ايه اللي هيحصل لجسمك لو شربتي مية الزبيب كل يوم الصبح اول ما تصحي من النوم

بقلمريهام محمود فيصحة visibility763

الزبيب من الحاجات اللي طعمها لذيذ جدا وصحي, ويعتبر عنصر اساسي في اطباق كتير سواء حلو او حتى حادق في بعض الدول, وبصرف النظر على ان الزبيب طعمه حلو ولذيذ وبيدخل في اكلات كتير, لكن في فوايد صحية للزبيب هتخليكي تدخليه في نظامك الغذائي, وده اللي هنعرفه النهاردة مع بعض في السطور الجاية.

الزبيب بكل انواعه سواء الدهبي او الاسود او الاخضر غني جدا بالحديد والبوتاسيوم والكالسيوم المفيدة جدا لصحتنا, واكل الزبيب بالطريقة العادية اكيد صحي, ولكن لو عايزة تستفيدي منه اقصى استفادة, انقعيه في ½ كوباية مية طول الليل واشربي المية بتاعته تاني يوم الصبح وكلي الزبيب, الطريقة دي تعتبر مغذية جدا لان المية بتدوب المواد الغذائية اللي في الزبيب وبتخليها سهلة الوصول للجسم لامتصاصه, ودلوقتي هنعرف مع بعض الاسباب اللي هتخلي الطريقة دي عادة عندك تمشي عليها كل يوم.

فوايد صحية للزبيب
فوايد صحية للزبيب

فوايد صحية للزبيب:

1- بيخفض ضغط الدم:

لو عندك ضغط عالي اكتر من المعدل الطبيعي, فاكيد انتي بتعاني من ارتفاع ضغط الدم, والدراسات اثبتت ان اكل الزبيب بشكل منتظم هيساعد جدا في خفض ضعط الدم, وممكن انه يكون بديل كويس جدا للوجبات الخفيفة اللي بتاكليها بانتظام زي البسكويت او الشوكولاتة, واللي اكدته الابحاث ان الزبيب فعلا بيخفض ضغط الدم ولكن لحد دلوقتي مش عارفين السبب بالظبط او ازاي بيساعد على ده, ولكن بيعتقدوا انه بسبب محتوى البوتاسيوم في الزبيب, لانه معروف ان البوتاسيوم بيخفض ضغط الدم.

فوايد صحية للزبيب

2- بيساعد على الهضم:

الزبيب غني بالالياف القابلة للذوبان, والالياف دي بتساعد على تسهيل عملية الهضم, وتحسينه, وهيساعد على علاج الامساك ومشاكل الامعاء بشكل عام, فلو انتي بتعاني من اي مشاكل في البطن هيكون الزبيب هو الحل ليكي.

فوايد صحية للزبيب

3- لتخسيس الوزن:

اكيد الاشخاص اللي بيحاولوا انهم يخسوا او يمشوا على نظام غذائي للتخسيس مش سهل عليهم انهم يسيطروا على رغبتهم الشديدة في تناول السكريات, والزبيب يعتبر البديل الصحي للسناكس اللي فيها سكر اللي بتحتوي على سعرات حرارية عالية, السكريات الطبيعية اللي موجودة في الزبيب هتساعد على كبح الرغبة الشديدة في تناول السكر, وده هيساعد بدوره على الحفاظ على وزن صحي, ولكن مع ذلك كليه بشكل معتدل مش بكميات كبيرة, لان اكل اي حاجة بكمية كبيرة هيتحول لغير صحي.

فوايد صحية للزبيب

4- بيحارب امراض التهاب المعدة:

احساس حرقة المعدة بيكون صعب جدا, والمشكلة دي بيكون ليها اضرار خطيرة بعد كده وتعمل مشاكل في البطانة الداخلية للمعدة وتسبب القرحة, وحسب الابحاث اكل الزبيب هيساعد في التقليل من اعراض الامراض الالتهابية في المعدة, ومن اكتر الانواع المفيدة لمشاكل المعدة هو النوع اللي بيحتوي على بذور زي الزبيب التركي, ودلوقتي لو عايزة تعالجي اي مشاكل في المعدة هتبقي عارفة تشتري اي نوع بالظبط.

5- بيحافظ على صحة الفم:

كتير مننا اكيد بيفكر ان المواد الغذائية الحلوة او اللي فيها سكريات زي الزبيب ممكن انها تضر الاسنان وتسبب تسوس, ولكن حسب الدراسات اثبتت ان الزبيب بيحسن بالفعل من صحة الفم وبيحمي من تسوس الاسنان, وده لان الزبيب بيحتوي على مواد كيميائية نباتية ومضادات الاكيدة النباتية زي الاحماض الدهنية اللي بتحارب البكتيريا المسببة لتسوس الاسنان, والعلماء والمتخصصين بيفسروا ان الزبيب مش بس بيمنع البكتيريا ولكن كمان بيمنع تكاثر الميكروبات اللي بتكون متراكمة في الفم, وبالتالي بننصحك انك تدخلي الزبيب في وجبة فطارك كل يوم.

6- بيمنع فقر الدم والخرف:

الزبيب غني جدا بالحديد اللي هيساعد على منع فقر الدم “الانيميا”, لان زي ما كلنا عارفين ان الانيميا بتحصل بسبب نقص خلايا الدم الحمرا او الهيموجلوبين في الدم, والانيميا دي ممكن انها تأدي للضعف ولامراض خطيرة تانية زي الخرف على المدى الطويل, والدراسات اثبتت ان الاشخاص اللي بيعانوا من فقر الدم معرضين اكتر لخطر الاصابة بالخرف, وبالزبيب من الاطعمة اللي بتساعد بشكل كبير على منع فقر الدم وبالتالي الخرف في المستقبل.

لما تروحي تشتري الزبيب اختاري النوع العضوي, وحبوب الفطار اللي بتتباع في السوبر ماركت ممكن يكون داخل فيها الزبيب ولكن في الغالب بيبقى معالج, فلو انتي بتعاني من مشكلة صحية معينة, اشتري مجموعة متنوعة من الزبيب اللي هتساعدك في حلها, وممكن تاكليه بالطريقة اللي احنا قولناها او تدخليه في وصفات.

هيحصل ايه لو استبدلتي كل المشروبات بالمية!

فوايد المية للجسم والصحة