5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم

بقلمآية حسان فيموضة وأزياء visibility265

كلنا بتمر علينا أوقات بنقف قدام الدولاب ونبقى حاسين انا مش لاقيين حاجة نلبسها  في كل خروجتنا، وخصوصا في الخروجات المهمة. مع ان ده مش حقيقي، كل اللي محتاجة تعمليه هو انك تعرفي ازاي تطوري وتجددي من اللبس اللي عندك وتستغليه صح، واحنا هنقولك في المقال ده ..  اعرفي معانا 5 حيل لتغيير اللوك سهلة وبسيطة هيخلوا شكلك يبان أحلى تخلي كل طقم كأنه جديد

5 حيل لتغيير اللوك سهلة وبسيطة هيخلوا شكلك يبان أحلى

1- الشال : 

الشال أو السكارف التقيل من أهم القطع الأساسية اللي لازم تكون موجودة عندك في الشتاء، لان الشال مش بس عشان تلفي بيه نفسك عشان الدفاء لكن له أكتر من ستايل تقدري تعمليهم، من أهمهم أنك تستخدميه فوق البلوزة مع حزام شيك عشان تعملي لوك أحلي بخطوة بسيطة. 

الشال

2- الجاكت:

مين قال ماينفعش تلبسي دريس في الشتاء؟ بالعكس الدريس من القطع اللطيفة المحبوبة جدا في الشتاء وممكن بسهولة تستغلي فساتين الصيف وتحوليها لفساتين شتوية بانك تلبسي معاها جاكت قصير، خصوصا لو جلد أو جينز. 

الجاكت

3- البلوفر: 

حولي البلوفر السادة بتاعك لقطعة ملابس على الموضة وtrendy بلمسة بسيطة من الاكسسوارات وتغيير بسيط في الشوز،  البسي عقد او كوليه كبير وشكله واضح أو سلسلة طويلة او حلق مميز مع البلوفر السادة عشان تبرزيه أكتر، وممكن تستبدلي الشوز العادي ببوت بكعب بسيط مع تنية صغيرة للجينز عشان تخلي الطقم يبان شكله أحلى. 

حيل لتغيير اللوك
البلوفر

4- البوت القصير: 

طبعا احنا متفقين ان مفيش شوز مريح وعملي اكتر من السنيكرز، لكن البوت الشتوي كمان خصوصا اللي رقبته قصير أو الـ ankle boots من أهم الشوزات اللي لازم تكون موجود منها عندك في الشتاء، جربي تلبسي ankle boot بلون جملي مع الجينز والستايلات الكاجوال زي ما باين في الصورة عشان تعملي لوك شتوي stylish أكتر. 

البوت القصير

5- بلايزر: 

البلايزر كمان بيعتبر من أسهل الطرق اللي تقدري ترفعي بيها من مستوى أي طقم عايزة تلبسيه، كل الل محتاجه تعمليه هو انك تلبسي بلايزر slim بلون مطرقع وواضح وترفعي الكم لفوق شوية مع أي جينز وقميص أو يشيرت تحبيه وبوت مناسب برقبة قصيرة، وبس كده بقيتي جاهزة.. 

بلايزر

اعرفي معانا كمان 6 ستايلات من الشوز الشتوي مش BOOTS تجربيهم الموسم ده