كل علامة تجاعيد على وشك بتقولك حاجة عن صحتك, هنكشف لك 15 علامة

بقلمريهام محمود فيصحة visibility457

التجاعيد هي اكيد جزء طبيعي من الشيخوخة والتقدم في العمر, ولكن غير انها بتظهر العمر, كل تجعيدة في الوش بتكشف تفاصيل عن اجسامنا وصحتنا, والنهاردة من خلال موضوعنا هنعرف علاقة تجاعيد الوش بالصحة وكل علامة تجاعيد ممكن تقولنا ايه عن جسمنا وصحتنا.

علاقة تجاعيد الوش بالصحة:

1- الخطوط الافقية على الجبهة:

الخطوط الافقية اللي بتكون على الجبهة بتتسمى “خطوط القلق”, وهي معروفة بالاسم ده لانها بتكون مؤشر اساسي انك بتواجهي كمية كبيرة من القلق بشكل يومي, ولو شايفة انها تظهر اكتر عندك مع الوقت, فده معناه انك لازم تسترخي وتبعدي عن القلق.

بالاضافة كمان ان الخطوط دي ممكن يكون معناها انك بتستهلكي كميات كبيرة من السكر, ومش بتشربي كمية كفاية من المية, فلو عندك الخطوط دي فانتي محتاجة تغيري نظامك الغذائي, وتدوري على هواية تخليكي تسترخي شوية.

علاقة تجاعيد الوش بالصحة
علاقة تجاعيد الوش بالصحة

2- خطوط الحاجب الشمال:

الخطوط الموجودة عند الحاجب الشمال ليها علاقة مباشرة بالطحال, لو لاحظتي ان خطوط الحاجب الشمال بقت بارزة بشكل كبير في فترة قصيرة, ده ممكن يكون علامة ان الطحال مش شغال بشكل سليم, وممكن يكون فيه تلف, وفي الحالة دي متترديش في استشارة دكتور متخصص.

والطحال ممكن يتم تحسينه عن طريق بعض الاطعمة الحلوة, ولكن خليكي حذرة من كمية السكر اللي هتدخليها جسمك, لانها ممكن ضارة على الطحال, ويعتبر اكل الفواكهة المجففة طريقة فعالة جدا لتقوية الطحال.

علاقة تجاعيد الوش بالصحة
علاقة تجاعيد الوش بالصحة

3- خطوط الحاجب اليمين:

تعتبر الخطوط اللي موجودة عن الحاجب اليمين مؤشر لمستوى السمية في جسمك, والكبد مرتبط بشكل قوي بصحة الجلد وبالتحديد الخطوط الموجودة قريب عند الحاجب اليمين, لو ظهرت الخطوط العمودية دي عند الحاجب بشكل ملحوظ, ده ممكن يكون علامة على اختلال توازن الكبد.

ولعلاج ده غيري نظامك الغذائي لاورجانيك, وزودي من اكل الخضروات الورقية, وكلي كمية صحية من البروتين الصافي, وفي نفس الوقت حاولي تقللي من القهوة والاطعمة الغنية بالتوابل والملح.

علاقة تجاعيد الوش بالصحة

4- خط جسر الانف:

الخط الموجود على جسر الانف ممكن يكون علامة انك بتعاني من الحساسية, ولكن ممكن كمان انه يكون علمة على القلق الزيادة والضغط, بالاضافة ان خطوط جسر الانف بتكون مرتبطة بحياتك العاطفية, وخصوصا الرغبة الجنسية عندك.

وجود الخطوط عند جسر الانف بشكل ملحوظ او زيادة, انك بتواجهي رغبة جنسية اقل من العادي, وممكن يساعد التوازن في حياتك العاطفية على تقليل خطوط جسر الانف.

علاقة تجاعيد الوش بالصحة

5- خطوط جوانب العين:

الخطوط اللي بتكون موجودة على جوانب العين او اللي بتتسمى “قدم الغراب”, الخطوط دي بتظهر مع الوقت بسبب الضحك, وممكن انها تكون علامة على مشكلة في نظرك, وانك غالبا بتحاولي تحركي عينك كتير لرؤية افضل.

