روتين للعناية بالشعر في 3 خطوات سهلة للحصول على شعر طويل وصحي

بقلمريهام محمود فيشعر visibility471

النهاردة هنشارك مع كل بنات حوا روتين للعناية بالشعر من 3 خطوات بس سهل وبسيط وبمكونات كلها طبيعية موجودة في البيت, هيساعدك على الحصول على شعر طويل وقوي وكثيف وصحي.

روتين للعناية بالشعر:

1- مساج الزيت مرتين في الاسبوع:

مساج الزيت يعتبر من اكتر الخطوات المهمة لشعر صحي وطويل.

استخدمي زيت جوز الهند مرتين في الاسبوع, ولمنع تساقط الشعر ممكن تستخدمي خليط من زيت الزيتون وزيت الخروع مع بعض بكميات متساوية.

لو شعرك جاف وهايش ممكن تستخدمي زيت الارجان.

ولو بتعاني من قشرة الشعر ممكن تضيفي كمية من عصير الليمون مع زيت جوز الهند, وتسيبيه طول الليل وتغسليه الصبح.

الطريقة لاي نوع زيت من اللي احنا قولناهم بسيطة جدا, خدي من الزيت على ايدك ودلكيه على فروة الراس باطراف صوابعك وغطي الشعر كله بالزيت لحد الجذور لمدة من 5 – 10 دقايق, لان التدليك ده بيزود الدورة الدموية وبيأدي لنمو الشعر.

روتين للعناية بالشعر
روتين للعناية بالشعر

2- علاج الشعر بالبروتين مرة في الاسبوع:

تقدري تستخدمي ماسك الشعر المناسب لنوع شعرك.

– ماسك البروتين للشعر الجاف:

المكونات:

5 معالق كبيرة دقيق حمص.

5 معالق كبيرة لبن رايب.

2 معلقة كبيرة من زيت الزيتون.

الطريقة:

في طبق اخلطي دقيق الحمص مع اللبن الرايب, امزجيهم مع بعض كويس, وبعدين ضيفي زيت الزيتون, وقلبي المكونات كلها مع بعض, حطي الماسك على الشعر وسيبيه لمدة 20 دقيقة لحد ما ينشف, وبعدها اغسليه بالمية والشامبو العادي بتاعك.

دقيق الحمص بيساعد على تقوية جذور الشعر, واللبن الرايب وزيت الزيتون بيساعد على ترطيب الشعر وتنعيمه.

– ماسك البروتين للشعر العادي:

المكونات:

2 معلقة كبيرة دقيق حمص.

2 معلقة كبيرة لوز مطحون.

1 بياض بيضة.

الطريقة:

في طبق اخلطي دقيق الحمص مع اللوز المطحون وضيفي لهم بياض البيض, قلبي المكونات كلها مع بعض كويس, حطي الماسك على الشعر كله وسيبيه لمدة 30 دقيقة, وممكن تسيبيه طول الليل وتغسليه الصبح بالمية والشامبو.

الماسك ده بيغذي خصلات الشعر وبيحافظ عليه صحي وبيلمع.

– ماسك البروتين للشعر الدهني:

المكونات:

2 معلقة كبيرة دقيق حمص.

2 معلقة كبيرة من بذور الحلبة.

2 معلقة كبيرة من حليب جوز الهند.

الطريقة:

في طبق اخلطي دقيق الحمص مع بذور الحلبة وضيفي لهم حليب جوز الهند, قلبي المكونات مع بعض كويس, حطي الماسك على الشعر كله وسيبيه لمدة 20 دقيقة, وبعدها اغسليه بالمية والشامبو.

كرري الماسك المناسب لنوع شعرك مرة واحدة في الاسبوع لشعر طويل وكثيف وصحي.

روتين للعناية بالشعر

3- ترطيب عميق للشعر مرة واحدة في الاسبوع:

الترطيب العميق للشعر اسبوعيا مهم جدا, عشان تحافظي على رطوبة الشعر وتغذيه.

المكونات:

2 معلقة صغيرة من جل الالوفيرا.

3 معالق صغيرة من زيت جوز الهند.

1 معلقة صغيرة عسل.

الطريقة:

في طبق اخلطي المكونات كلها مع بعض كويس, دلكي الخليط على الشعر, وسيبيه لمدة 30 دقيقة, بعدها اغسليه بالمية والشامبو.

نصايح عامة للحفاظ على شعرك طويل وصحي:

– حاولي تتجنبي الشمس على قد ما تقدري ممكن تلبسي سكارف او قبعة على الشعر, لان الشمس بتأكسد الشعر وبتجففه.

– اتجنبي استخدام الحرارة زي السيشوار والمكوى والكيرلر.

– اتجنبي غسل الشعر بمية سخنة اوي, بدل كده الافضل استخدام مية فاترة.

روتين لمنع تساقط الشعر وحل مشاكل الشعر بشكل عام

روتين لمنع تساقط الشعر