8 وصفات طبيعية هتخلصك من غمقان وبقع الابطين بشكل سريع جدا

بقلمريهام محمود فيبشرة visibility1088

الغمقان والبقع في منطقة الابطين من المشاكل اللي بيعاني منها كتير من البنات, والمشكلة دي غالبا بتحصل بسبب حالة جلدية معروفة باسم Nigricans واللي بتسبب غمقان البشرة, والنهاردة من خلال موضوعنا هنقولك وصفات طبيعية  لتفتيح الابطين وعلاج البقع.

وصفات طبيعية لتفتيح الابطين:

1- وصفة خل التفاح والكربوناتو:

المكونات:

2 معلقة صغيرة من خل التفاح.

2 معلقة صغيرة كربوناتو.

الطريقة:

اخلطي خل التفاح مع الكربوناتو, ولازم تسيبيه لحد ما الخليط يبدأ يعمل فقاعات, اول ما الفقاعات تهدى, حطي الخليط على منطقة الابطين وسيبيه لحد ما ينشف, سيبيه لمدة دقايق وبعدين اغسليه بالمية الباردة.

كرري الوصفة 3 مرات في الاسبوع.

وصفات طبيعية لتفتيح الابطين
وصفات طبيعية لتفتيح الابطين

2- مية الورد والكربوناتو:

المكونات:

مية ورد.

كربوناتو.

الطريقة:

اعملي عجينة سميكة من مية الورد والكربوناتو, حطي العجينة على منطقة الابطين, وسيبيها لمدة 10 دقايق, وبعدين اغسلي المنطقة بمية باردة.

كرري الوصفة مرتين في الاسبوع.

وصفات طبيعية لتفتيح الابطين

3- اللبن والكركم والعسل:

المكونات:

1 معلقة كبيرة لبن.

1 معلقة صغيرة كركم.

1 معلقة صغيرة عسل.

الطريقة:

اخلطي المكونات كلها مع بعض, حطي الخليط على منطقة الابطين وسيبيه لحد ما ينشف, وبعدها اغسليه بالمية.

كرري الوصفة 3 مرات في الاسبوع.

وصفات طبيعية لتفتيح الابطين

4- السكر البني وزيت الزيتون:

المكونات:

3 معالق كبيرة سكر بني او سكر ابيض.

2 معالق كبيرة زيت زيتون.

الطريقة:

اخلطي السكر مع زيت الزيتون واعملي سكراب بالخليط لمنطقة الابطين لمدة دقيقتين, وبعدين سيبيه 5 دقايق كمان, بعدها اغسلي المنطقة بمية فاترة.

كرريه مرتين في الاسبوع.

وصفات طبيعية لتفتيح الابطين

5- زيت اللوز:

كل اللي محتاجاه كام نقطة من زيت اللوز, واعملي بيهم مساج لمنطقة الابطين لمدة من 8 – 10 دقايق, وسيبيه على البشرة عادي من غير ما يتغسل لتاني يوم.

كرري الوصفة يوميا.

6- وصفة الطين والليمون:

المكونات:

2 معلقة كبيرة طين بشرة “متوفر عند العطار”.

1 معلقة صغيرة عصير ليمون.

مية.

الطريقة:

اخلطي الطين وعصير الليمون وضيفي المية بالتدريج لحد ما يتكون عندك خليط ناعم سهلة الفرد على البشرة, حطي الخليط على منطقة الابطين وسيبيه لمدة 15 دقيقة, وبعدها اغسليه مبية فاترة.

كرري الوصفة مرتين في الاسبوع.

7- وصفة البطاطس:

المكونات:

1 ثمرة بطاطس متوسطة.

الطريقة:

قشري البطاطس وابشريها, اضغطي على بشر البطاطس على مصفى او في قطعة شاش واستخرجي منها العصير, ادهني منطقة الابطين بعصير البطاطس, سيبيه لمدة 15 دقيقة وبعدين اغسليه بمية باردة.

كرري الوصفة مرتين في اليوم, مرة الصبح ومرة بالليل قبل النوم.

8- زيت شجرة الشاي والمية:

المكونات:

من 4 – 5 نقط من زيت شجرة الشاي.

1 كوباية مية.

الطريقة:

في ازازة ببخاخ اخلطي المية مع زيت شجرة الشاي, رجي الازازة عشان تخلطي المكونات مع بعض كويس, رشي من الخليط على منطقة الابطين وسيبيه لحد ما ينشف.

كرري الوصفة يوميا.

ليه لازم تعملي ديتوكس لمنطقة تحت الابطين..وازاي تعمليه

طريقة ازالة السموم من تحت الابطين
طريقة ازالة السموم من تحت الابطين