12 نوع نبات لو زرعتيهم هتساعد على زيادة الطاقة الايجابية في البيت

بقلمريهام محمود فيمنوعات visibility1502

تخيلوا كده اننا عايشين في عالم من غير نباتات او اشجار! ممكن يكون شكله ايه؟ منين هناخد كل الاكسجين اللي بنتنفسه؟ هل هنبقى موجودين من غير النباتات دي؟ في انواع كتير من النباتات والاشجار موجودة حوالينا سواء في الشوارع او الحدائق العامة, ولكن احنا مش بنديها اي اهتمام, برغم ان دورها مهم جدا في توفير الاكسجين اللي احنا بنتنفسه طول اليوم وتنقيه الجو, والنهاردة من خلال موضوعنا هنقولك افضل انواع نباتات بتزود الطاقة الايجابية, وبتساعد على تنضيف وتطهير الهواء حوالينا, وده هيخليها اضافة مثالية جدا للبيت.

انواع نباتات بتزود الطاقة الايجابية:

1- شجرة المال:

شجرة المال او المعروفة باسم “دمعة الطفل”, النبتة دي حسب النظام الفلسفي الصيني الفنج شوي, انها مش بس بتنقي الهوا وبتجذب الطاقة الايجابية, لكن كمان بتقلل التوتر وبتمتص الاشعاعات, ومعروفة كمان انها بتجذب المال والثروة وبتزود الربح.

انواع نباتات بتزود الطاقة الايجابية
انواع نباتات بتزود الطاقة الايجابية

2- الروز او الورد البلدي:

لقرون كتير معروف ان الروز او الورد البلدي هو رمز للتعبير عن الحب, وده لانها تعتبر فعلا الوردة المثالية لجلب الحب والعاطفة, وبننصحك بزرع الورد البلدي في البيت للتخلص من كل المشاعر السلبية, وبتساعد الاشخاص كمان في الشفاء بشكل اسرع.

انواع نباتات بتزود الطاقة الايجابية

3- اللافندر:

اللافندر معروف ان ليه خصائص معطرة, ولكن غير ده, اللافندر ليه دور مهم في منع التوتر والقلق, لان الضغط اللي بنواجهه بشكل يومي سواء في الشغل او الدراسة او ضغوط الحياة بشكل عام بتفتح الطريقة للطاقات السلبية انها تدخل البيت, ونبتة اللافندر تساعد على القضاء على السبب الجذري للطاقة السلبية وتحقيق الاستقرار في حياتنا.

انواع نباتات بتزود الطاقة الايجابية

4- الاوريجانو:

الاوريجانو هو نوع من انواع الزعتر, وبيستخدم كنبات منكهه لكتير من الاكلات, وبيستخدم غالبا في شكله الجاف, ولكن الاوريجانو ليه اهمية تانية غير استخدامه في المطبخ, الاوريجانو معروف عنه انه بينشر الوحدة بين افراد الاسرة عن طريق جذب السلام والحب في البيت, وبيحتوي على خصائص تطهير بتساعد الشخص على العلاج الروحي من اي مشكلة في حياته.

انواع نباتات بتزود الطاقة الايجابية

5- الاوركيد:

نبات الاوركيد من انواع النباتات المعروفة انها بتطلق الاكسجين في الجو في فترة بالليل, وليه ريحة لطيفة ومريحة جدا, واللي بيقال انها بتساعد على رفع مزاج الشخص بشكل فوري اول ما يشمها, وحسب نظام الفنج شوي الصيني ان النبتة دي بتحسن من الكيان الروحي وبتجذب الحب والسلام في البيت.

انواع نباتات بتزود الطاقة الايجابية

6- الريحان:

بالاضافة لميزة الريحان في تنضيف الهوا حوالينا, كمان بيساعد على القضاء على كل المشاعر السلبية, ومعروف عنه كمان انه بيحتوي على خصائص طبية وممكن اضافته للشاي للاستفادة منها, والريحان بينتج الاكسجين لمدة بتوصل ل 20 ساعة في اليوم, يعني في اسباب كتير تخليكي تزرعي الريحان في اقرب وقت ممكن في البيت.

انواع نباتات بتزود الطاقة الايجابية

7- الالوفيرا:

نبات الالوفيرا معروف من زمان بفوايده وخصائصة المطهرة والشفائية, والنبتة دي مفيدة جدا كمان لو زرعتيها في البيت, لانها بتبعد سوء الحظ والطاقة السلبية عن البيت, وبتجذب السعادة والرضا.

8- اللبلاب:

اللبلاب ليه شعبية كبيرة جدا بسبب شكله الحلو, ولكن هو كمان بيساعد على تنقية الهوا, لان عنده قدرة كبيرة جدا على امتصاص الفورمالديهايد, وبيساعد على التخلص من السموم اللي حوالينا, وبينصح بيه دايما للاشخاص اللي بيعانوا من الحساسية, ولكن مع ذلك, نوع النبتة دي ممكن تكون سامة للاطفال والحيوانات الاليفة, عشان كده لازم تاخدي الاحتياطات اللازمة, وتحطيها بعيد عنهم.

9- المرمرية:

نبات المرمرية او المريمية معروف بقدرته على الحفاظ على التدفق الايجابي للطاقة, وكمان بخصائصة المضادة للبكتيريا, واثبت نبات المرمرية قدرته في القضاء على الطاقات السلبية في البيت, زي القلق والغضب, كمان بيجذب لافراد البيت الشعور بالثقة والامان.

10- الليلي:

نبات الليلي او الزنبق هو من انواع النباتات اللي ليها وظائف كتير, مش بس بينقي الهوا حوالينا, لكن كمان بيمنع اي غازات تانية موجودة جوه البيت, ومعروف انه بيساعد على استقرار العواطف, وبالتالي ده هيساعدنا على التغلب المشاكل الروحية والقلق, والافضل ان النبات ده يتحط في غرف النوم, لانه معروف انه بينمو بشكل افضل في الاماكن الضل, وكمان لتحفيز السلام والصفاء حوالينا.

11- الروزماري:

الروزماري واحد من افضل النباتات لتنقية الهوا, بالاضافة ان ليه خصائص طبية مفيدة, ومعروف كمان انه بيساعد في التخلص من الاكتئاب وبيبعد اي طاقة سلبية, وبيقال كمان ان الروزماري مفيد جدا للذاكرة, بيساعد بشكل فعال جدا على تحسين الذاكرة, وكمان علاج الارق والتعب.

12- الياسمين:

على مر العصور, نبتة الياسمين كانت من النباتات المهمة جدا عند الفرس, بالاضافة لريحتها الحلوة, معروف ان نبتة الياسمين بتساعد على تعزيز الرومانسية وتنشيط العلاقات, ومعروف كمان انه بيساعد على تخفيف التوتر والقلق.

في النهاية بنقولك لو عايزة تجذبي بعض الحظ والطاقة الايجابية للبيت, يبقى ضروري تكون النباتات دي في القائمة بتاعتك, واكيد تقدري تختاري منهم اللي انتي محتاجاه او هيناسب متطلباتك.

10 طرق للتخلص من الطاقة السلبية في البيت

طرق للتخلص من الطاقة السلبية