بالاضافة ان الخطوط دي ممكن تكون مرتبطة كمان بأعضاء جوه الجسم زي الكبد والكلى والمعدة, لو لقيتي ان الخطوط على جانب العين بارزة بشكل واضح وملحوظ اوي, وده مؤشر انك لازم تهتمي بنظامك الغذائي بشكل افضل.

علاقة تجاعيد الوش بالصحة

6- الدوائر والاكياس تحت العين:

الدوائر تحت العين او الاكياس, هي ظاهرة طبيعية بتحصل لما مش بناخد كفايتنا من النوم, وبتتسمى بالاكياس لانها بتبين شكل العين مرهق جدا وبتبقى فعلا شبه الاكياس تحت العين.

لكن لو عندك اكياس تحت العين وانتي بتنامي كويس, ده ممكن يكون مؤشر على ضعف الكلى وضعف الدورة الدموية, وفي الحالة دي ممكن تجربي تمارين زي اليوجا او الجري الخفيف لتحسين الدورة الدموية.

علاقة تجاعيد الوش بالصحة

7- تلون على الخدين:

لو لاحظتي تلون او تغير اللون عند منطقة الخدين ممكن تكون مؤشر لمشاكل صحية معينة زي مشاكل الرئة, فلو حسيتي بمشاكل في التنفس لازم تستشيري دكتور متخصص.

تلون الخدين مرتبط كمان لمشاكل في الجهاز الهضمي, وفي الحالة دي بننصحك بتحسين نظامك الغذائي, وفي تمرين صحي جدا ممكن انه يحسن من الهضم وصحة الرئة وهو الجري, اللي بننصحك بيه جدا.

علاقة تجاعيد الوش بالصحة

8- احمرار طرف الانف:

على الرغم من ان احمرار طرف الانف شائع جدا في فصل الشتا بسبب برودة الجو, ولكن لو لاحظتي ان طرف انفك محمر في ظروف جو طبيعية, فده ممكن يكون ليه علاقة بالدورة الدموية او القلب, لان الانف متصل بالقلب, وممكن انه يشير لمشاكل معينة في ضغط الدم.

ومش بننصح بعلاج المشكلة دي في البيت بعلاجات منزلية, لو لاحظتي اي خلل في ضغط الدم, فالافضل انك تروحي للدكتور, ولو الموضوع مش خطير, فاحمرار الانف ممكن يكون بيقولك انك لازم تشربي قهوة او تاكلي اطعمة غنية بالتوابل عشان تظبطي الضغط, بالاضافة ان الاطعمة الغنية بالاحماض الدهنية زي الافوكادو, طريقة رائعة جدا لتعزيز صحتك وتنظيم ضغط الدم.

علاقة تجاعيد الوش بالصحة

9- خطوط الفم:

الخطوط اللي بتظهر على جوانب الفم مرتبطة بالقولون, لو لاحظتي ان الخطوط دي بتزيد بشكل ملحوظ في فترة قصيرة, ده ممكن يكون مؤشر ان القولون بيعاني من مشاكل او مش شغال بشكل سليم.

ولكن لحسن الحظ ان القولون جزء من الجسم سهل تنشيطه واعادة عملة بشكل سليم, عن طريق شرب سوايل كتير, وتناول الاطعمة الغنية بفيتامين D, وممارسة الرياضة بانتظام, تعتبر من افضل الطرق لقولون صحي.

علاقة تجاعيد الوش بالصحة

10- خطوط الضحك:

لو انتي من الاشخاص اللي بتضحكي على طول, وبتعملي ده بكل تعابير وشك, هيبقى عندك خطوط الضحك اللي ظاهرة بشكل ملحوظ في وشك, لان الحركات المتكررة اللي بتنتج عن الضحك بتخلق نمط ممكن انه يتطور لخطوط ضحك عميقة مع مرور الوقت, وفي الحالة دي مافيش حاجة ممكن تتعمل لخطوط الضحك, لانها مجرد مؤشر على حقيقتك وشخصيتك.

