مفيدين أفضل 4 تمرينات شد للرجل foot stretches لازم تعمليهم كل يوم

آية حسان

في

598

رجلينا بتشيل الوزن الكامل لجسمنا ويدعمونا لما نقف أو نمشي أو نجري أو لما نبقى لابسين كعب عالي وفي أي وقت، وعضلات رجلنا بتعمل حاجات كتيرة عشان تحقيق التوازن بين وزن جميع أجزاء الجسم، وبيعتبر وجع القدم والرجل من أسوأ الحاجات اللي ممكن تقابلك وسط مجهود كل يوم، اعرفي أفضل 4 تمرينات شد للرجل foot stretches لازم تعمليهم كل يوم..

أفضل 4 تمرينات شد للرجل foot stretches مفيدين لازم تعمليهم كل يوم

1- تمرينات ستريتش الجري:

اقفي مباشرة على الأرض واتني ساقك الأمامية والرجل التانية تبقى ممدودة وراكي، بحيث تشكل الساق الأمامية زاوية 90 درجة وحاولي تشدي عضلاتك بقدر الإمكان مع سحب كعب رجلك الخلفية ناحية الأرض، خليكي على الوضع ده لمدة 30 ثانية وكرريه مع رجلك التانية.

2- تمرين ستريتش اصابع القدم :

التمرين ده بسيط جدا، أفردي صوابع رجلك وشديها زي ما بنعمل لصوابع ايدينا لكام ثانية وبعدين ارجعي خليها تسترخي وحاولي تضمي صوابعك على بعض وكرري مرتين، اعملي التمرين ده من 8 لـ 10 مرات في اليوم.

3- تمرينات ستريتش الرجل :

ممكن تحتاجي حزام تمارين عشان تقدري تعملي التمرين ده، هتحتاجي تقعدي في وضع مائل قليلاً زي الصوة وتخلي الحزام المطاط وراء القدم وتمسكيه بايديكي الاتنين ويكون قدم الرجل مفرود، وحاولي تشدي رجلك وتزقي الحزام المطاط على قد ما تقدري وانتي محافظة على رجلك مفرودة. ويكون ضهرك في وضعه الطبيعين اثبتي 20 ثانية وبعدين بدلي للرجل التانية.

4- تمرين الكرات الصغيرة:

التمرين ده على قد ما هو بسيط الا انه مفيد جدا لرجلك، اقعدي على كرسي وضهرك مفرود ورجلك مستوية على الارض، وخلي في طبق جنب رجلك ومجموعة من البلي أو الكرات الصغيرة وحاولي تشيلي بلية او كورة باستخدام صوابع رجلك وتنقليها من الارض للطبق، ابدأي بـ 10 كرات.