مشكلة تراجع اللثة والألم والالتهابات.

كل اللي هتعمليه دوبي كمية صغيرة من ملح البحر في كوباية مية دافية, ومضمضي بالخليط لمدة 15 ثانية تقريبا وبعدين اتخلصي من المية, كرريها من 2 – 3 مرات خلال اليوم لافضل النتايج.

علاج تراجع اللثة

2- زيت السمسم:

التنضيف بزيت السمسم ليه فوايد كتير جدا على اللثة والاسنان, لانه زيت السمسم بيحتوي على خصائص قوية مضادة للالتهابات ومضادة للجراثيم.

هاتي معلقة كبيرة من زيت السمسم مضمضي بيها لمدة 15 دقيقة تقريبا, او لحد ما الزيت يبقى سمكه او قوامه اخف, اتخلصي من الزيت, واشطفي الفم بمية نضيفة, كرري الطريقة دي يوميا لمدة شهر تقريبا.

علاج تراجع اللثة

3- شاي البابونج:

زهرة البابونج بتحتوي على خصائص مطهرة قوية وبتساعد على تقليل الالتهابات المصاحبة لمرض تراجع اللثة.

ضيفي من 2 – 3 معالق صغيرة لكوباية مية سخنة, سيبيي المزيج منقوع لمدة 10 دقايق, وبعدين صفيه وسيبيه يبرد ومضمضي بيه, كرريه 3 مرات في اليوم.

علاج تراجع اللثة

4- زيت شجرة الشاي:

زيت شجرة الشاي بيحتوي على خصائص مضادة للالتهابات ومضادات حيوية, والدراسات اثبتت ان الاستخدام المنتظم لزيت شجرة الشاي ممكن انه يساعد على تقليل نزيف اللثة والتهاب اللثة.

ضيفي من 1 – 2 نقطة من زيت شجرة الشاي على فرشة الاسنان, او امزجيها مع معجون الاسنان, وادعكي اسنانك بيه مرتين في اليوم.

علاج تراجع اللثة

5- زيت جوز الهند:

زيت جوز الهند مفيد كعلاج فعال لامراض اللثة, ولما يتخلط بالكربوناتو, هيساعد على التخلص من الاحماض المسببة للبكتيريا.

كل اللي هتعمليه اخلطي 2 معلقة كبيرة من زيت جوز الهند والكربوناتو, الخليط ده يعتبر بديل لمعجون الاسنان, استخدميه من مرة او مرتين في الاسبوع لحد ما تنتهي المشكلة.

علاج تراجع اللثة

6- المر “اللبان الدكر”:

المر او اللبان الدكر بيوصي بيه بشدة لعلاج التهاب اللثة.

حطي من 10 – 12 نقطة من زيت المر في كوباية مية دافية, استخدمي الخليط ده كغسول للفم في روتين تنضيف الاسنان اليومي.

7- عصير التوت البري:

عصير التوت البري بيحتوي على نسبة عالية من فيتامين C ومضادات الاكسدة اللي تعتبر ممتازة جدا في علاج مشاكل الفم, وعصير التوت اثبت فعاليته في علاج مشكلة تراجع اللثة والتهابات الفم, والدراسات اثبتت ان انخفاض مستوى فيتامين C مرتبط بزيادة خطر الاصابة بأمراض اللثة.

شرب 118 مل تقريبا من عصير التوت يوميا ممكن انه يساعد على منع تراكم البكتيريا وتصلبها على الاسنان, كمان من المصادر التانية اللي بتحتوي على فيتامين C المفيدة للاسنان واللثة البرتقان, الجريب فروت, الليمون, الفراولة, البابايا, البروكلي, الفلفل الاحمر.

8- الشاي الاخضر:

الشاي الاخضر بيحتوي على مركبات بتساعد على تعزيز صحة الاسنان واللثة, واثبتت الدراسات ان شرب فنجان من الشاي الاخضر يوميا بيقلل من عمق جيوب اللثة, وبيحسن ارتباط اللثة بالاسنان, وبيقلل من نزيف اللثة, وكل ما زاد استهلاك كمية اكبر من الشاي الاخضر النتايج هتبقى افضل.

والشاي الاخضر مع عصير التوت البري يعتبروا افضل منتجين ممكن تشربيهم لتعزيز صحة اللثة.

9- مكمل غذائي سبتيلين:

السبتيلين اثبت فعاليته لتعزيز المناعة, وبيحتوي على مزيج من المركبات اللي بتدعم نظام المناعة, وبتقلل كمان من الالتهابات.

والدراسات اثبتت ان المكملات الغذائية مع السبتيلين بتساعد على تحسين نتايج علاج اللثة في 3 اسابيع بس.

10- الخيط:

غير الخلطات والغسول والزيوت, خيط الاسنان المصنوع من خامات طبيعية بيساعد على تقليل البكتيريا والبلاك زي بالظبط طريقة التنضيف بالزيوت.

ومش لازم تستخدمي الخيط بشكل يومي, ممكن تستخدميه كام مرة بس في الاسبوع هيكون كافي جدا للحفاظ على نضافة الفم, وعلاج مشكلة تراجع اللثة.

10 علاجات طبيعية تعمليهم في البيت هتخلصك من ألم الاسنان

علاجات طبيعية لألم الاسنان