وعلى الرغم انه حاجة كويسة انك تقبلي الخطوط دي كحاجة بتمثل هويتك وشخصيتك, ولكن لو لاحظتي ان خطوط الضحك بتبدأ في الانتشار بشكل اكبر وبتبقى عميقة اكتر في فترة قصيرة, دي ممكن تكون اشارة لضعف البنكرياس, وممكن يساعدك في حل ده انك تضيفي اطعمة صحية لنظامك الغذائي زي الثوم, العنب, التوت, بيساعدوا على الحفاظ على بنكرياس صحي.

علاقة تجاعيد الوش بالصحة

11- الخطوط على الشفه العلوية:

الخطوط العمودية العميقة على الشفة العلوية هي حالة طبيعية بين المدخنين, وعلى الرغم من الشفة العلوية بتبقى اقل انتفاخ وحجمها بيصغر مع التقدم في العمر, الا ان السبب الرئيسي لخطوط الشفة العلوية هو التدخين والتعرض المفرط للشمس, والحركات المتكررة زي الشرب بالشاليمو كمان من اسباب ظهور خطوط فوق الشفايف.

ومع ذلك خطوط فوق الشفايف ممكن تكون مرتبطة بالطحال وتبقى مؤشر لضعف الطحال, وتحسين نظامك الغذائي مع مجموعة متنوعة من الخضروات بما فيهم الجزر واللفت, ممكن انه يكون مفيد جدا لصحة الطحال.

12- البقع على الشفايف:

البقع اللي بتظهر على الشفايف ممكن تكون مؤشر لضعف الدورة الدموية, وعلى الرغم من انها مش بتمثل تهديد كبير لصحتك, ولكن البقع دي ممكن تكون مؤشر كمان لمشاكل في القولون, وعشان تحسني الدورة الدموية ممكن تجربي الانشطة البدنية زي اليوجا والجري.

وعشان تحافظي على صحة القولون, حاولي اضافة الاطعمة الغنية بالالياف لنظامك الغذائي, ولو بتعاني من اعراض خطيرة اكتر زي الالم او النزيف, في الحالة دي متتردديش انك تروحي فورا لدكتور متخصص.

13- خطوط الرقبة:

خطوط الرقبة تعتبر ظاهرة طبيعية وبتظهر اكتر مع التقدم في العمر, وممكن انها تكون ناتجة عن زيادة الوزن, وممكن انها تكون مؤشر كمان لمشاكل صحية في الغدة الدرقية, خطوط الرقبة بترتبط ارتباط مباشر بالغدة الدرقية وممكن تكون علامة ان فيها مشكلة.

وممكن تحسين صحة الغدة الدرقية عن طريق تناول حبوب الزنك, ومنع الجلوتين من نظامك الغذائي, ولكن مع ذلك لو حسيتي ان مشكلة الغدة الدرقية بتزيد للأسوأ مع الوقت, يبقى الافضل تروحي لدكتور متخصص.

14- الخطوط تحت الشفة السفلية:

الخطوط اللي بتظهر تحت الشفة وفوق الدقن, معناها ان في تراكم للطاقة السلبية في جسمك, والطاقة السلبية مضره لصحتك بشكل عام, وده ممكن ينعكس في الخطوط اللي تحت الشفة.

لو لاحظتي ان الخطوط اللي تحت الشفة باينة بشكل واضح, اتأكدي انك تاخدي وقت للاسترخاء, وتخرجي اي مشاعر سلبية جواكي.

15- الاوردة البارزة عند منابت الشعر:

الاوردة البارزة عند منابت الشعر وعلى جوانب الجبهة, تعتبر مؤشر على ارتفاع ضغط الدم, وممكن يكون معناه انه بتعاني من التوتر والضغط بشكل زايد, ولحسن الحظ اننا نقدر نخفض ضغط الدم بسهولة عن طريق اليوجا والمشي.

واكل الموز يعتبر من الطرق الطبيعية لتقليل ضغط الدم, بالاضافة لتقليل الملح في الاكل, وكمان ممارسة الرياضة بانتظام مهمة جدا للحفاظ على ضغط الدم مستقر ومتوازن, ولكن مع ذلك لو فضلت الاوردة دي بارزة عندك, لازم تستشيري دكتور متخصص.

بوتوكس طبيعي: استخدمي مكون واحد هيساعدك تتخلصي من التجاعيد والهالات السودا والجلد الجاف

كريم بوتوكس طبيعي
كريم بوتوكس طبيعي