حيلة غريبة لازالة الشعر من منطقة فوق الشفايف في دقايق

بقلمريهام محمود فيبشرة visibility1586

الشعر الزائد في منطقة الشنب يعتبر من اكتر المناطق اللي ممكن تسبب لنا احراج, خصوصا ان تقريبا دي اول منطقة بيظهر فيها الشعر تاني بسرعة بعد الازالة, وعشان نحل المشكلة دي لكل بنات حوا النهاردة جيبنالكم طرق لازالة شعر الشنب, ومش بس كده كمان هتقلل نموه مع الانتظام في استخدامها.

طرق لازالة شعر الشنب:

وصفة ازالة شعر الشنب بالبصل والريحان:

الحاجات اللي هتحتاجيها:

بصلة.

من 3 – 5 اوراق نعناع فريش.

الطريقة:

1- قشري البصلة وخدي منها بس القشرة الرقيقة الشفافة اللي بتكون بين طبقات البصل.

2- اخلطي قشور البصل مع الريحان واضربيهم مع بعض في الخلاط, لحد ما يتكون عندك معجون سميك.

3- خدي من المعجون ده ووزعيه على منطقة فوق الشفايف.

4- دلكي الخليط بالراحة لمدة دقايق, وبعدين سيبيه لحد ما ينشف لمدة من 15 – 20 دقيقة.

5- اغسلي بشرتك بمية باردة ونشفيها.

6- كرري الوصفة دي من 3 – 4 مرات في الاسبوع بانتظام للتخلص من الشعر الزائد, وكمان مع الاستخدام هتقلل نموه.

طرق لازالة شعر الشنب
طرق لازالة شعر الشنب

تعالوا نعرف مع بعض مجموعة طرق تانية لازالة شعر الشنب في دقايق:

– الوصفة (1): اخلطي ½ معلقة صغيرة عصير ليمون مع 1 معلقة صغيرة عسل نحل, ووزعي الخليط على منطقة الشنب, سيبيه لمدة من 15 – 20 دقيقة, وبعدين اغسلي بشرتك, او امسحيها بقطعة قماش او فوطة.

– الوصفة (2): اخلطي 1 معلقة كبيرة لبن مع معلقة كركم, قلبيهم مع بعض كويس, ووزعي الخليط على منطقة الشنب, سيبيه لحد ما ينشف لمدة من 15 – 20 دقيقة, وبعدين اغسليه بمية باردة.

– الوصفة (3): اخلطي بياض بيضة, 1 معلقة صغيرة نشا, معلقة سكر, ووزعي الخليط على منطقة الشنب, سيبيه لحد ما ينشف لمدة 20 دقيقة, وبعدين شيليه من على البشرة عكس اتجاه نمو الشعر.

– الوصفة (4): اخلطي 1 معلقة صغيرة دقيق حمص, معلقة كركم, ومعلقة زبادي, وزعي الخليط على منطقة الشنب, سيبيه لمدة من 15 – 20 دقيقة, وبعدين اغسليه بمية باردة.

– الوصفة (5): اخلطي 1 معلقة صغيرة لبن مع 1 معلقة دقيق, وزعي الخليط على منطقة الشنب, سيبيه لمدة من 10 – 15 دقيقة, وبعدين اغسليه بمية باردة.

– الوصفة (6): اخلطي 1 معلقة كبيرة عصير ليمون مع معلقة سكر, سخنيهم مع بعض على النار لمد ثواني, لحد ما الخليط يبقى سميك شوية, وزعي الخليط على منطقة الشنب, وحطي عليه قطعة قماش, وبعدين شدي القماشة بالراحة عكس اتجاه نمو الشعر, وبعدها اغسلي بشرتك بمية باردة.

واكس اللبن لازالة الشعر الزائد وتقليل نموه وتفتيح البشرة

واكس اللبن لازالة الشعر الزائد