ازاي تلبسي نقشة المربعات بطريقة انيقة زي البلوجرز

بقلمريهام محمود فيموضة وأزياء visibility377

نقشة المربعات من اكتر النقشات المناسبة لفصل الشتا والخريف, والنهاردة من خلال موضوعنا هنقولك ازاي تلبسي نقشة المربعات بطريقة انيقة وشيك وتنسقيها مع لبسك بطريقة صح.

ازاي تلبسي نقشة المربعات:

– قميص مربعات مع الكارديجان:

اللوك ده يعتبر مثالي جدا لايام البرد, الكارديجان الصوف هيديكي التدفئة اللي انتي عايزاها, والقميص المربعات هيضيف لمسة لون على اللوك, ممكن تنسقي نقشة مربعات ابيض واسود مع اي لون كارديجان, عشان كده القطعة دي المفروض تكون موجودة في دولابك.

ازاي تلبسي نقشة المربعات
ازاي تلبسي نقشة المربعات

– بونشو مربعات مع تيشرت او قميص:

لو معندكيش بونشو مربعات في دولابك, بننصحك انك تروحي تشتريه وتضيفيه للدولاب بتاعك, لانك تقدري تنسقيه باكتر من طريقة وتعملي بيه اكتر من لوك وهيضيف اناقة للوك بتاعك وهيدفيكي في نفس الوقت في الايام البرد, ممكن تلبسي معاه قميص ابيض بسيط او بلوزة Turtleneck او تيشرت مع جينز.

ازاي تلبسي نقشة المربعات
ازاي تلبسي نقشة المربعات

ازاي تلبسي نقشة المربعات

ازاي تلبسي نقشة المربعات

– جيبة مربعات مع جاكت جلد اسود:

لو عايزة لوك عصري اكيد مش هيفوتك الستايل ده, جيبة مربعات قصيرة مع جاكت جلد اسود وكملي اللوك مع بوت برقبة عالية فوق الركبة, او مع جيبة طويلة مع بوت هاف.

– نقشة المربعات مع الوان جريئة:

اكيد مش لازم تلبسي الالوان الاساسية بس مع نقشة المربعات, متتردديش انك تنسقيه مع الوان جريئة ومختلفة وتظهري اللوك بتاعك, زي الستايل اللي قدامنا في الصورة كده ممكن تنسقي بين الجيبة المربعات باللون الاخضرالغامق مع سويتر باللون المسطردة.

ازاي تلبسي نقشة المربعات

– نقشة مربعات باللون الاحمر مع بوت بني:

من احلى واشيك اللوك لفصل الشتا, القميص المربعات باللون الاحمر مع الجينز والبوت الطويل باللون البني او الجملي.

ازاي تلبسي نقشة المربعات

– نقشة المربعات مع الستايل الطبقات بالوان محايدة:

ستايل الطبقات من اكتر الستايلات المناسبة لفصل الشتا, ونقشة المربعات هتبرز اللوك , والالوان المحايدة هتهدي اللوك كله, يعني هتعملي توازن بان تبرزي اللوك بتاعك بطريقة هادية واليجانت.

ازاي تلبسي نقشة المربعات

– ادمجي بين تصميمين بنقشة المربعات:

مين قال انه مينفعش ندمج نقشتين مربعات مع بعض, لو حافظتي على باقي اللوك محايد تقدري تعلمي ده, وتدمجي تصميمين من نقشة مربعات مختلفة مع بعض, ممكن في بنات تبقى مترددة شوية تعمل اللوك ده, بس عشان تبقي في منطقة الامان واللوك يطلع حلو اختاري النقشتين المربعات تكون بلون وحجم مختلف ولكن متناسقين مع بعض في نفس الوقت, الحيلة دي هتخلي اللوك يطلع بشكل حلو ومميز.

ازاي تلبسي نقشة المربعات

او ممكن تضيفي اكسسوار واحد للوك, زي اللوك اللي قدامنا كده ممكن تنسقي توب سادة مع الجيبة المربعات, وتنسقي معاهم شنطة مربعات بالاحمر والاسود.

ازاي تلبسي نقشة المربعات

تعالوا نشوف مع بعض مجموعة ستايلات مختلفة لنقشة المربعات:

5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم

5 حيل لتغيير اللوك سهلة وبسيطة هيخلوا شكلك يبان أحلى
5 حيل لتغيير اللوك سهلة وبسيطة هيخلوا شكلك يبان أحلى