اعرفي ازاي تعملي دايت الخيار السهل والصحي لخسارة 10 كيلو في 10 أيام
الخيار هو الغذاء المثالي للدايت عشان مافيهوش اي سعرات حرارية تقريبًا ، وغني بالمواد المغذية المهمة والفيتامينات والمعادن زي المغنيسيوم والكالسيوم والحديد وفيتامينات E و C و B ده غير أنه غني جدا بالألياف، عشان كده بيعتبر حل مثالي لخسارة الوزن السريعة، اعرفي معانا في المقال ده ايه هو دايت الخيار لخسارة 10 كيلو في 10 أيام
اعرفي ازاي تعملي دايت الخيار السهل والصحي لخسارة 10 كيلو في 10 أيام
الخيار كمان بيعتبر ممتاز لإزالة السموم من الجسم والتطهير المعوي ده غير انه بيعزز من التمثيل الغذائي وبيساعد جسمك في التخلص من المية الزيادة وطبعا بيحسن من حالة البشرة، النظام بيعتبر فعال جدا وهيساعدك تخسري 10 كيلو في 10 أيام، لكن قبل ما نقولك عليه بننصحك قبل ما تبدأي أي دايت انك تراجعي الدكتور المختص عشان يحددلك الدايت الأنسب ليكي
قائمة الرجيم
وجبة الافطار:
1 طبق كامل من سلطة الخيار :
(400 غرام خيار + بصلة + 200 مل لبن أو كوباية زبادي + رشة ملح، قشري الخيار وقطعيه قطع صغيرة وبعد كده ضيفي ذرة الملح وضيفي الزبادي، قطعي البصل مكعبات صغيرة اوي وضيفيها للسطلة وقلبي كويس.. بالهنا والشفا.)
2 بيضة مسلوقة
سناك:
تفاحة أو 5 حبات خوخ
الغداء:
1 شريحة خبز حبوب كاملة
1 طبق كامل من سلطة الخيار
وجبة العشاء:
300 جرام من أي نوع فاكهه تحبيه.
بين الوجبات لو حسيتي بالجوع ممكن تعملي السموزي اللذيذ ده
المكونات:
1 خيارة
1تفاحة
حفنة من السبانخ
قطعة من الزنجبيل الطازة
التجهيز:
اضربي كل المكونات مع بعض في محضر الطعام لحد ما تكون سموزي ناعم، بعد كده صبيها في كوباية وبالهنا والشفا.
اعرفي معانا كمان دايت البطاطا: ازاي البطاطا هتساعدك على خسارة الوزن في 3 ايام بس