6 طرق غلط بتشيلي بيهم الطفل ممكن تكون خطر على صحته

ريهام محمود
ريهام محمود
1371

حسب الدراسات انه مهم جدا تمسكي او تشيلي الطفل بطريقة صح, لان في طرق كتير منتشرة بين الامهات ممكن انها تضر صحة الطفل, والنهاردة من خلال موضوعنا هنقولك 6 طرق غلط لشيل الطفل المفروض تتجنبيهم.

طرق غلط لشيل الطفل:

1- شيل الطفل من تحت الابطين:

لما تيجي تشيلي طفل, مهم جدا انك تدعمي راسه, لان الاطفال اللي بيكونوا لسه مولودين عضلات الرقبة عندهم بتكون لسه متطورتش, ورقبتهم ممكن تتحرك فجأة في اي اتجاه, ويسبب لهم صعوبة في التنفس واصابات لو مدعمتيش رقبتهم بشكل صح, والطفل مش هيقدر يدعم راسه بنفسه او يتحكم فيها لحد ما يوصل لـ 4 – 6 شهور على الاقل.

طرق غلط لشيل الطفل 1
طرق غلط لشيل الطفل 1

2- شيل الطفل في الحامل:

تقدري تستخدمي حامل الطفل, ولكن المهم والحاجة الرئيسية انك تعرفي ازاي تستخدميه, ضروري ان تكون رجل الطفل مدعومة من الحامل, ويتمسك بنفس الطريقة اللي االم بتشيل بيها الطفل, عشان المفاصل تفضل في مكانها وميحصلش ضرر للعمود الفقري, ولو رجل الطفل مش مدعومة كويسة من الحامل ده ممكن يسبب امراض خطيرة في الفخد زي خلل التنسج او الخلع.

طرق غلط لشيل الطفل 2
طرق غلط لشيل الطفل 2

3- حافظي على راس الطفل على كتفك:

لو شايلة طفلك على الصدر, يبقى لازم تاخدي بالك من اتجاه وشه, انه المفروض يكون فوق الكتف, لان لو وش الطفل قدام الكتف على طول, ممكن يعاني من صعوبة في التنفس, وممكن جزء من هدومك يدخل جوه الفم عنده ويسبب له مشكلة ويضايقه.

طرق غلط لشيل الطفل 3
طرق غلط لشيل الطفل 3

4- مش بتغيري الجنب اللي بتشيليه عليه:

ضروري جدا تبديل الجنب اللي بتشيلي عليه الطفل, لان زي ما قولنا فوق ان رقبة الاطفال بتبقى ضعيفة, عشان كده مهم جدا تطوير العضلات في الجنبيين, بالاضافة كمان ان عضلات الرقبة على جنب واحد ممكن تتطور بشكل اقل, والطفل ممكن يعاني من مشاكل في تحويل راسه للجنب التاني.

طرق غلط لشيل الطفل 4
طرق غلط لشيل الطفل 4

5- مش بتدعمي ضهر الطفل:

متشيليش الطفل من الارداف والراس بس, اولا لان بالشكل ده ممكن يبقى في خطر ان الطفل يقع, والسبب التاني انه ممكن تحصل مشاكل في العمود الفقري لانه مش مدعوم بشكل مناسب, عشان كده ضروري جدا دعم ضهر الطفل بايد واحدة وراسه بالايد التانية.

طرق غلط لشيل الطفل 5
طرق غلط لشيل الطفل 5

6- بتشيلي الطفل راسه لبره:

مش كويس انك تشيلي الطفل بطريقة يكون بعيد عنك فيها, اولا هيصعب عليكي انك تسيطري على الطفل, وتاني حاجة ده بيعمل ضغط على العمود الفقري والساقين اللي بتكون مش مدعومة كويس, زي بالظبط طريقة شيل الطفل على الحامل بطريقة غلط, عشان كده الافضل انك تشيلي الطفل في مواجهة صدرك, واتأكدي من دعم رجل وضهر الطفل.

طرق غلط لشيل الطفل 6

سحب ايد الطفل:

متشديش ايد الطفل بقوة لان ده ممكن يسبب لهم مشكلة بتتسمى باسم “الكوع المسحوب” او “خلع الرأس الشعاعي”, وده معناه ان عضم الكوع بيتفصل او بيتخلع بشكل جزئي عند المفصل, والحالة دي شائعة عند الاطفال لحد سن 5 سنين.

ولكن الاطفال لما بيوصلوا 5 سنين, عضمهم بيبقى اقوى, وبيكون احتمال حدوث مشكلة الكوع المسحوب اقل.

مقالات متعلقه

5 اسئلة يومية تسأليهم لاطفالك هتساعدهم على تقوية عقلهم

5 اسئلة يومية تسأليهم لاطفالك هتساعدهم على تقوية عقلهم

10 حاجات عادية بنعملها كل يوم لكن هي ممكن تكون حاجات بتأذي طفلك وانتي مش واخدة بالك

10 حاجات عادية بنعملها كل يوم لكن هي ممكن تكون حاجات بتأذي طفلك وانتي مش واخدة بالك

7 نقط ضغط هتساعد على تهدئة الطفل والتقليل من الاحساس بعدم الراحة

7 نقط ضغط هتساعد على تهدئة الطفل والتقليل من الاحساس بعدم الراحة