6 ستايلات من الشوز الشتوي مش BOOTS  تجربيهم الموسم ده

بقلمآية حسان فيموضة وأزياء visibility351

الشوز في الشتاء مش معناه بوت وبس، لأن مع الوقت بنزهق منها وأوقات كتير بنكون محتاجين حاجة تانية تكون مختلفة وفي نفس الوقت مريحة وشيك، وعشان ماتحتاريش كتير وتدوري على ستايلات من الشوز الشتوي، في المقال ده هنعرفك على 6 ستايلات من الشوز الشتوي مش BOOTS  تجربيهم الموسم ده، خلينا نشوفهم مع بعض..

6 ستايلات من الشوز الشتوي مش BOOTS  تجربيهم الموسم ده

 1- Loafers: 

ستايل الشوز الـ loafers مريحة وعملية جدا وشيك لدرجة كبيرة، بترفع من مستوى أي طقم تلبسيه وكمان بتدفي، شوز فلات عملي وشيك وهتلاقيه بكل الألوان اللي تحتاجيها، وتقدري تعتبريها الشوز الأنسب للشغل في أيام الشتاء اللي مش عايزة تلبسي فيها بوت. 

Loafers

2- Mules : 

الستايل ده من الشوز مناسب للبنات اللي بتحب الكعب العالي وبتعتمد عليه في لبسها، مناسب للجو البارد وبكعب مريح وشكله فريد ومختلف، وتقدري تلبسيه مع الشراب الطويل في الشتاء! جربيها ومش هتندمي.

3- Slingback

الستايل ده من الشوز كمان مريح وبكعب عالي لكنه مفتوح من وراء، فلو رجلك بتبرد أوي في الشتاء ممكن مايبقاش مناسب ليكي، ميزته الكبيرة انه مناسب للستايلات الكاجوال وللشغل وحتى ممكن تلبسيه على الستايلات السواريه في الأفراح والمناسبات أو خروجات بالليل.

4- Pumps : 

شوز كلاسيكي شوية وبيساعدك تعملي لوك vintage، مريح ومناسب ليكي لو بتحبي ستايلات الشوز المنقوشة وكمان السادة منه بيكون شكله حلو جدا، ينفع في كل الأوقات خصوصا لو بتحبي تلبسي شوز بكب عالى مع الستايلات الكاجوال وفي خروجات النهار. 

ستايلات من الشوز الشتوي

5- white sneakers: 

الشوز الأبيض أوالـ white sneakers مفيش غناء عنها في الشتاء او في الصيف، عملية ومريحة جدا وتقدري تلبسيها في كل الأوقات – ما عدا السواريه طبعا- ، لكن ممكن كاجوال او على فستان شتوي تقيل وكمان ممكن للشغل وهيدفي رجليكي ويغنيكي عن البوت تماما. 

ستايلات من الشوز الشتوي

6- flat shoes: 

الفلات شوز كمان من أكتر الستايلات العملية سواء شتاء اوصيف، سهل جدا تلبسيها وتقلعيها ومريحة طبعا، مناسبة أكتر للستايلات الكاجوال وخروجاتك بالنهار مع أصحابك. 

ستايلات من الشوز الشتوي

اعرفي معانا كمان الكعب العالي مش بس بيتعب رجلك: في 3 اجزاء كمان من الجسم الكعب خطر عليهم