8 وصفات لتخسيس الوزن باستخدام جل الالوفيرا

بقلمريهام محمود فيتخسيس الوزن visibility335

جل الصبار معروف بفوايدة للبشرة وللشعر, ولكن هل تعرفي انه كمان مفيد لتخسيس الوزن؟, جل الالوفيرا بيجي في جل, عصير, اقراص, وجل الالوفيرا بيحتوي على 75 نوع فيتامين نشط, ومعادن, وانزيمات, والكربوهيدرات, والاحماض الامينية, واحماض السليسيليك, وافضل حاجة في الصبار انه عضوي وطبيعي مية في المية ومتوفر تقدري تشتريه بسهولة, والنهاردة في المقال بتاعنا هنعرف طرق استخدام جل الالوفيرا لتخسيس الوزن.

فوايد الصبار لتخسيس الوزن:

– الصبار بيحتوي على مضادات الاكسدة الطبيعية اللي بتبطء نمو الجذور الحرة في الجسم.

– ثبت علميا ان الصبار بيزيد من معدل الحرق وبيقلل من مؤشر كتلة الجسم (BMI(, من خلال مساعدة جسمك على تحويل الكربوهيدرات والدهون لطاقة بدل تخزينها.

– الالوفيرا بيحفز الكولاجين, وهو بروتين بيعزز نمو العضلات, وجسمك بيستهلك طاقة كتير عشان يستوعب بروتين الكولاجين, واستهلاك الطاقة ده بيساعد على انقاص الوزن.

– الكولاجين بيساعد كمان على تسريع عملية الحرق, وبيضمن تخزين الاكل في الامعاء السفلية لفترات زمنية اقصر.

– الالوفيرا بيحتوي على فيتامين A, B1, B2, B6, B12, C, E, وحامض الفوليك, والنياسين, وكل ده بيساعد على حرق السعرات الحرارية وتقليل الدهون في الجسم.

– عصير الصبار يعتبر ملين طبيعي, وبيخلص القولون من الاكل بشكل اسرع, بيمنع الامساك, بيحسن عملية الهضم, وبيزيل السموم من الجسم.

– بيحقق التوازن في نسبة السكر في الدم من خلال تعزيز امتصاص السكر ببطء.

جل الالوفيرا لتخسيس الوزن
جل الالوفيرا لتخسيس الوزن

طرق لاستخدام جل الالوفيرا لتخسيس الوزن:

لان جل الالوفيرا بينضف الجهاز الهضمي, وبيعزز مستويات الطاقة, من الافضل استهلاك جل الالوفيرا الصبح وقبل التمرين, عشان يجيب معاكي نتيجة فعالة في تخسيس الوزن.

1- جل الالوفيرا وعصير الفاكهة:

الوصفة دي فعالة جدا لتخسيس الوزن وبشكل خاص دهون البطن.

هاتي ورقة الوفيرا, افتحيها بالطول, وطلعي منها الجل بالمعلقة, اخلطي الجل مع اي نوع عصير فاكهة من اختيارك.

جل الالوفيرا هنلاقي متوفر منه كمان كبسولات في الصيدلية, ممكن تاخدي كبسولة بالمية بعد الاكل, وامشي على الجرعة المكتوبة على العبوة.

جل الالوفيرا لتخسيس الوزن

2- عصير جل الالوفيرا:

نضفي ورقة الصبار كويس جدا, افتحي الورقة وطلعي الجل واضربيه في الخلاط, او اضربيه زي ما هو بالورق وبعدين صفيه واحفظيه في التلاجة.

اشربي من العصير ده ½ كوباية كل يوم الصبح وقبل كل وجبة ب 15 دقيقة.

استمري على شربه لمدة من 1 – 2 اسبوع.

ملحوظة: ممكن تطلعي الجل من الورقة بمعلقة وتاخدي منه معلقة صغيرة يوميا.

جل الالوفيرا لتخسيس الوزن

3- عصير الصبار مع الليمون:

نضفي ورقة الالوفيرا كويس, افتحيها بالطول وطلعي منها الجل, اعصري ليمون وضيفي له جل الالوفيرا مع المية مع تحلية من اختيارك والافضل يكون عسل نحل وقلبيهم مع بعض لمدة من 2 – 3 دقايق.

اشربي المشروب ده بانتظام يوميا لتخسيس الوزن.

جل الالوفيرا لتخسيس الوزن

4- جل الالوفيرا مع العسل:

ضيفي معلقة كبيرة عسل لكوباية عصير الوفيرا, وقلبيهم كويس واشربيه.

اشربي المشروب ده بانتظام لتحفيز عملية التمثيل الغذائي, وتعزيز الهضم, وحرق الدهون والسعرات الحرارية الزيادة.

