4 وصفات طبيعية لترطيب البشرة من غير ما تسدي المسام

بقلمريهام محمود فيبشرة visibility840

الجلد بينتج زيت طبيعي بيتسمى “الزهم”, وده اللي بيحمي البشرة من الجفاف, ولكن العادات اليومية الغلط زي نسيان تطبيق الكريم المرطب, او استخدام صابون قاسي, بيجرد بشرتك من الزيوت الطبيعية اللي فيها, وده بيعمل نتيجة عكسية وبيخلي البشرة تفرز زهم اكتر واللي ممكن يتسبب في انسداد المسام, والترطيب السليم هيمنع المشكلة دي, عشان كده احنا النهاردة هنشارك معاكم 4 وصفات طبيعية لترطيب البشرة من غير ما تتسبب في انسداد المسام.

وصفات طبيعية لترطيب البشرة:

1- سكراب السكر وزيت الزيتون:

المكونات:

– 2 معلقة كبيرة زيت زيتون.

– ½ كوباية سكر.

– ممكن تضيفي كام نقطة من اي نوع زيت عطري زي زيت اللافندر او اي زيت من اختيارك.

الطريقة:

– امزجي زيت الزيتون مع السكر وقلبيهم مع بعض كويس.

– ضيفي زيت اللافندر “اختياري”.

– قلبي المكونات مع بعض, وخدي من الخليط حطيه على البشرة.

– دلكي الخليط على بشرتك في حركات دائرية لمدة 10 دقايق, بعدها اغسلي بشرتك بمية باردة.

– اخر خطوة ادهني البشرة بالكريم المرطب.

زيت الزيتون بيحتوي على مضادات الاكسدة اللي بتقلل الالتهاب وبتحمي خلايا البشرة من الاكسدة, كمان يعتبر مرطب طبيعي للبشرة, والسكر بيسحب الرطوبة من البيئة اللي حواليكي لجلدك, وبيحافظ على البشرة رطبة لفترة طويلة, كرري السكراب ده 3 مرات في الاسبوع كحد اقصى.

وصفات طبيعية لترطيب البشرة
وصفات طبيعية لترطيب البشرة

2- ماسك الشوفان والعسل:

المكونات:

– 2 معلقة كبيرة شوفان.

– 1 معلقة كبيرة عسل.

– مية.

الطريقة:

– اخلطي الشوفان مع العسل كويس.

– ضيفي المية للخليط واغليهم مع بعض.

– لما الخليط يبرد شوية وبشرتك تقدر تتحمله, خدي منه ودلكي بيه البشرة, وبعدين سيبيه من 15 – 20 دقيقة, وبعدها اغسلي بشرتك بالمية العادية.

الشوفان بيساعد في تقليل الالتهابات الجلدية وتحفيز انتاج الكولاجين, وبالتالي بيحافظ على رطوبة البشرة, وبيعمل طبقة واقية بتحتفظ بالمية داخل الجلد, والعسل يعتبر مرطب طبيعي وبيساعد على توهج البشرة, كرري الماسك ده مرتين في الاسبوع.

وصفات طبيعية لترطيب البشرة

3- ماسك الافوكادو:

المكونات:

– ½ ثمرة افوكادو.

– 1 معلقة كبيرة زيت زيتون.

– 1 معلقة كبيرة عسل.

الطريقة:

– هاتي ½ ثمرة الافوكادو اهرسيها كويس وضيفي لها زيت الزيتون والعسل وقلبي كل المكونات مع بعض كويس.

– طبقي الخليط على البشرة وسيبيه من 15 – 20 دقيقة, وبعدها اغسلي بشرتك بالمية العادية.

– اخر خطوة ادهني بشرتك بالكريم المرطب.

الافوكادو يعتبر مصدر غني جدا بمضادات الاكسدة اللي بتساعد على ترطيب البشرة من الداخل, وبننصح بشدة باستخدام ماسك الافوكادو انه يكون جزء اساسي من روتين العناية ببشرتك.

4- سكراب النسكافية:

المكونات:

– كيس نسكافية صغير.

– 1 معلقة صغيرة سكر.

– 1 معلقة كبيرة لبن.

الطريقة:

– اخلطي النسكافية مع السكر واللبن وقلبيهم كويس مع بعض.

– طبقي الخليط على بشرتك وابدأي دلكيها في حركات دائرية لمدة 10 دقايق, بعدها اغسلي البشرة بالمية العادية.

اللبن بيحتوي على خصائص مضادة للالتهابات, وبيساعد على تجديد الزيوت المفقودة من بشرتك مع الحفاظ على رطوبتها, والمشروبات اللي بتحتوي على الكافيين زي النسكافية والقهوة كمان بتساعد على ترطيب البشرة وتفتيحها, كرري السكراب ده 3 مرات في الاسبوع كحد اقصى.

6 نصايح تتجنبي بيهم الضرر اللي بيسببه برد الشتاء للبشرة.. اعرفيهم واستفيدي منهم 

6 نصايح تتجنبي بيهم الضرر اللي بيسببه برد الشتاء للبشرة.. اعرفيهم واستفيدي منهم 
6 نصايح تتجنبي بيهم الضرر اللي بيسببه برد الشتاء للبشرة.. اعرفيهم واستفيدي منهم