3  وصفات لشفايف ناعمة ورطبة طول الشتاء.. اعرفيهم وجربيهم

بقلمآية حسان فيبشرة visibility628

الشفايف بتعتبر من أكتر المناطق اللي بتتعرض للجفاف والتشققات في الشتاء، وده ممكن يؤدي لجروح في الشفايف ده غير الإلتهابات وبعيدا عن مرطبات الشفايف الغالية في المقال ده هنقولك على 3  وصفات لشفايف ناعمة ورطبة طول الشتاء.. اعرفيهم وجربيهم

3  وصفات لشفايف ناعمة ورطبة طول الشتاء.. اعرفيهم وجربيهم

الوصفة الأولى: مرطب النعناع للشفايف

 النعناع وزيت اللوز الحلو والصبار بيحتووا على نسبة عالية من فيتامين E اللي بيساعد على حماية شفايفك من التلف ومن ضرر الأشعة فوق البنفسجية والصبار أو الألوفيرا بينعم وبيهدي التشقق والجفاف.

المكونات:

2 ملعقة كبيرة من زيت جوز الهند

نقطتين من زيت النعناع

نقطتين من زيت اللوز الحلو

نص ملعقة صغيرة من الألوفيرا أو جل الصبار

الطريقة:

في طاسة أو طبق صغير على النار أو في المكيروويف سخني زيت جوز الهند المخفف وأما يبقى دافي ضيفي باقي المكونات وقلبيهم مع بعض  ورجعيهم تاني على النار وسيبيهم بين دقيقتين و3 دقايق بعد كده حيهم في علبة كريم فاضية وسيبيهم يبردوا، واستخدميه مرتين في اليوم مع الحفظ في التلاجة.

مرطب النعناع للشفايف

الوصفة الثانية: بلسم جوز الهند للشفايف

البلسم ده بيساعد على تغذية وترطيب الشفايف وكمان هيديكي لون وردي،  زيت الأرجان غني بمضادات الأكسدة المغذية ، وزيت الزيتون غني بمادة السكوالين اللي بتعمل حاجز حماية للشفايف.      

المكونات:

2 ملعقة صغيرة من زيت جوز الهند

2 ملعقة صغيرة من زيت الارجان

2 ملعقة صغيرة من زيت الزيتون

زبدة كاكاو بلون وردي

الطريقة:

في طبق على نار خفيفة ، سخني زيت جوز الهند مع حوالي 1 سم من زبدة كاكاو بلون أحمر أو روج بأي لون تحبيه، بعد كده ضيفي باقي الزيوت وقلبي كويس، سيبيه على النار دقيقتين أو تلاتة وبعد كده سيبيه يهدى وفي علبة كريم قديمة ونضيفة حطيه في التلاجه كام ساعه لحد ما يجمد زي الفازلينن استخدميه مرة الصبح ومرة قبل النوم.

الوصفة التالتة: بلسم العسل للشفايف

العسل مرطب وبيسحب الرطوبة لداخل الجلد واللافندر له خصائص مطهرة وكمان ريحة حلوة جدا، ده غير انه كله مضادات أكسده اللي بتساعد في محاربة البكتيريا اللي بتسبب الجفاف والتشققات. 

المكونات:

2 ملعقة صغيرة من شمع العسل الاورجانيك

1 ملعقة صغيرة من زيت جوز الهند

1 ملعقة صغيرة من العسل السائل الخام

 نقطتين من زيت اللافندر

طريقة التحضير:

ضيفي شمع العسل والزيوت والعسل في علبة زجاجية وحطي العلبة في حمام مياة سخن جدا وأبدأي قلبي المكونات لحد ما تذوب، بعد كده ضيفي اللافندر، انقلي الخليط كله لعبلة كريم فاضة ونضيفة وسيبيه في التلاجة من 6 لـ 8 ساعات.

بلسم العسل للشفايف

الوصفة الرابعة: سكرب الشفايف بالجلسرين

 المكونات:

نقطتين من الجليسرين

نقطتين من مية الورد

ملعقة صغيرة من الملح أو السكر البني

 الطريقة:

امزجي ملعقة صغيرة من الملح أو السكر مع نقطتين من مية الورد و نقطتين من الجلسرين وابدأي بتدليك الخليط ده  بلطف على شفايفك تقريبا لدقيقة وبعد كده اغسليه بمية دافية.  

سكرب الشفايف بالجلسرين

اعرفي كمان 14 وصفة طبيعية لتكبير ونفخ الشفايف