جل الالوفيرا لتخسيس الوزن

5- جل الالوفيرا مع المية:

ضيفي من 1 – 2 معلقة كبيرة من جل الالوفيرا لكوباية مية, قلبيهم مع بعض ده, واشربيه مرة واحدة على الاقل يوميا لتخسيس الوزن.

جل الالوفيرا لتخسيس الوزن

6- سموزي جل الالوفيرا والكالي:

نضفي ورقة الصبار, قشريها واستخرجي الجل بالمعلقة, اخلطي مية, كالي “نوع من انواع الخضروات”, ملح, زنجبيل, برقوق, ولو عايزة تضيفي اي حاجة تانية من اختيارك ممكن, اخلطيهم كويس وصبي الخليط في كوباية واشربيه.

اشربي سموزي الصبار من 2 – 3 مرات في اليوم لافضل النتايج.

7- سموزي جل الالوفيرا والفاكهة وجوز الهند:

في الخلاط اخلطي 1 ورقة صبار متوسطة الحجم, 1 كوباية حليب جوز الهند او لوز, ½ كوباية توت طازة او مجمد, ½ كوباية مانجا مكعبات طازة او مجمدة, ½ معلقة كبيرة من زيت جوز الهند, شوية من اوراق الريحان الطازة, عسل, قرفة, سكر ستيفيا, 1 معلقة كبيرة بذور الكتان, 1 معلقة كبيرة جوز هند مبشور, وبروتين بودر اي نوع من اختيارك “متوفر في الصيدلية”.

اضربي المكونات كلها مع بعض كويس, واشربي منه من 1 – 2 مرة يوميا.

8- عصير الصبار الاخضر:

في الخلاط اخلطي ملو الكف سبانخ, قطعة كبيرة من نبات الصبار, 2 عود كرفس, بقدونس من غير سيقان الورق بس, ½ خيارة مقشرة, 1 كوباية اناناس متقطع او مانجا, 2 ثمرة برتقان متقشر, عصير ½ ليمونة, ½ معلقة صغيرة طحالب سبيرولينا مطحونة “هتلاقيها عند العطار”, ¾ كوباية مية جوز الهند, من 5 – 6 مكعبات تلج.

اضربي كل المكونات مع بعض كويس, واشربي منه من 2 – 3 مرات في اليوم.

 نصايح لاستخدام جل الالوفيرا لتخسيس الوزن:

– جل الالوفيرا هنلاقيه متوفر في كبسولات من الصيدلية, ممكن تاخديه مع المية بعد الوجبات.

– لافضل النتايج ممكن مع وصفات جل الالوفيرا تمارسي رياضة لمدة 30 دقيقة من 3 – 5 مرات في الاسبوع, مارسي تمرين قوي 3 مرات في الاسبوع لبناء العضلات وزيادة التمثيل الغذائي, واعملي تمارين كارديو لمدة من 30 – 45 دقيقة 4 مرات في الاسبوع لحرق الدهون.

– امشي على نظام غذائي غني بالالياف, قليل الدسم, سكر منخفض, نظام غذائي منخفض السعرات الحرارية, وتجنب الاطعمة الدهنية والوجبات السريعة.

– بعض الاشخاص بيكون عندهم حساسية من جل الالوفيرا, عشان كده ابدأي نظامك الاول بجرعات صغيرة, واتوقفي عن تناول الصبار لو سبب لك اي طفح جلدي او حكة.

– متاخديش الالوفيرا لو بتعاني من التهاب القولون او التهاب الزايدة الدودية او مشاكل معوية او مرض الكرون.

– ممنوع تناول الالوفيرا, للحوامل, الاطفال, الامهات المرضعات.

– متاخديش جرعات كبيرة من جل الالوفيرا لانه ممكن يسبب تقلصات في المعدة واسهال وجفاف.

– من 56 – 226 جرام من الالوفيرا يوميا لمدة 3 شهور على الاقل هتحقق لك اقصى النتايج.

– متاخديش جرعات كبيرة من جل الالوفيرا, وخليكي معتمدة على الجرعات المنخفضة او الصغيرة.

– لو هتاخدي الصبار على شكل كبسولات, متتجاوزيش الجرعة المكتوبة على العبوة.

– اشربي 8 كوبايات مية يوميا لتجنب الجفاف وتنضيف الجسم من السموم.

الالوفيرا يعتبر حل فعال جدا لتخسيس الوزن, وبالاضافة لكده كمان هيساعد على تحسين الدورة الدموية, بينظم ضغط الدم, بيقوي جهاز المناعة, بيشفي القرحة, بينظم مستويات السكر في الدم, بيشفي العضم والمفاصل والانسجة الداخلية.

دايت الشوفان – ازاي الشوفان هيساعدك على خسارة الوزن